Unicode
ယဲ့အိမ်တော်၌။
"ကျင်းလန် မင်းခေါ်ထားတဲ့လူက အရည်အချင်းရှိရဲ့လား?" ယဲ့ရှန့်ရွှယ်က မေးသည်။ သူမသည်ယဲ့မိသားစု၏ နှောင်းပိုင်း ရွှေအမြုတေအဆင့်ဖြစ်သည်။
သူမသည် အသက်သုံးရာကျော်နေပြီဖြစ်သော်လည်း အသက်သုံးဆယ်ကျော်အရွယ်ရှိသော လှပသည့်အမျိုးသမီးတစ်ဦးနှင့်တူသည်။
"အဘွား အခု တခြားနည်းလမ်း မရှိတော့ဘူး" ဟု ယဲ့ကျင်းလန်က ပြောသည်။
ယဲ့ရှန့်ရွှယ်၏ မျက်လုံးများသည် အေးစက်သော အလင်းရောင်ဖြင့် တောက်ပနေသည်။ ယဲ့မိသားစု၏ မျိုးဆက်သစ်လူငယ်တွေထဲမှာ ထူးချွန်တဲ့ ကျင့်ကြံသူတွေ အများကြီးရှိသည်။ အချိန်ပိုရပါက ယဲ့မိသားစုသည် ၎င်း၏အတိတ်ဂုဏ်ကို ပြန်လည်ရရှိမည်ဖြစ်သည်။ သို့သော် ဟုန်မိသားစုသည် မဟာမိတ်အဖွဲ့တွင် ၎င်းတို့၏ထိုင်ခုံကို လိုချင်နေပြီး ကြီးမားသောဖိအားကိုပေးနေသည်။
"အဘွား၊ အဘွားနဲ့အဘိုး နှစ်ချီနိုင်ခဲ့ရင် ရှောင်ကျင့်ထျင်က ပြိုင်ပွဲဝင်စရာ မလိုပါဘူး" ဟု ယဲ့ကျင်းလန်က ပြောသည်။
ယဲ့ရှန့်ရွှယ်က ခေါင်းခါလိုက်ပြီး "ဒီတစ်ခါတော့ ဟုန်မိသားစုက အထွတ်အထိပ် ရွှေအမြုတေအဆင့် အကြီးအကဲယွိယောင်ကို ဖိတ်ကြားခဲ့တယ်။ ငါတို့ သူ့ကို အနိုင်ယူလို့မရဘူး။ အခြားနှစ်ချီမှာလည်း အနိုင်ရဖို့ ယုံကြည်မှုမရှိဘူး"
ယဲ့ကျင်းလန်က မျက်မှောင်ကြုတ်ပြီး "အကြီးအကဲ ယွိယောင်ကို ဖိတ်ကြားထားတာလား?" ဟု မေးလိုက်၏။
အကြီးအကဲယွိယောင်သည် ရွှေအမြုတေအဆင့် နတ်ဆိုးသားရဲသုံးကောင်ရှိသည့် အထွတ်အထိပ် ရွှေအမြုတေအဆင့်ကျင့်ကြံသူဖြစ်ပြီး၊ ဆိုလိုသည်မှာ တစ်ဦးသည် ပြိုင်ဖက်လေးယောက်ကို တစ်ချီတည်းတွင် တိုက်ခိုက်ရမည်ဖြစ်သည်။ အကြီးအကဲ ယွိယောင်သည် ကိုင်တွယ်ရန် ခက်ခဲပြီး သူ၏ နတ်ဆိုးသားရဲသုံးကောင်သည် ဤတာဝန်ကို မဖြစ်နိုင်အောင် လုပ်ဆောင်ပေးလိမ့်မည်။
"ရှောင်ကျင့်ထျင်က ရွှီချင်းရှန်းထက် ပိုသန်မာသင့်တယ်လို့ ကျွန်မထင်ပါတယ်" ဟု ယဲ့ကျင်းလန်မှ ပြောကြားခဲ့သည်။
VOCÊ ESTÁ LENDO
ဝိညာဥ်ရေးရာအပင် ဆရာသခင်အဖြစ် ကူးပြောင်းလာခြင်း
EspiritualBoth Unicode and Zawgyi are available! Title - 穿越之灵植师 Author - Ye Yiluo (叶忆落) Type - Web Novel (CN) Status in COO - 397 chapters (Complete) Original publisher - LC Read Genre - Action, Adventure, Mature, Romance, Shounen Ai, Xianxia I do not own a...
