UNICODE
အချပ်ပို (၃) ကောင်းကင်ဘုံလမ်းစဉ်သံသရာစက်ဝန်း
သတ္တမဦးလေးတို့တစ်မိသားစုလုံး အမေရိကားကို ပြောင်းသွားကြပြီမို့ တရုတ်ပြည်ဘက်က စီးပွားရေးတစ်ခုလုံးရဲ့ စီမံအုပ်ချုပ်ရေးကို ယွီထန်ကသာ ပြန်ပြီးလက်လွှဲယူထားရသည်။ တစ်ချိန်တည်းမှာပဲ ယွီလင်က မူလတန်းတက်ရတော့မှာဖြစ်သလို ယွီမြောင်ကလည်း အထက်တန်းတက်ရတော့မှာမို့ ယွီမိသားစုဝင်တွေလည်း မြို့တော်ကိုသာ အကုန်လုံး ပြောင်းရွှေ့လာလိုက်ကြတော့သည်။
မြို့တော်၏ နာမည်ကျော်အမျိုးသမီးများအသိုင်းအဝိုင်းဟူသည် မြို့တော်အတွင်းရှိ အထက်တန်းလွှာ လူကုံထံသခင်မလေးများသာ ဖြစ်ကြသည်။ သူမတို့သည်ကား ငယ်စဉ်ကတည်းက သိကျွမ်းခင်မင်ခဲ့ကြသည်ဖြစ်ရာ တိုးဝင်ပတ်သက်နိုင်ဖို့ရန်မှာ ခဲယဉ်းလှ၏။ သို့ပေသိ မေမေယွီအတွက်တော့ အခက်အခဲတစ်ခုဟု မဆိုနိုင်ပေ။
စုန့်ရှောင်းက မေမေယွီအား မျိုးသန့်Ragdollကြောင်လေးတစ်ကောင် လက်ဆောင်ပေးခဲ့သည်။ လွန်စွာလှပလွန်းပေရာ မေမေယွီက အင်မတန်ကိုမှ သဘောကျလေသည်။ ဒီလိုနဲ့ပဲ ကြောင်ကိုအကြောင်းပြ၍ အခွင့်ကောင်းဖန်တီးကာ အိမ်တော်၌ အိမ်မွေးတိရစ္ဆာန်ပါတီတစ်ပွဲ ကျင်းပလိုက်၏။ ရင်းနှီးသည်ဖြစ်စေ၊ မရင်းနှီးသည်ဖြစ်စေ သူဌေးကတော်များအားလုံးကို ဖိတ်ကြားခဲ့ကာ လက်ဖက်ရည်ကြမ်းလေးသောက်၊ စကားစမြည်လေးပြောရင်း အိမ်မွေးတိရစ္ဆာန်လေးများကို သူ့ထက်ငါအပြိုင် ထုတ်ကြွားကြ၏။
*Pure-breed Ragdoll cat
ယွီမြောင်သည်လည်း အနောက်တိုင်းစတိုင်ဂါဝန်အသစ်ချက်ချွတ်လေးကို ဆင်မြန်းကာဖြင့် မေမေယွီနံဘေး၌ ဖော်ရွေစွာ ပြုံးရယ်ရင်း မိတ်ဆွေဖွဲ့နေ၏။
YOU ARE READING
ပြဿနာရှာတော်မမူစမ်းပါနဲ့ ဧကရာဇ်အရှင်ရေ || မြန်မာဘာသာပြန် ||
Romance|| Completed || Myanmar Translation of Stop Bothering Me, Emperor "皇上别闹" Original Author - Lü Ye Qian He, 绿野千鹤 Status in COO - 3 volumes, 120 Chapters + 3 Extras This is just a Fan Translation. All credits go to the original author & English transl...