زواج متقف

البارت 58

الفـصـــل الثـاني:ما خــلف الأقــعنة🍷👄

[ما تــخـرجــي... مــن قـلبــي ...الا و نــتــي... فـكـفــن]
✍️ By Sa ri ta

⚫ 𝙱𝚊𝚛𝚝 58

مـــكـــــان آخــــــر

بقامتو الطويلة..و بوقفة رجولية شامخة واقف قدام الحبس...عيونو الزرقا كاتجول فالسما...رافع راسو الفوق...و تفاحة آدم بارزا...و برجليه يضرب ضربات خفاف مع الأرض بإنتظار...و من جيهتو الليمن عويتق..عيونو كايضورو متابثينش و ضارب الطم..و هو من حالة دراغون للي باين معصب ما زعم يهضر...بعد عليه شوية بحذر...كايصايفط ميساج يشوف علاش تعطلو ولاد دراغون...حتى حس براسو مجرور من قب قبيتو بحكم هو قصير شويا...نزل راسو مدورو بشوية لجيهة دراغون للي شادو...تابث بنفس الوقفة...ناطق بصوت جامد...

دراغون:[بلا ما يشوف فيه نطق]طير صايب لي شي جوان...

عويتق:[كايتفتف]هي اللولى برو...

مع رخف عليه الشدة...طار عويتق لجيهة اللوطو...و دراغون خرج لسانو مدوزو على قنات شفايفو بسهوة كايفكر...و بدون ملل خرج من جيب التجاكيط تيليفونو...دار الكود و مشا نيشان لجيهة الآبيلات....ضاغط على واحد التسجيل تخاد البارح...من وقت معطل...بلا خبارو...

فتح التسجيل كايعاودو للمرة الثالتة كايتنغم بصوت أناكوندتو ...و هي كاتخطط من ورى ظهرو...و لكن معامن مع ذيب و بزناز كبير فالحومة...

[الـتـســجـــــيل]

___________________

فاتي:فينك نتي دبا الموصيبة...

ساريتا:[دورات بشويا وجهها حاضية مع دراغون لا يفيق]سمعيني أ صاحبتي و حلي وذنيك...معنديش بزاف تاع الوقت...[هضرات بشوية]دراغون لقاني و خطفني و دبا حابسني هنا فدارو..

فاتي:[ضربات حناكها مصدومة]هاويييلي لا متقوليهاش الصݣعة...ما متيقاش...واش داك البزناز للي تقفتي راسك على قبلو؟..

ساريتا:[قلبها نبضاتو بالكاد كايتسمعو من خوفها لا ينوض يحصلها]هو ا ختي هو...المصيبة إلى عرف غاينحرني ما فيهاش...خاصني نحيد هاد التقاف غدا... و لا أخيرتي على يدو أ صحايبتي...

فاتي:[نطقات بقلق]و كي غادي ديري ليها ...ماشي غا اجي و حيدو اصاحبتي راه ربع سنين دازو...و ديك الشوافة قالت ليك ما تعطليش عليها...

ساريتا:ما تنسايش هاد الشوافة كاتجيك من العائلة...قادي ليا البلان معاها و انا مللي نشوف الفرصة مناسبة غانسلت من هنا...و نصوني ليك باش نتلاقاو...

__________________________

طرطق عنقو بكل هدوء...و بصمت تام كايقلب عينيه كايفكر لبعيد...حتى وقف عليه عويتق كاينهج...

عويتق:ها هو برو صايبتو كيف ديما...[مد ليه الجوان]ولادك عاد دويت معاهم...واحد ثلاتة الدقايق و يخرجو...

دراغون:[لا رد]

خدا من عندو الجوان بلا ما يتكلم و لا يعبر كلامو..و شعلو واضعو بين صباعو كايكمي بثقالة...و أفكار كاتتضارب فعقلو مخلياه ملتازم الصمت...
شويا قلب نظراتو للقدام...مباشرة للباب الكبير تاع الحبس...بعد ما سمع الباب كايتحل...و من بعده بانو جوج دراري...واحد طويل كايمضغ فالمسكة و هاز صاك حاطو على كتفو مخنزر...و للي حداه حاضي غا باه للي كايشوف فيهم بصمت...

[• الكبير فيهم سميتو فتاح طالع للثلاتينات...عندو حقو فالزين..حواجبو ديما معقودين و مخنزر...
•الصغير سميتو صلاح فأواخر العشرينات..قصير شويا على خوه...]

بقا دراغون تابث فبلاصتو...ما تحرك و لا زاد الخطوة للقدام لعندهم...بل صبر كايشوف فيهم حتى جاو وقفو قدامو...و نطق فتاح غامزو...

فتاح:وا فين أ با دراغون...شفتك ما فرحانش لخروج ولادك اليوم..