ဝိညာဥ်​ရေးရာအပင် ဆရာသခင်အဖြစ် ကူး​ပြောင်းလာခြင်း

Chapter 190 : Holding an Auction

Unicode

ရှောင်မိသားစုနေထိုင်သည့် တောင်ကုန်းပေါ်၌။

ရွှီမုရန်သည် ရှုပ်ထွေးသောအကြည့်ဖြင့် ထုန်ထျန်း မျှော်စင်ဆီသို့ စိုက်ကြည့်နေသည်။

"ပါပါး၊ မျှော်စင်ဖွင့်တော့မယ့်ပုံပဲ" ရှောင်ရှောင်တုန်က ရွှီမုရန်ဆီသို့ လှမ်းပြောလိုက်သည်။

ရွှီမုရန်က ခေါင်းညိတ်ပြီး "ဟုတ်တယ်၊ အချိန်နီးနေပြီ"

ရှောင်ကျင့်ထျင်သည် အခြားသူများကို ကျောက်စိမ်းဆွဲသီးနေရာမှတဆင့် ခေါ်ဆောင်ရန် စိတ်ကူးခဲ့သော်လည်း ထိုစိတ်ကူးကို စွန့်လွှတ်ခဲ့သည်။ ထုန်ထျန်းမျှော်စင်သည် အထက်ကမ္ဘာမှ တစ်စုံတစ်ရာဖြစ်သည်ဟု ဆိုကြပြီး ကျောက်စိမ်းဆွဲသီးနေရာနှင့် ဆန့်ကျင်ဘက်ဖြစ်နေမည်လားကို ရှောင်ကျင့်ထျင် မသိနိုင်ပေ။ လိမ်လည်လှည့်ဖြားခြင်းသည် မျှော်စင်အတွင်း အပြောင်းအလဲဖြစ်စေမည်ကို စိုးရိမ်သောကြောင့် သူသည် စွန့်စားဝံ့ခြင်းမရှိပေ။

ရှောင်ရှောင်တုန်က သူ့မေးစေ့ကို ကိုင်လိုက်ပြီး "ဖေဖေ ဘယ်အထပ်ထိိ ရောက်နိုင်မလဲ မသိဘူး။ ကိုးထပ်ကိုရောက်နိုင်ရင် အရမ်းကောင်းမှာပဲ"

ရွှီမုရန်က ပြုံးပြီး "မင်းဖေဖေက ငယ်သေးတယ်။ သူ ဒီတစ်ခေါက်မှာ အရင်လေ့လာကြည့်သင့်တယ်။ ဒါမှနောက်တစ်ခေါက်ထပ်သွားတဲ့အခါ လွယ်ကူသွားလိမ့်မယ်"

"ပါပါး၊ မျှော်စင်ဖွင့်လိုက်တာနဲ့ လူသားတွေနဲ့ အစွမ်းထက်ဆုံး ပင်လယ်နတ်ဆိုးသားရဲတွေ အားလုံး မျှော်စင်ထဲကို ဝင်ရောက်သွားလိမ့်မယ်" ဟု ရှောင်ရှောင်တုန်က ပြောသည်။

ရွှီမုရန်က ခေါင်းညိတ်ပြီး "ဟုတ်တယ်!"

မျှော်စင်ဖွင့်ပြီးသည်နှင့် လူသားများရော ပင်လယ်သားရဲများပါ ဤအခွင့်အရေးကို လက်လွတ်မခံလိုကြဘဲ အခြေတည်ဝိညာဉ်အဆင့် အားလုံးနီးပါးသည်လည်း ထိုနေရာသို့ ဝင်ကြမည်ဖြစ်သည်။

"ပါပါး၊ အဲဒီပင်လယ်သားရဲတွေက မျှော်စင်ထဲကို ဝင်လိုက်တာနဲ့ ခဏတာ အပြင်မထွက်နိုင်တော့ဘူး။ ဝိညာဉ်ကျောက်တုံးတွေရှာဖို့ ဒီအခွင့်အရေးကို အသုံးချနိုင်တယ်" အစွမ်းထက်သောသားရဲများ ထွက်ခွာသွားသောအခါ လူငယ်များသည် ပင်လယ်သို့သွားကာ ၎င်းတို့၏ အကျိုးကျေးဇူးများကို ရှာဖွေနိုင်သည်။