Nakahinga ako nang maluwag nang makita si Vincent na papalapit sa'kin.
Ibinaba ko ang swiss knife na hawak ko at sumigaw. “Badtrip ka alam mo ‘yon??” Napahagod talaga ako sa buhok ko.. SHEMAY!
“What if those bastards followed you?”
“Tigilan mo nga yang kakaEnglish mo! Lalo akong naaasar sa’yo!” Naknangtinapay! Halos malaglag yung puso ko sa sobrang takot tapos itong hinayupak lang na ‘to pala yung sumusunod sa’kin?! “Saka bakit nila ako susundan? Mukha naman silang mababait na tao ha?”
“Kapag may itsura, mukha na agad mabait?” Nahimigan ko ng pagkairita yung boses nya.
Sumagot naman ako. “Bakit nakakita ka na ba ng gwapong nangholdap?”
Kahit dim light lang ang uso sa kantong kinatatayuan namin, nakita kong napalaki yung mata nya sa sinabi ko.“Tinitignan mo ba talaga yung itsura ng hoholdap sa’yo?”
“Syempre, para mapablatter. Saka wala na sila kuya, umalis na no, kanina pa.”
“Sa bagay, parang nag-enjoy ka naman sa paghawak nung isa sa kamay mo.” Tapos nagwalk-out ang lolo mo. Kailangan galit?
“Excuse me ha! Hinihila ko ang kamay ko!”
Napatigil naman sya tapos lumingon sa’kin. “Hinihila mo? For what? For the sake of ‘hila lang kasi may nakatingin?’ Tapos sabi mo pa ‘Okay lang’. Fuck that.”
“Anong gusto mong sabihin ko?? Customer namin yon?! Saka anong big deal? Kamay lang yon!”
Napangiti sya ng tipid pero parang nang-iinis. “Tama, hindi big deal. Just like a bitch.”
“Bitch?!” Biglang nag-init yung ulo ko dun a! “BITCH??!! Sa pagkakaalala ko isa pa lang ang nagiging boyfriend ko! Anong karapatan mong sabihan ako nyan?!”
“Lemme see..There’s this ex-boyfriend, the seatmate, the drunk and his sidekick.” Tapos parang nagbibilang pa sya sa kamay nya..
“SEATMATE? DRUNK? SIDEKICK?” Understood yung dalawang huli, pero.. Seatmate??? Sa ugali nitong hudas na ‘to, imposibleng sarili nya ang tinutukoy nya.. Si Vickie.. teka puro babae katabi ko pwera na lang.. kay Zeke!
Nilagay ko yung kamay ko sa beywang ko saka tumitig sa kanya. “Teka lang, bakit ba nagagalit ka? Ano bang pakialam mo?”
Halatang nagulat sya sa tanong ko. “Papagalitan ako ng— Don’t get shirty young lady,” Tapos naglakad na ulit sya paalis. [Shirty = bad tempered]
“Shirty?? ANO YON?? Papagalitan?? Nino?” Hinabol ko naman sya. “TEKA LANG!!”
