كيان الغيث

اسكريبت 22

-بتحبني؟
-‏طبعا يا حياتي.
قولت بنفاذ صبر:
-‏بتحبنيي!
-‏وبقولها يوماتي.
-‏غيث!
-‏عيونه.
-‏واللهِ؟
-‏ايه ياحبيبي مالك؟
-‏إنت بارد كدا ازاي؟ بتتصرف وكأنك معملتش شيء خالص.
-‏بارد ازاي بس يا كوكو ياحبيبي، قوليلي أنا غلطان في ايه؟
-‏وكمان مش عارف غلطك؟
سيبته وقومت، أصلا أصلا هو شخص وحش، مش عارفة حبيته ازاي دا، أنا هكرهه خلاص مليش فيه.
-يا سلام يا واد يا غيث وعلى الشوكلاتة الديري ميلك الكبيرة دي البابلي القمر اللي هتاكلها كلها لوحدك دي.
هو أنا قولت هكرهه أوي؟ لا واللهِ غيث ابننا ومننا وعلينا يعني، كلنا أهل في بعضشينا.
شديتها منه بسرعة وطلعت أجري وأنا بقول:
-لو جدع الحقني بقا وخدها مني يا قليل الأدب يا اللي بتكلم بنات من ورايا.
كنت باصة ورايا وأنا بجري واتكعبلت في كرسي السفرة، ودا وقتك يا أخي يخربيت الزولم.
-وفين البنات اللي بكلمهم دول ياست كيان؟
-‏هه بتسأل؟ مش عارف كمان؟ مش عارف من كُتر ما هما كتير يابيه، روح منكلله زي ما إنت كاسرني وقاهرني كدا، بتخونني يا عمر؟ أنا أكتر حاجة توجعني الخيانة.
-‏خلصتي؟
-‏ألا هو إنت مسمكش عمر ليه ياولا؟ كانت هتكون قمر كدا.
-‏كيان يا حبيبتي إنتِ عمرك ما تعرفي تنكدي عليا زي باقي الستات كدا ليه؟
-‏لأجل إني مبحبش أشيلك أحزاني بس.
-‏حوشي يابت الحزن اللي بيقع هناك دا حوشي.
-‏يوه خضتني ياولا.
غمز وهو بيقول:
-‏سلامتك من الخضة.
-لا ولو بردو ولو مش مسامحاك يا غيث الكلاب لأ.
-‏بقا أنا كلب؟
-‏أحلى كلب، ياتي قمر ياتي، تعامبوسك ياحبيبي تعالي.
-‏يعني بتأكدي المعلومة؟ وأنا اللي جاي أصالحك، واللهِ خسارة فيكِ السفرية بتاعت شرم.
-‏شرم! أنا سمعت صح مش كدا؟
-‏لا بقا ما خلاص اتلغت عشان إنتِ زعلانة مني.
-‏مين الهبلة اللي زعلانة منك؟
-‏عيب ياحبيبتي متقوليش على نفسك هبلة كدا أزعل.
-‏لا واللهِ ما زعلانة يابني، ها قولي كدا السفرية دي بتقول ايه ولا راحة فين ولا هتروح امتى؟
-‏دلوقتي مبقتيش زعلانة يابنت ال..
قاطعته وأنا بقول:
-‏بنت ال ايه بنت ال ايه يا محترم؟
-‏بنت الحلوة، دا أنا حتى طول عمري بحب حماتي واللهِ.
مسكت في هدومه وقولت:
-‏يا غيث بقا طلعني الرحلة بالله عليك.
-‏ايه دا عايزة تطلعي من غيري كمان؟ واللهِ عال.
-‏لا ياحبيبي من غيرك ازاي بس.
-‏ألا هو احنا كنا بنتخانق على ايه يا كيان؟
-‏بنتخانق؟ يعني ايه خناق؟ أنا أول مرة أسمع الكلمة دي.
-‏حيث كدا بقا خشي حضري الشنطة.
جريت عليه حضنته وقولت:
-‏يعيش غيث يعيش يعيش حبيبي يعيش.
-‏آه يا هبلة! دا كله عشان هسفرك، دا احنا نسفرك كل يوم بقا لأجل الحضن القمر دا.
نهى كلامه بغمزة فاتكسفت وبعدت عنه وقولت:
-دا لزوم الفرحة بس متاخدش على كدا كتير.
-‏بت هرجع في كلامي.
-‏لا واللهِ أنا آسفة، كلب وغلط وعرف غلطه خلاص، دا أنا حتى بحبك.

"كنت أنا يومًا ما، لكن الآن كلي أنت."
#كيان_الغيث
#أروى_إيهاب