زواج متقف

bart 105

الفـصـــل الثـاني:ما خــلف الأقــعنة🩸🫦
               ___________________
                       𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  105

حسناء:[بقا فيها الحال]يا أ ماما ياك...خفتي نشوه بيك ولا نجبدليك الصداع مع راجلك...ما نبقاش فيك أنا...

الأم:ياك واكلا شاربة و مصبطك باك من لراسك لرجليك اش باغا مزال...[قلبات الهضرة]حيدي عليا هاد الفشوش و قوليلي خبار ديك العروسة الصغيرة...

حسناء:[تنهدات بحزن ]هادشي لي هامك أ ماما...خبارها كثر من خباري؟...حتى نتي دات عقلك بحال بابا...حتى ناسيين بلي عندكم بنت...

الأم:[كاترطب فيها]علاه أنا نقدر نسا بنتي حبيبتي...واخا نولد خمسة الولاد بلاصتك بوحدها عندي...[لمعو عينيها]و نتي بنت دراغون بالخصوص متميزة عندي...و عاودي ليا الله يرضي عليك لي كاين...

حسناء:[فرحاتها هضرتها قلبها الصغير و بلا ما تحس بدات تسرسب ليها]

__________
   
     نرجعو للــــــــــــفوق...

دراغون:ولادي ما جايينش من الزنقة...[ضرب صبعو مع راسها]و نتي دخلي فبالك حاجة وحدة...نتي بلاصتك معايا و حدايا كافية و غاتبقاي ݣالسة هنا بقيمتك معززرة مكرمة...

ساريتا:ما حدني كاينا هنا...لازم عليهم يحتارموني كيف كانحتارمهم...[دمعو عينيها باصطناع]كانشوف الكره فعينيهم ليا واخا أنا ما درت لا بيدي ولا برجلي...ما كرهوش يقتلوني اليوم قبل من غدا و كولشي شفتيه على عينيك اليوم...[شافت فيها كاتمسح دموعها]و فاللخر كاترغم عليا نحمل...

دراغون:[جمع قبضتو مزير عليها ناطق بهدوء مخيف]عاودي الجملة اللخرة نسمع...

ساريتا:[على نيتها قالت]لي قلت باين و واضح...نهار نحمل هداك هو النهار الكحل عندهم و هما كارهيني...و قبل ما يجي لهاد الدنيا ماشي بعيد غايقتلوه فكر

قاطعها بتصرفيقة للوجه مكانتش متوقعاها ولا ضاربا ليها الحساب...كأنها عاد فيقاتها على الهضرة الكبيرة لي قالت...حطات يدها على حنكها كاتشوف فيه متفاجئة...هادي هي معمرو يضربها و لا تعلى يدو عليها...و لكن لسانها لي دارها ليها و بهاكا وصلات للخط الحمر معاه لهي ولادو و مّو...رمقها بنظرة فشكل بأعينو الحمرا خلات الندم يرجع ليها بكلامها لي قالتو بعفوية...محملاتش ديك النظرة لي شاف فيها...فتحات فمها تهضر و لكن قاطعها بتجاهلو و هو ماشي للماريو هز حوايج الخروج...و خرج من البيت سادو بجهد حتى تفزعات...

و هي قلبات شوفاتها للقدام نازلة مع الحيط حتى وصلات الأرض جامعا رجليها...و ذكرى زارتها خلات دمعة حارة تنزل مع خدها...

🔙🔙

ساريتا:[بدموع نازلين ناطقة]علاش أ مّي علاش باغا تلوحيني بيدك العافية...أ مّي مباغاش نتزوجو ما باغاش...

فضيلة:ايييه حينت جاي طالبك للحلال ماشي للحرام...أ شوفي كلمة وحدة ما نعاودهاش غاتقبلي و لا هالسخط ها الرضا...

ساريتا:أنا أش درت ليكم علاش هادشي كامل أ مّي...انا مزال باغا نبقا حداكم...راني صغيرة أ مّي صغيرة على الزواج...

فضيلة:[كاتمسح ليها دموعها و تبكي معاها مقهورة]لسانك السليط لي دارها ليك أ بنتي...لسانك لي دارها ليك..غايخرج عليك أ بنتي و يخرج علينا شي يوم...يا ما جيتي جرحتينا بالكلام و خربتي بيوت و هزيتي ذنوب على رقبتك...حسن ليك الزواج أ بنتي لي يربيه و يخليك عارفا اش كاتخرجي من فمك...

🔙🔙🔙

بدات ترجع للواقع على صوت ما غريبش عليها...صوت سميحة و هي واقفة فوق راسها حاطا يد فوق يد على كرشها كاتشوف فيها...

سميحة:أ ديك الصفريطة ما كاتسمعيش...

ساريتا:[طلعات راسها ليها رافعا حاجب]نعام أ خالتي  سميحة أش حب الخاطر...

سميحة:نوضي تهزي بغيت ندوي معاك...

ساريتا:[ناضت كاتقاد فحالتها ناطقة ببرود]إلى كان بخصوص داكشي لوقع التحت ولدك قام بالواجب غا رتاحي...

سميحة:[لمحات الضربة لي مرسومة على وجهها و نطقات بلا مبالاة]ماشي بخصوص لوقع للتحت...[شافت فيها بنظرة شرانية]بخصوص ••••..

ساريتا:[وسعات عينيها بذعر كاتبلع ريقها]أشنو المطلوب؟...

سميحة:[كاتميق فيها]دبا غانتفاهمو من هنا للقدام مزيان أ كنتي الغالية...[قربات لعندها ناطقة بخبث]غادي•••....

[مزال ما جا الوقت تعرفو فيه حبيباتي على الموضوع لي جات على قبلو سميحة..و خلا ساريتا الخوف راكبها ناويا دير أي حاجة على قبل داك الموضوع...لكن يا ترى أشنو هو؟]