unicode
Part 69
အခန်း - ၇၁
အပိုင်း (၂)
ရွှမ်းလီရဲ့ မျက်နှာထားက အနည်းငယ် စိတ်အနှောက်အယှက်ဖြစ်နေတယ်။ သူက သူ ရင်းနှီးတဲ့ အသံကို မကြားမချင်း စကားမပြောသေးဘူး။
"ဒုတိယကျန်းသခင်မလေးက အမျိုးသမီးရဲ့ မျက်နှာကို သေချာ မမြင်ရသေးပဲနဲ့ ဘယ်လိုလုပ်ပြီး အကြီးဆုံး ကျန်းသခင်မလေးမှန်း သေချာနေတာလဲ။ "
လန့်သွားပြီးတော့ ကျန်းစုစုက ခေါင်းမော့လိုက်တာနဲ့ ရှောင်ရှို့ရဲ့ ကြော့ရှင်း၊ အေးစက် ပြီး ခံစားချက်မဲ့နေတဲ့ မျက်နှာက သူ့ရှေ့မှာ ပေါ်လာတယ်။ ဒါပေမဲ့ သူ့ရဲ့ အသံက စိတ်ပူနေတာ ဒါမှမဟုတ် စိတ်တိုနေတဲ့ အသံ မဟုတ်ဘူး။
အဲ့နေ့မှာ သူက လင်းလောင်လှေပေါ်မှာ သူမကို ကယ်ခဲ့တုန်းက ရှောင်ရှို့က သူမဘက်ကလို့ သူမ ထင်ခဲ့တယ်။ ဒါပေမဲ့ ကျန်းစုစုက ကျင်းရင်းဝမ်ရဲ့ အိမ်တော်ကို ရောက်တော့ တံခါးဝမှာ သူမက အေးစက်စက် တုံ့ပြန်တာခံခဲ့ရတယ်။ ဒါ့ကြောင့် သူက ကျင်းရင်းဝမ် အဲ့အချိန်မှာ ဘာတွေ တွေးနေလဲဆိုတာကို စဉ်းစားလို့မရဘူး။ အခု သူမက သူ ကျန်းယွမ်ဘက်ကနေ ပြောနေတာကို ကြားလိုက်ရတော့ ဒါက ကျန်းစုစုကို ပိုပြီးတော့တောင် သံသယဖြစ်စေတယ်။
အဲ့အချိန်မှာ သူမနောက်ကနေ ညင်သာပြီး သိမ့်မွေ့တဲ့အသံကို ကြားလိုက်ရတယ်။
"အကုန်လုံး ဘာတွေ ကြည့်နေကြတာလဲ။ "
အသံကို ကြားလိုက်ရတော့ ကျန်းစုစုရဲ့ ခေါင်းထဲကို ကြည်လင်နေတဲ့ ကောင်းကင်ကနေ မိုးကြိုးပစ်လိုက်သလိုပဲ။ သူမရဲ့ တစ်ကိုယ်လုံးက သူနေရပ်နေတဲ့နေရာမှာပဲ တောင့်ခဲသွားတယ်။ ရှောင်ရှို့က မျက်ခုံးပင့်လိုက်ပြီး အသံလာတဲ့နေရာကို တစ်ချက်ကြည့်လိုက်တယ်။
သူက အနက်ရောင် အပေါ်ရုံနဲ့ ဝတ်ရုံနီကို ဝတ်ထားပြီး နှင်းရည်စက်လေးတွေက ပခုံးပေါ်မှာ ရှိနေတဲ့ မိန်းမပျိုလေးကို တွေ့လိုက်တယ်။ သူမက အပြင်က ပန်းတွေ အပြုံလိုက်ရှိတဲ့ နေရာမှာ မတ်တပ်ရပ်နေပြီးတော့ သူတို့ကို ပြုံးပြနေတယ်။ သူမက သူမရဲ့ ထီးကို မဖွင့်ရသေးပဲ မိုးစက်လေးတွေက သူမရဲ့ ခန္ဓာကိုယ်ပေါ်ကို ညင်သာစွာ ကျနေတယ်။ မြူတွေထဲက ဆွဲဆောင်မှုရှိတဲ့ မျက်လုံးတစ်စုံက စိတ်မဝင်စားသလိုနဲ့ ဖြစ်နေတယ်။ သူမရဲ့ နှုတ်ခမ်းထက်က အပြုံးလေးကို ကြည့်ပြီးတော့ တစ်ယောက်ယောက်က မကြောက်ဘဲ မနေနိုင်ခဲ့ဘူး။
ESTÁS LEYENDO
မုန်းမာန်ဖွဲ့ ရန်ငြိုး
Ficción históricaဘာသာပြန်သူ- ညိမ်းမြတ် ဇာတ်လမ်းအကျဉ်း "ယွမ်ယွမ် မင်းက ကမ္ဘာကြီးကို မုန်းရင် ကိုယ် မင်းနဲ့အတူ နယ်မြေတွေကို သိမ်းပိုက်မယ်။" "ကျွန်မက ကမ္ဘာကြီးကို ချစ်တယ်ဆိုရင်ရော။" သူမက မေးခဲ့တယ်။ "ကိုယ်က ကမ္ဘာကြီးဘဲ ဒါမှ မင်း ကိုယ့်တစ်ယောက်တည်းကိုပဲ ချစ်နိုင်မှာ။" သူ...
