ဝိညာဥ်​ရေးရာအပင် ဆရာသခင်အဖြစ် ကူး​ပြောင်းလာခြင်း

Chapter 167: Tian Shen Sect

Unicode

ရှောင်ကျင့်ထျင်သည် သူ၏ နာကျင်မှုကို သည်းခံပြီးရင့်မှည့်ရန် အလွန်ခက်ခဲသော ဝိညာဉ်ဝါးစိမ်းမှ မှော်ပစ္စည်းနှစ်ခုကို ပြုလုပ်ခဲ့သည်။

"ဖေဖေ၊ ဖေဖေ လုပ်ထားတဲ့ မှော်ပစ္စည်းတွေက အလုပ်ဖြစ်မှာလား?" ရှောင်ရှောင်တုန်က ဤမှော်ပစ္စည်းများသည် ထူးဆန်းလွန်းသည်ဟု မြင်သောကြောင့် သံသယဖြင့် မေးလိုက်သည်။

ရှောင်ကျင့်ထျင်က ရှောင်ရှောင်တုန်ကို စူးစူးရဲရဲစိုက်ကြည့်ပြီး "ဘယ်လိုမှ အလုပ်မဖြစ်ဘဲ မနေနိုင်ဘူး။ မင်းမှာ အမြင်မရှိဘူး။ အမြင်ကျဉ်းလွန်းတယ်!"

၎င်းတို့သည် ရုပ်ဆိုးပုံရသည်မှာ အမှန်ပင်၊ သို့သော် ဤအရာ၏ ကုန်ကြမ်းမှာ အရည်အသွေးကောင်းပါသည်။ ၎င်း၏ အသွင်အပြင်သည် မျက်စိနှင့် ဖမ်းစားနိုင်ခြင်းမရှိသော်လည်း ၎င်းသည် လုပ်ဆောင်နိုင်သရွေ့ အလုပ်ဖြစ်သည်။ အကယ်၍ ၎င်းတို့ကို သူ၏ဒုတိယသားဖြစ်သူက ဖန်တီးခဲ့မည်ဆိုပါက ဤမှော်ပစ္စည်းနှစ်ခု၏ စွမ်းဆောင်ရည်သည် 20% တိုးတက်လာမည်ဖြစ်သော်လည်း ကံမကောင်းစွာပင်....

ရှောင်ကျင့်ထျင်သည် သူပြန်သွားသောအခါ လက်နက်သန့်စင်သည့်ပညာကို ဆက်လက်လေ့လာသင့်သည်ဟု လျှို့ဝှက်စွာတွေးခဲ့သည်။ သူ့ရဲ့ လက်ရှိလက်ရာဟာ တခြားသူတွေကိုပြသဖို့ မလုံလောက်သေးပေ။

ရှောင်ကျင့်ထျင်က ရှောင်ရှောင်တုန်ကိုကြည့်ကာ "မင်းတို့ဒိမှာစောင့်နေ၊ ဖေဖေ ပြန်လာခဲ့မယ်"

ရွှီမုရန်သည် ရှောင်ကျင့်ထျင်ကိုကြည့်ကာ ခဏတုံ့ဆိုင်းနေပြီး "ငါ မင်းနဲ့အတူတူလိုက်ခဲ့မယ်"

ရှောင်ကျင့်ထျင်က ခေါင်းခါလိုက်ပြီး "မဟုတ်ဘူး၊ မကြာသေးခင်က ပြင်ပကကျင့်ကြံသူအချို့က လမ်းကိုစူးစမ်းလေ့လာဖို့အတွက် အုတ်မြစ်ချအဆင့်ကျင့်ကြံသူတွေကို ဖမ်းနေတယ်။ မင်းတို့က ဒီမှာနေပြီး ကိုယ့်ကိုစောင့်နေပါ။ ကိုယ်တစ်ယောက်တည်းဆိုရင် ရုန်းထွက်ဖို့ လွယ်လိမ့်မယ်"

ရွှီမုရန်က ခေါင်းညိတ်ပြီး "ကောင်းပြီ" ဟုဆိုသည်။

ရှောင်ကျင့်ထျင်သည် မြေပုံနောက်ကိုလိုက်၍ သန့်စင်လေပြင်းချောက်ကမ်းပါးသို့ ရောက်လာခဲ့သည်။