زواج متقف

البارت الثالت

[ما تــخـرجــي... مــن قـلبــي ...الا و نــتــي... فـكـفــن]

◾البارت الثالت

كريم:(هز كتافو بالا مبالاة) انا بعيد على هادشي...

نانسي:(قلزات ليه)ها ما بقيتي تسوى عندي يا الرويجل...(خاطبات البنات بصوت عالي حتى قفزو)و صااااااااافي البنات راه عظامي غايتفصلو...

طلقو منها بجهالة قالبين وجههم...و هي تنهدات بضجر...

نانسي:و صافي البنات فكو ديك الغوباشة...راكم عارفين مللي كاتشدني جدة بالهضرة اش كايوقع...

نجلاء:فوجه جداتك ندوزوها ليك...

فاتي:(جات خبطاتها للظهر كضحك)و حتى بوجه الفليسات لغاندخلو اليوم...

كريم:و كيغادير ليها هاد المرة...

نانسي:(بضحكة شريرة و هي كتحك يديها مع بعضياتهم) هاد المرة يا سادة غانختارو واحد البلاصة غادخل لينا الزبابل...

نجلاء:(كتفكر)تي راه البلايص كاملين دزنا عليهم تا من الكوميسارية مفلتناهاش...

نانسي:(كتلعب بحجبانها)الحمام...

فاتي:من هضرتك باينة شي كارثة جايا فالطريق...

نانسي:(خنزرات فيها)لواه البعابع...انا نهار ندير لاباس غايوليو يتخاطفو عليا الناس بأفكاري...(دوزات يديها على الحيط)و عقلي عليها..

كريم:(جبد ݣارو من جيب سروالو)يالاه تهلاو العشيرات...قضية النسا مدخلوني فيها حمباكم...

نانسي:(جراتو من تيشورت تاعو معصبة )تا ينعل جد حس بوك فهاد النهار ثبت...ما قلناش ليك غادخل معانا...

نجلاء:و تي شرحي لينا القحي*بة شكايدور فداك العقل عندك...

نانسي:(كتفرنس)غاندير ليهم تبريمة دايزها الكلام مع...

فاتي:(نقزات مخلوعة شادا فقلبها)هاويلي يا ويلي حي...باغا دير ليهم الشعبي بحال قبل...فآخر يامي غايضربني جن...و مزال ما شفت ولا تشوفت

نانسي:(قلزات ليها وسط عينيها)يشوف العما البعر...الخرااااااا....توما باغيين تفقصوني ولا مسلطاكم عليا جدة...

نجلاء:اييه و الى صدقنا فالكوميسارية؟!...

نانسي:تي مال فمك كيقطر السم...توما هالعار واش معايا و لا ضدي...

فاتي:هاويلي يا صحايبتي تا هاد المفولجة دي عليها...قوليلينا كيدايرا هاد التبريمة...

نانسي:(تحنات هزات سطولاتها و كتهضر فنفس الوقت)سيرو عند الكسالة سعاد (جبدات من صدرها 20 دراهم )قولو ليها تعطيكم التبريمة تاع النيلة الزرقا...و تجمع النسا تماك تلاهيهم كيف العادة...(ما زادوش معاها كلمة زادو مع الطريق و تلفتات لعند كريم لكايبحلق فيهم مفاهم تا لعبة)ياو تا غاتبقا غا حاضينا...تا عطيني سوارت خربتك نمشي نتلاح ليها و قلب 6 9...

كريم:(جمع فمو بعدم رضى)دبا ما بان ليك غا الخربة للي أنا فيها...و نتي الجنون لفيها شهدو على فعايلك...

نانسي:يحسن ليهم الشرف...(مدات يدها)عطيني السوارت يالاه...

كريم تأفف و خشا يدو فجيبو جابد منو السوارت...عطاهم ليها و خلاها تهز سطولاتها و تزيد خلفة ما عاوداتش دارت...

••••بعد 15 دقيقة...

فقلب صالون صغير...كانت كالسة نانسي فوق سداري مفرقة رجليها كاتنش على وجهها من الصهد...و مرة مرة تشوف فالساعة لمعلقة...ودوي مع راسها ...

نانسي:اناري فين تعطلو هاد الجوجات...سير بغيت ليكم تمشيو ما ترجعو يا وجوه السطل المتقوب...

بقات كتنݣر غا بوحدها ...حتى طاحت عينيها على صورة أب كريم معلقة فالحيط ...و سكتات على غفلة...مللي تذكرات معاها ذكرى دازت عليها أربع سنوات...و خلات قلبها يزيد من دقاتو....حسات بالريق نشف ليها...قفزات مللي سمعات الخبيط فالباب...خرجها من سهوتها...مشات كتجري فتحاتو و خلات البنات يدخلو...تأكدات مكاينش كريم فالزنقة و سدات الباب كتجري لعندهم...كتجبد داكشي لجابو من عند العطار...و فنفس الوقت طالقا حلوقها فالغوات...

نانسي:سيرو انا بغيت ليكم الساحق و اللاحق يا المفولجات...بيت ليكم الحبوب فالترمة و قلة الظفار ..هادي هي رجعو دغيا ..