الفـصـــل الثـاني:ما خــلف الأقــعنة🩸🫦
___________________
𝑩𝒚 𝑺𝒂 𝒓𝒊 𝒕𝒂⚫𝑩 𝒂 𝒓 𝒕 109
كذبات ما شافت مرة و جوج و لكن الحوايج لي شافت خلاوها تيقن...و دموعها لي محبوسين تنزلو بقهر...شفايفها كايترعدو و ذاتها كاتحس بيها باردة عليها...ما قدراتش توقف على رجليها مزال...نطقات بصوت ضعيف متخللو البكا...
فاتي:نجلاء...نجلاء الضريفة و السكوتية...نجلاء لي ديما كاتحني الراس...[ضربات على قلبها كاتشهق بصوت عالي]نجلاء لي مكاتحركش البيضة من بلاصتها يطلع منها هادشي؟..[هزات داك الصندوق ضرباتو مع الأرض]نجلاء علاش درتيها علاش...علاش خنتي العشرة لي جامعانا علاش...[نتفات شعرها بالغدايد كايخرج عقلها بالبكا]ااااه أش دارت ليك ساريتا حتى ديري فيها هادشي...أش دارت ليك حتى تخونيها بهاد الطريقة...هي عمرها آداتك أش دارت ليك حتى بغيتي تخرجي على حياتها...
كريم:[و هو داخل للبيت ساد نيفو..محني لمستوى فاتي كايسولها بخوف]الخوادرية مالك كاتبكي...واش وقعات شي حاجة لنجلاء؟...
فاتي ضارت لعندو و زادت فوتيرة البكا ...شارت ليه بصبعها لجيهة وحدة...خلاتو ينقل نظراتو لتماك كايحاول يفهم و الإستغراب ظاهر فيه...خصوصا ملي لمح تصاور ساريتا...استغرابو و فضولو يعرف اش واقع خلاه يسولها كايمسح دموعها بأصابعو...محاملهاش تبكي كثر و فنفس الوقت باغي يعرف لي واقع...
كريم:شعر..لاغيݣل..تصاور ساريتا...أش واقع ا فاتي...هادشي ديالمن و علاش تصاور الخوادرية معاهم...
فاتي:[شافت فيه]باقي ما فهمتيش؟؟...كولشي واضح قدام عينيك...[شدات شعرها بغات تنتفو حتى شد يدها]كولشي كان باين و حنا مكلخين غاديين معاها بنيتنا...
كريم:[شد يديها بجوج معليهم ناطق و هو مخنزر كايشوف فيها]هداااي لمك قبل ما نصمكك...شرحي ليا لي كاين دغيا...
فاتي:[صرخات بصوت عالي]نجلااااء أ كررريم...نجلااااء طلعاااات ماشي كيف كااانسحااابو...طلعاااات لفعععة خاااايبة لدررررجة جااامعا حواااايج البنت بااااش تسحررر ليها فهمتي...باااااش تقضيييي على ساااااريتااااا و تحيدهاااا من طريقهااا...
كريم تصدم و لسانو تربط ما لقا ما يقول من غير يجرها لعندو و يعنقها كايحاول يصدق هادشي..خلاها كاتفش قلبها بالبكا لعلى و عسى العافية لي شاعلة فيها تهدى...لعلى تلقا راسها فحلم و تفيق منو...ثواني معدودة و بعدها و بدون سابق إنذار ناض كريم من بلاصتو خارج للبرا البيت كايتمشى دغيا...و فاتي موسعا عينيها خايفة لا يمشي لعندها يقتلها و يكمل نص حياتو فالحبس...دغيا جمعات داكشي فالصندوق رجعاتو كيف كان.. ناضت من بلاصتها تابعاه بلا عقل...و قبل ما ينزل شداتو دغيا من دراعو ناطقة و هي مخنزرة فيه...
فاتي:فين غادي هااا؟..باغي ضيع حياتك على قبل ديك الكلبة...
كريم:[كاينهج و عينيه حمرين كايغوت بحر جهدو]طلقيي أ فاااتي مااا تخلييينيش نغلط فيك...طلللللقي نممممشي نذبببببح الق•حبة...
فاتي:[سدات ليه فمو دغيا كاتهضر بشويا]هبط قولها لمها تسمعك...هبط و سير سيفطها للقبر نيشان...[حيدات يدها ناطقة بهمس]تهدن أ كريم ماشي وقت التهور دبا...خاصنا نفكرو بعقلنا أش غانديرو...و غلط بسيط غاتخلصو ساريتا...
كريم:باغاني نسكت و ندير بحالا ما طرا والو ها؟...صافا پا أ العشيرة...تا بالرب حتى نصايفطها للقبر نيشان...
فاتي:[تحت سنانها قايلة]كرييييم ما تفقصنيش كثر ما أنا مفقصة...خاصنا نفكرو بالعقل ماشي بالقلب كيف كاتقول لينا ساريتا...
كريم:واخا...[ضرب يدو مع الحيط مالفت ليها]واخا أ لالة عندك شي حل باش ما نحوي•هاش؟...
فاتي:خاصنا نتأكدو أول حاجة فين ناويا تسحر ليها...حينت الحوايج لي غايستعملو فالسحور كاينين هنا...[جبدات من جيب البيجامة التيليفون]هادا تيليفونها هو الوسيلة الوحيدة لي غانعرفو بيها...
كريم:[عاقد حواجبو]وا تحركي حليه...سربي راني شاد راسي بزز ما نقتل•هاش...
فاتي:[عينيها على التيليفون]واخا صبر نشوف[شعلاتو دغيا بغات تكتب مود الباص لي عارفا حتى تفاجئات ملي لقاتو محول للنقاط]هاد الكلبة راها بدلات نوع ديال مود الباص...
كريم:أري لهنا نشوف[بغا يشد التيليفون حتى منعاتو مخرجا فيه عينيها]...
فاتي:أ صبر صبر ياكما نسيتي ما خاصناش نديرو غلط واحد يخليها تشك فينا...[سهات كاتفكر و تعاود]بلاتي نفكر كي كانت ساريتا كي كانت كاتحل تيليفون الكراش القديم...
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...