عَذب الليّالي تَوارى مِثل الأحلامِ مَخطور عَني عَجاج الوَقت يَخفيها

الصفحة {٢٧}

الصفحة { ٢٧ }
-
بَعد مَا تَفحصت المَكان بِدقه قَاطعتها ثَنايا بإبتسامة : لا تَخافين قَايلة لِتس بتكونين إختنا السَادسة البِيت بيتس إدخلي .
دَخلت عَذب وتَفاجئت إن الكِل كَان بإستقَبالها حَتى أُم هَذال بِينهم مَاقدرت مَا تخفي خُوفها وتَبتسم لَهم تَقدمت لـ أُم هَذال بِما إنَها الأكَبر بالسن وحَبت راسها ويدها وببِحة : عساتس بطولة العمر يا خالتي مَعتس عَذب .
رفَعت أُم هَذال كُفوفها المُجعدة وشَالت النِقاب عَن وجَه عَذب تَوسع مَحجر عُيونها بِثواني مَعدوده وهَمست بِصدمة : سِبحان الخَالق النَاطق صَدق مِن قَال الأشَباه أربعين .
إبتسمت عَذب بَعد كِلمتها وببَحة : عسى اللّي مَشبهتني بَها أجوديه وبِنت رجَال ؟
بَرقت عُيون أُم هَذال وهِي تستذكر شَريط حَياتها مَع أُم عَذب وكِيف كَانت حَياتهم سِويا كانوا مثل الخَوات بَجسد واحَد وبيُوم مَشؤوم تَفرقوا بَسبب شَخص عَديم ضَمير وإحَساس لإنَها فِعلاً الخَالق النَاطق مِن عَذب بـ جَمالها وجَمال عُيونها وثَغرها حَتى نَفس كَثافة رمُوشها ولوُنها الحِنطي الفَتان هَمست بِعبره : إلا بالله إنها أجوّديه وبِنت أجَواد ونَشمية يا سِبحان الله والشبهة تقولين بنتها وانا مدري ! والله لو تشوفينها تقولين إنها أُمتس .
عَذب ضِحكت بِخفة وكَملت : دام ودتس تَخليني بنيتها فَا أنا بنيتها مِن هالحزة هالحين فيه حرتن بتسبدي ودي اشوف شخص من اشباهي الأربعين .
إبتسمت أُم هَذال ولمَت كُفوفها عَلى خدود عَذب وبإبتسامة : لِيته بالساهل نَقدر وأخليتس تشوفينها عُمره البتسى مارد غايب اللحود للحياة !
عَقدت حَاجبينها عَذب مِن آخر جملة لـ أُم هَذال
تَوقعت إنها ميته من آخر جملة سَمعتها أبعدت بهدوء عن أم هَذال وببِحة : الله يرحمها ويغفرلها .
تَقدمت أُم سَهم لـ عَذب وصَافحتها وكَأنها بتضيّع المُوضوع وأخَذتها مِنهم وبَدأت تَعلمها عَلى الأمَاكن بالبيت لأن مَلامح عَذب تَبدلت للإستِغراب وأُم سَهم تَعرف سَالفة أُبو عَذب وقَصّها عَليها زُوجها أُبو سَهم , ومَاتبي أُم هَذال تَنخ وتَخوف عَذب بردّة فِعلها مَا صدقو أنها تَوافق يِجيبون عَاملة بالبِيت وبَعد هَذا كِله كِل اللّي بالجَلسة حَالياً مَايعرفون إن عَذب بِنت عَمهم وهِي بَعد جَاهلة هالشيء الأشَخاص الوحيدين اللّي يعرفون أُمها وأُبوها إذا دلتّهم عَلى البيت الجَديد اللّي تِخدم فِيه .
-
#عَذب_الليّالي_تَوارى_مِثل_الأحلامِ