زواج متقف

البارت 93

الفـصـــل الثـاني:ما خــلف الأقــعنة🍷👄

[ما تــخـرجــي... مــن قـلبــي ...الا و نــتــي... فـكـفــن]
𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  93

محمد:[ستافزاتو بهضرتها لي ما يصبر عليها راجل]مرااااحلش حيييينت ما قتلتتتتكش نهااار هرببببتي و جيتي تخبااااي هناااا...و لكننن اليوووم نديرها و ماااا غا يعتتتتقك حد...

نقز دغيا لعندها رافع يدو بغا يصرفقها حتى تشدات من العدم...و صوت رجولي غليظ عالي كايجلب الرهبة فالنفوس تسمع زلزل البيت بلي فيه...

دراغون:برررربي يا الز•امل حتى نخررررج رووووحك من بلاصتهاااا اليوووم...[عطاه لكمة قوية جامع فيها أعصابو كاملين حتى طاح محمد]

ضور وجهو دغيا عروقو خارجين شاد فوجهو...و وسع عينيه مصدوم ملي شافو قدامو...هو نفس الشخص لي حاول يدخلو الحبس و هو نفس الشخص لي تحاماو عليه ولادو[إلى عقلتو عليه هو لي داو ليه الروايض تاع لوطو تاعتو]

محمد:نتاااا...[ستاوعب الصدمة لي تحولات لعصبية أكبر]أش جاي ديررر نتااا فداااري...

الجدة:[كاتبكي خايفة عليه حينت عارفا الى طاح فيد دراغون غايخرج ميت]هادا راه راجلها أ ولدي ...راجلها...خلي عليك اللفعة تمشي بحال و عمرها ترجع...

دراغون نقل عينيه لجيهة ساريتا لي مرخية شاداها آية و عاود رجعهم لمحمد...لي رجع لور كاينهج ملي عرفو راه راجلها...و لكن دراغون كان أسرع منو و كان وجه ليه كروشية لوجهو حتى ضار وجهو  كايتقيا الدم...و زادو وحدة أخرى كاينطق بصوت حاد...و عينيه حمرين بياضهم ما بقاش يبان...

دراغون:هااااديييك لي كنتي غاااتخنقهااا يا الزااام•ل راااها مراااتي...[ركلو بكل قوتو حتى صرخ محمد موجع]هاااديييي مراااااتي ماااشي ق•حبة بااااش تشووووهكم ... مااا عندكش الحق تمسهاااا...

بقا كايركل فيه مغدد و الغضب تمكن منو حتى وقفات ساريتا خايفة...على خوها لا يموت تحت يدو...و على دراغون..و فنفس الوقت عارفة دراغون الى تعصب ما يبقا عاقل على حد...مشات كاتجري عنقاتو من ظهرو كاتدوز يديها على صدرو كاتحاول تهدن فيه ناطقة بتوسل كاطلب فيه...

ساريتا:عفاك أ دراغون حبس غاتقتلو...[نهارت كاتبكي]على قبلي حبس الله يخليك...

حسات بيه بدى يهدى و وقف من فوق خاطرو...و هو مكرهش يقتلو و يغززو بين سنانو و لكن لحالة ساريتا و حينت كايبقى خوها حبس...و دار لعندها كاينهج جارها معنقها لعندو بيد مطلع راسو الفوق و هي كاتشوف فمحمد خوها لي كايتألم مقادرش يحل عينيه لي تنفخو من الضربات لي توجهو ليه...بقا فيها شويا و لكن لدرجة تخاف عليه بل قصحات شوفتها كاطلع و تنزل فيه بتشفي و استحقار...يمكن حينت هان شرفها و بكلامو رجعها بحال عاهرة مكاتسواش ...أو يمكن بأسباب أخرى مرتاكبة فالماضي...طلعات راسها بثقالة لجيهتو ملي حسات بيه تكالما...حسات بيه راجل وقف معاها اليوم...بل ديما واقف معاها سوى قدام عائلتها ولا عائلتو...تمتمات بين شفايفها بنبرة خافتة كاتشوف فيه...

ساريتا:يالاه نمشيو للدار...

الجدة:[نطقات بالغوات]أحسن حااااجة غاديريها اللفعة...كرهت على الساعة لي خليت تخباي عندنا...ملي رجعتي ليه و شوهتينا ماااا بقااات عندك بلااااصة بيناااتنااا...

دراغون خنزر فيها بلا ما يدوي و جر ساريتا خارجين...و هي تلفتات لعندهم دارت فيهم اخر شوفة و هضرة خوها و جداتها دخلو كي سم مغايتحيدش...بتاسمات باستهزاء لحالها قبل ما تعطيهم بالظهر...

        فالـــليل...

كانت نجلاء طايحة على الأرض سخفانة و آثار الضرب على وجهها لي ملاميحو مغطيهم الدم و جسدها...و دراغون مقابل معاها كايضرب ضربات خفاف فالأرض...و ݣارو فيدو كاينتر منو نتيرات كبار...شار بعينو لعويتق لي فهمو و هز سطل تاع الما مخلط فيه الملح كبو عليها...حتى تفزعات من بلاصتها صارخا بالحريق لي تشعل فيها...جات عينها فدراغون لي كايكمي بهدوء و تخلعات ناطقة بخوف..

نجلاء:دراغون...دراغون اش واقع...[ضورات عينيها]فين أنا...

دراغون:[ݣلس فوق الكرسي قالبو...ناطق بفحيح]فالبلاصة لي غايتحفر فيها قبرك...

نجلاء:[حسات بالبرودة داخلا معاها]ك..كيفاش..و لكن أنا أش درت..

دراغون:[بخ الدخان فالهوا]درتي بزاف...[شار بعينيه لعويتق يخرج و ناض لعندها مقرب لجيهتها]اليوم غاتخلصي...[ضغط على كرشها برجليه حتى خرجات عينيها]و أولهم على التقاف لي كذبتي فيه...

نجلاء:[نطقات بحروف متقطعة]ل..لا...لا...ان..انا..م..مكذبت...ع..عليك..فوالو...صدقني...

دراغون:[ركلها و هو مشمأز منها]أمثالك سبق و دازو قبل منك و دبا تحت التراب مدفونين...[رجع كايكمي بهدوء]و نتي لاحقا عليهم اليوم...[رفع صوتو كايشوف فيها]عووويتق دخلهم...

ثواني و دخل عويتق و من وراه ثلاتة شماكرية كايشوفو فبعضياتهم...و يطلعو و ينزلو فنجلاء كأنها فريسة غاتلبي غزيرتهم الحيوانية...