عَذب الليّالي تَوارى مِثل الأحلامِ مَخطور عَني عَجاج الوَقت يَخفيها

الصفحة { ١٠٢ }

{ الصفحة ١٠٢ }
-
بَعد ماطَلعوا قِصيد وسَهم مِن الجِناح ومَابقى فِيه غِير تَمارة وهَايل وهَذا وقَتهم الأحَب يَقعدون مُقابل بَعض ويَتقهوون ويَحكون عَن اللّي صَار بَيومهم مِثل جَلسة تَهذيب للنَفس لُهم هُم الأثَنين ؛
جَلس هَايل وقَهوته تَمارة وجَلست قَباله وهَمست بَوافر الحُب : بِمَحاجرك حَتسي مِن مِبطي مَا حَتسيته هَات مَا عِندك إسَمعك .
هَايل بَادلها نَظراتها ومَسك كُفوفها وضَمها لِكُفوفه وببَحة : الحَتسي وكِل الحَتسي هُو إنِي أَموت عَليك ويَا جِعلني ما أفَقد حِستس وصُوتس حَواليني ولا يَخليني يَارب .
تَمارة إبَتسمت وأردَفت : ولا مِنك يا حَبة العِين بَس بَصدرك حَتسي ولا أحَب أشوفك مِغتلق هَاللون قُول يا عَيوني وش تَاك صَدرك ؟
هَايل أخَذ نَفس طَويل ولَمعت عُيونه : الوَضع الجَاي مَاهوب بِصالحنا أبَد يَا حَبيبة قَلبي إنَ هِي بيَدي ومَشورتي بَحط بَنت أُخوي وزُوجته عَلى العِين والرَاس مالهم مَذنوب بِفعله مَاهيب فِعلتهم لَكن مِقرن لَه الرأي والشُور ولا نِختلف إن الزَعل بِقلوبنا تَسبير عَلى مِزنه رحَمة الله عَليها لَكن كِله كَان قَدر ومَكتوب الحريّم قَوارير ولا لُهم ذَنب ومِتأكَد إن عَذب ذَاقت الضِيم والضَلايم مَع ربَاح الله لا يَربحه ' سَكتته تَماره وهِي تِحط أصَابعها عَلى ثَغره وبِهدوء : لا يَا رُوحي لا تَدعي يَبقى أُخوك وكِلكم دَم واحَد وعِندنا ذُرية مَا نَبيهم يَكبرون ويَتعادون عَلى بَعض عُمري أنَت أدَري بِك حَنون وحَنيتك لَو وَزعت مِنها كَفت ووَفت وفَاضت بَعد الجَاي إتَركه عَلى رَب الكُون هُو الأرحَم ومِثل مَاحتسيت كِله قَدر كِل اللّي عَلينا إن حِنا نَسأل الله الصَبر والثَبات غِير تِسذا ربَك تَسبير سُبحانه .
إبَتسم بَراحه وهُو مَبهور فِيها بِكل مَره تَريح قَلبه وتَسكن جَوارحه بَكلامها قَرب لَها وأعَدم مَسافاتهم وحَاوطها وضَمها لَصدره وهُو يَستنشق ريِحتها بِكل مَافيه : يَا عَلّ عُويناتي ما تَبسيتس يا تَمارة
عَليتس قَلبي رحَيّم وفِيتس قَلبي لَطيف
ألَطف مِن مَداعب الشَايّب لـ بَنت ولَده .
شَدت عَليه وهُو أمَان قَلبها وأمَانها وكَأنها بَتوصل لَه هَالشيء بَس بِلغة ضَمتها وهَمست :
سُود الليّالي هَـينه لا تَخاف دَامك مَعي وأنَا مَعك كِله هَيّـن يَا عُيوني .
-
#عَذب_الليّالي_تَوارى_مِثل_الأحلامِ