الفـصـــل الثـاني:ما خــلف الأقــعنة🩸🫦
___________________
𝑩𝒚 𝑺𝒂 𝒓𝒊 𝒕𝒂
⚫𝑩 𝒂 𝒓 𝒕 107
ضارت كملات طريقها تنزل للتحت حتى وقفات ثواني كاتشمشم ..و ريحة كاتزيد طغى بحال كاتناديها تجي تشوف حوايج غا يصدموها...غايخليو حياة ساريتا تقلب سفاها على علاها...
تلفتات بكامل جسدها لناحية البيت الصغير لي جايا منو الريحة...تنهدات و قلبها ما ريحهاش...و الفضول كلاها تعرف أشنو كاين...غادا و تقرب من البيت حتى وسعات عيونها ملي تأكدات فعلا ريحة لاغيݣل...ولكن أشنو جابها للبيت الصغير و الطارو تاع الزبل ما كايحطوه هنا بالأساس؟..هاد السؤال لي طاح فبالها و ما لقات ليه الجواب...
دخلات كاتقلب عينيها على الطارو و سادا نيفها من الريحة الخانزة و لكن ما لقاتوش...زاد استغرابها كثر و كثر...تاقت فحاسة الشم لعندها و تبعات الريحة كاتقلب بين القش لي تماك ...و لكن ما لقات حتى حاجة حتى وقفو عينيها على صندوق مستطيل الشكل...لي الريحة طلعات خارجة منو هو...من عوايدها ما تقلبش الحاجة لي ماشي ديالها و لكن الريحة المجهدة خلاتها تحنات دغيا لعندو ...حاطا يدها ثواني قبل ما تفتحو و يتفتحو معاها عيونها موسعاهم مكايترمشوش...لدرجة طاحت حداه على ركابيها كاتشوف فالفراغ...
عنـــــــد بطــــــلنا دراغـــــــــــون
فجرف عالي كان متكي على اللوطو كايكمي فهدوء...و عيونو متربصة فالفراغ كايفكر فللي جاي و كايتحاشى يفكر فأناكوندتو لي فاتت حدودها معاه بكلامها لي مغايدوزوش ليها بالساهل...حاليا كايفكر فمحمد لي ولا بحال طايفو تابعو بحالا كايقلب على منين يشدو...لولا أنه خو ساريتا لا كان قتلو من شحال هادي...دازو ثواني و دقائق و هو على حالو كايبان هادئ حتى لتاقط صوت سيارة بل أصوات هما...غاديين و كايقربو لعندو و هو مكالفش راسو يدور و يشوف شكون...كتافا بنظرة باردة و هو كايشوف قدامو بصمت و البرد كايلامس شعرو...
ضار بكامل جسمو لرجل مرسول...مخاطبو و هو حاني راسو...
الݣارد:سي دراغون...البوص بغاك تجي عندو دبا...
دراغون:للأخر مرة غانبهك[بملاميح باردة ضرب الشوفة فالزعيم ديالهم لي ݣالس فاللوطو و عاود شاف فداك الݣارد]يا يجي باطرون ديالكم برجليه لعندي يا يرجع من الطريق لي جابتو...
الݣارد حنا راسو و مشا لعند الباطرون ديالو وشوش ليه بشي حاجة فوذنيه...خلاه يقلب سيفتو مراضيش و نزل من سيارة رباعية الدفع باتجاه دراغون لي ما معبروش...وقف حداه ناطق بصوت غليظ كايقاد فالكوستيم لي لابس...ناطق بلكنة إنجليزية كطريق أنه يرجع ليه الصرف على النزلة لي نزل من سيارتو قدام راسو باش يجي لعندو...لي ما تسرطاتش ليه...
•••:[باللغة الانجليزية]Dragon.. I am very happy to see you directly...[دراغون...أنا فرحان بزاف لي شفتك مباشرة]
دراغون:[مرر أصابعو على لحيتو بصمت.. ميل راسو فيه بنظرة من نيتك]
الرجل:[قلب ملاميحو للتأسف مصطنع]I'm sorry I forgot that you didn't speak English...[أووو كانعتاذر..نسيت بلي مكاتهضرش باللغة الإنجليزية ]
دراغون:[قرب لعندو شويا كايمسح على الكوستيم ديالو ناطق بفحيح]I advise you not to play with me s0 that you do not die early
[كانصحك ما تلعبش معايا باش ما تموت بكري]
الرجل وسع عينيه مصدوم...من الإنجليزية لي كايتكلم بيها بطلاقة...و الخوف لي مباديش عليه و هو كايتكلم معاه...خلاتو يدارك معامن هو و و يتأكد من كلام لي تقال عليه...بلع ريقو كايضحك بتوتر..مكمل بلغتو الإنجليزية...
الرجل:من الأحسن نختاصرو موضوعنا لعليه جيت لعندك...[حط واحد الڤاليز صغيرة فوق اللوطو و دراغون حداه كاينتر من الݣارو متبعو باهتمام]الشحنة وصلات فأمان بفضل خطتك المحكومة...[دفع ليه الڤاليز حتى شدها دراغون بيد]86 مليون كاش من نصيبك...
دراغون:[حل الڤاليز محافظ على ملاميحو كايتفحص بعينيه الفلوس المستفة...الزرقا حدى ختها..و فنفس الوقت كايهضر]إذن صفقتنا بهاكا سالات...
سد الڤاليز و ضار باغي يمشي حتى استوقفو صوت الرجل ناطق بزربة...
الرجل:و لكن الزعيم الأكبر طالبك فموعد معاه شخصي فهاد الأيام...
•فنظركم اشنو شافت فاتي و خلاها فحالة صدمة ؟
•واش دراغون مقتاصر على خدمتو كا بزناز ولا متورط فخدمات غير قانونية اخرى؟
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...
