زواج متقف

البارت 131

الفـصـــل الثـاني:ما خــلف الأقــعنة🩸🫦
               ___________________
                       𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  131

                مــــــــــكان آخر

كانو ݣالسين مستفات وحدة ملاصقة مع ختها...مرة آية ضور تشوف ففاتي و مرة فاتي تشوف فيها...واقفا عليهم الجدة رقية كاتمشي و تجي كاتهلل و صوتها يثقب فالوذنين...حاطا يد ورى ظهرها كاتقرقب بالعݣاز...

رقية:وا هيا الجيلالي فين خليتيني و مشيتي...وا الجيلالي أجي تشوف بيمن محزمة....[ضارت لعند البنات]وا المجلجات و يا متعوسات الليام لاش ما قلتوها ليها لاش...

فاتي:[عيات تشرح ليها و تعاود]واا الحاجة و راه كاع البيبان لي نوصلو ليها مسدودين...و هي من داك النهار فاش جينا لعندهم ما صونات مزال...

آية:أنا كايبان ليها نقولوها لمحمد و هو يغرقها فالحباسات...

رقية:اييه يا بنيتي و نتي باش عرفتي غايدخلها للحبس و ما يقتلهاش...[ضرباتها بالعكاز]توما باغيين تفقصوني اليوم ولا...

فاتي:و أشنو نديرو ياكما نسكتو للكلبة و نخليوها دير ما بغات...

رقية:وا هاكي لمك هاك[ضرباتها للفخد حتى غوتات كاتحك فيها]نتوما كاتفكرو بعقلكم و لا بتر•متكم...و ديك سيرة التقاف الهبيلات باش عرفنا واش عندها دليل و لا غا كاتهضر...هاك هاك باغيين يفضحوها و يخرجو على بنيتي و يرزيني فيها داك البزناز...

هي كاتهضر و صوت الدقان بجهد كايتسمع علاين يتهرس...ناضت آية شافت فيهم ناطقة بشوية...

آية:هاويلي أ خالتي جاني هاد دقان بحال تاع المخزن هادا...

فاتي:[ضربات على فخادها كاتندب]وا هيا مّي مشيت فيها...وا هيا مّي عرفوني عند يد فالسرقة و الحبيبيس كايتسناني...

رقية:[نزلات عليهم بالعكاز]و يغبر لبوكم الشقف عولنا عليكم بكري...ما ديرش ما تخافش...زيدو قدامي حلو داك الباب...

آية:[دفعات فاتي قدامها كاترعد] لا لا أ خالتي هي لي دارتها بيدها و هي لي غا تحل...

رقية طلع ليها الدم معاهم و هنا يترعدو مقادرين حتى يحلو الباب...دفعاتهم و حلاتو متكية على عكازها و عينيها المكمشين كايحرقو نجلاء لي واقفا كاتنهج و من حالها باينا معصبة...

رقية:تي شكاين؟أ مالنا على هاد الدقان الباب شاريه بوك...

نجلاء:[ما تسوقات ليها كاتشوف للداخل كاتقلب]دازت عندكم فاطمة الزهراء اليوم؟...

رقية:و نتي أش باغا بنيتي فاتي بعدا؟...

نجلاء:[عوجات فمها بنفاذ صبر و دخلات للداخل كاتغوت مخليا رقية مخنزرة فيها و القردة طالعا ليها]فاااااااتي فييييينك...

رقية:[نزلات عليها للظهر حتى ضارت لعندها نجلاء عاضا على سنانها]وا تي تسحابي هادي دار مك لي داخلا ليها هاد الدخلة؟...

نجلاء:[ولات معصبة غا على سبة]جمعي داك العكاز أ لالة رقية لعندك و خليني محتارماك...

فاتي:[خارجة من الكوزينة بعد ما كانت مخبية فيها هي و آية]أ مالك  أختي شتك داخلا جاهلة علينا ياك شي باس ما كان...

نجلاء:[تلفتات لعندها ناطقة بصوت عالي]فاااتي نتتتتتي لي قربتي للصندوق لي كان فالسطح؟؟؟!...

آية:تكالماي أ حبيبة لا يطرطق فيك شي عرق و تصدقي ميتة هنا بأعصابك...

نجلاء:نتتتتي مااااشي سووووقك...[شافت ففاتي]هضرررررري واش نتييي لي قربتي ليييه؟!!!!!!...

              ____________________

     توقفات اللوطو و قلبها كاتحس بيه غايوقف من بلاصتو بقوة ما مزير عليها...و حجرة كاتحس بيها محطوطة عليه...بزز باش طلعات النفس و ضارت لعند دراغون لي كايشوف قدامو مزير على يدو محاملش تحط رجلها فالدار لي تهانت فيها قدام عينيه...و لكن فاللخر ما يقدرش يحرمها تشوف عائلتها...تلفت لجيهتها مطول يدو للجيهة اللورانية حتى هز ساشية لاحها فوق رجليها تحت استغرابها كاتشوف فيه...

ساريتا:أرغد أشنو هادشي؟...

دراغون:[بنبرة ثقيلة رجولية]حتى تحليها و تعرفي...