[ما تــخـرجــي... مــن قـلبــي ...الا و نــتــي... فـكـفــن]
◾البارت الثاني
بعد أربع ســـنــواتفحي شعبي بامتياز...كل دار ملاصقة حدى ختها...دراري صغار كيلعبو الكورة و صوت غواتهم كيتسمع من بعيد...رباعة العيالات قدام كل دار شادين النميمة فالغادي و الجاي...شماكرية شادين القنات كيتعنبو على هادي و يضحكو على هادي و ياخدو النمرة من عند هادي...
كان واقف دري امام دار متكونة من ثلات طوابق ...لابس تيشورت فالزرق مع سروال الكيطمة فالكحل و كلاكيطة...داير تحسينة تاع المشرملين ..يديه عامرا ضرابي ...هاز الحجر الصغير و كيضرب بيهم جيهت واحد الشرجم حجرة من ورى حجرة ...طالق حبالو الصوتية كيف العادة...
كريم:وااااا فيييييين اااااا حببببي نانسي...طليييي علييييينا و ووريناااا وجهك المنووووور....
العيالات مكلفوش راسهم يبرݣݣو حينت ببساطة ولفو...تفتح الشرجم بقوة و طلات منو بنت فأواخر العشرينات ...بشرتها بيضاء اللون... مطرطقا فيه عينيها البنية الفاتحة و مرة مرة تلفت وراها خايفة تشدها جداتها تعلقها فالسطح..
نانسي:كريموو...ش جاي دير عندي...يغبر لبوك الشقف...
كريم :(نطق و هو حاط يديه على قلبو)ا ااااااااااااخ على صويت كيذوب القليب....نانسي:(من تحت سنانها)كرييييييييييييييمو...
كريم:(حاط يدو فوق قلبو )اااااه و كيخرجات من فمك...حلوة كيف الشهد...(تقاد فالوقفة و ظهر من ورى ظهرو ميكة كحلة مبينها فيديه)نزلي نزلي ها الأمانة لطلبتيني عليها ...
نانسي:( عينيها خرجو منهم القلوبة )وقولها من الصباح الخ•را سير سير تسناني فراس الدريبة ...و قولها للكليكة انا جايا ...
مخلاتوش فين يدوي دغيا سدات الشرجم ...و دخلات غسلات وجهها و سنانها ...عاد لبسات كاب طويل فوق بيجامتها..تحنات هزات بنطوفتها فيديها و مشات على صبيعات رجليها نازلة من الدروج غا بالحس....و عينيها كيضورو فكاع الجوايه...وقفات قدام الباب كتغوت بشوية ب "ييس"بحماس طفولي ...بحالا لقات الكنز...
:طلعي الساقطة غا بشوية...
حركات راسها دغيا ب"أه"...يالاه غاتحط يديها على الساقطة و هي تحس بنغزات متوالية فظهرها....وسعات عينيها عاد طلعات معاها ... علات يديها بجوج للفوق...باقا شدا بيهم بنطوفتها...و تلفتات لعند جداتها لمخنزرة ...حانية ظهرها شادا بيديها العكاز قدامها...
الجدة:تي فين غادا سالتة يا المصننة...
نانسي:(رسمات ابتسامة بلهاء على وجهها كدور عينيها كتقلب على شي كذبة)هيهي كيشتي دبا انا ..
الجدة:(ضرباتها بالعكاز تا نقزات من بلاصتها)تي دوي مقاد الله يغبر لبوك الشقف...
نانسي:هنننننن و مالك ديما حاݣرا عليا مالك...مكنت خارجا فين غا كيشتي كنت هازا بانطوفتي كانقتل فالرتيلات لمعلقين فالباب...
الجدة:تي قتلتي الݣمّيلات لمعششين فشعرك...بقا لبوك غا الرتيلات....
نانسي:و صباح هادا ا جدة الله يهديك...هادي ما تكون غا شي دعوة ديال حليمة سلطاتك عليا...
الجدة: يسلطو على جد بوك شي جايحة تغبرك عليا ....
نانسي:(قلبات عينيها بملل)...نقصي شوية من الدعاوي ديالك..بقات ليك خطوة للقبر و مزال ما باغا تْركني...
الجدة:(هزات عكازها و عطاتها ضربة للفخد حتى غوتات شادا فيها)الله يقلل حياك يا العجلة الكارمة...ا تفو ما عرفت لمن شبهتي(جبدات من صدرها الفلوس و عطاتهم ليها)هاك سيري الحمام غسلي هاد الحالة راك خنزتي ...و رجعي دغيا قبل ما يجي خوك و مراتو...
شداتهم نانسي من عندها دغيا..تبوس و تعنق فيها تا خنقاتها عاد طلقات منها...طالعا لبيتها هزات سطولاتها و حوايجها ...و نزلات طيرة وحدة حلات الباب و خرجات للزنقة ... كملات طريقها كتجري تا وصلات للراس الدرب ...مشات لواحد القنيتة مخبية على الانظار لقات الكليكة مجموعين كايتسناوها ...حطات سطولاتها للارض و تحنات شادا بركابيها كتنهج...حتى حسات براسها مجرورة من اللور....دارت و هي تلقا صحبتها شاداها من القب كدي و تجيب فيها....
فاطمة الزهراء:(مطرطقا فيها عينيها) ا دوي يا المݣملة المصننة هادي هي غا نجي...
جات لعندها صحبتها اخرى شداتها من الجنب الاخور من القب...كتجر و تقول ما جريت...تا ولات طالبا الشرع معاهم ...
نجلاء:ياو اليوم يا بنيتي المݣملة غا نطلعوك فجريدة المساء على هاد الشميشة لتݣرملنا فيها ...
نانسي:(كتجبد من قبضتهم)واااا كريم عتق عتق غا يقتلوني هاد المتعوسات الليام...و انا مزال تا ما شفت ولا تشوفت...
أنت تقرأ
زواج متقف
Romantizmقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...