မုန်းမာန်ဖွဲ့ ရန်ငြိုး

Part 41

Part 31

အခန်း-၄၁ ကျန်းအိမ်တော်က သခင်မလေးယွမ်။

ဒုတိယမြောက်နေ့ မနက်ခင်းမှာ လန်ချောင်က ကျန်းယွမ်ကို ထဖို့ လာနှိုးတယ်။ ကျန်းယွမ်က ပိုင်ကျီကို ကျိုးမော့မော့ကို ဂရုစိုက်ဖို့ ပြောခဲ့တယ်။ ဒါ့ကြောင့် လုကျူးနဲ့ လန်ချောင်က ဒီနေ့ အခမ်းအနားကို သူမနဲ့ လိုက်ခဲ့ရမှာဖြစ်တယ်။ လုကျူးက ကျန်းယွမ် မနက်စာစားနေလို့ စောင့်နေတုန်း လန်ချောင်က ကျန်းယွမ်ကို အဝတ်အစားလဲပေးဖို့ စိတ်မရှည်စွာနဲ့ စောင့်နေတယ်။ လုကျူးက ရယ်လိုက်တယ်။

မမလန်ချောင် က တော်တော် စိတ်မရှည်တာပဲ မသိတဲ့သူတွေက ဒီနေ့ သွားမယ့်သူက မမလန်ချောင်လို့တောင် ထင်နေကြမှာ

ကောင်မစုတ်လေး။ မဟုတ်တာတွေ ဆက်ပြောနေရင် နင့်ပါးစပ်ကို ငါဆွဲဖြဲပစ်မယ်

လန်ချောင်က ပြောလိုက်တယ်။

ငါတို့ရဲ့သခင်မလေးက အလှမပြင်ရတာ ကြာပြီ။ ငါ အရင်ကပြောခဲ့သလိုပဲ ငါတို့ သခင်မလေးက အလှဆုံး မိန်းကလေးပဲ။ ပြီးတော့ အဲ့လူတွေရဲ့ အကြည့်တွေက သခင်မလေးဆီပဲ ရောက်နေမှာဆိုတော့ ငါ စိတ်မလှုပ်ရှားဘဲ မနေနိုင်ဘူး

ကျန်းယွမ်က ပြုံးလိုက်တယ်။

ကျန်းအိမ်တော်က အလှလေးက ကျွန်မမှ မဟုတ်တာ

သခင်မလေးက ဒုတိယသခင်မလေး အကြောင်းပြောနေတာလား

လန်ချောင်က ပွင့်လင်းတဲ့သူဖြစ်လို့ ဂရုမစိုက်ဘဲ သူမက ဆက်ပြောခဲ့တယ်။

ဒုတိယသခင်မလေးရဲ့ အသွင်အပြင်က ကောင်းမွန်ပေမဲ့ အဲဒါအရမ်း ပေါ့ပါးလွန်းတယ်။ သူ့ရဲ့ အခုအသက်နဲ့ဆို ရသေးတယ်။ ဒါပေမဲ့ သူ ကြီးလာရင် ဒီလို ရိုးရိုးရှင်းရှင်းနဲ့ လန်းလန်းဆန်းဆန်း အသွင်အပြင်က စိတ်ဝင်စားစရာ မကောင်းဘူး။ သူက ရင်သပ်ရှုမောဖွယ် အလှနဲ့ ငါတို့ သခင်မလေးနားကို ဘယ်တော့မှ ရောက်မှာ မဟုတ်ဘူး

ကျန်းယွမ်ရယ်လိုက်တယ်။

အခုခေတ် မြို့တော်မှာ ပျံ့နှံ့နေတဲ့ ပုံစံက ဒီလိုကြော့ရှင်း၊ ဆွဲဆောင်မှုရှိပြီး သန့်စင်တဲ့ အလှမျိူးဖြစ်နေတယ်ဆိုတာ နင် သတိထားမိမှာပါ။ အဲ့အချိန်မှာ ငါ့ရဲ့အသွင်အပြင်က တောက်ပြောင်လွန်းနေတယ်