الفـصـــل الثـاني:ما خــلف الأقــعنة🩸🫦
___________________
𝑩𝒚 𝑺𝒂 𝒓𝒊 𝒕𝒂
⚫𝑩 𝒂 𝒓 𝒕 119
كريم:[قرب حدى وذنها ناطق بشوية]خرجي من هاد السوق و ما تدخليش...
فاتي:[ضارت لعندو مخنزرة]كيفاش ما نتدخلش واش باغيين تزيدو ذنب فوق ذنب...
كريم غمز صلاح لي حرك راسو بواخا...قرب بشويا بأعينو المظلمة كايشوف نجلاء باقا على حالها...و الناس غاديين و كايبعدو عليها ساحبينها هبيلة...حتى نوضها بوليسي من تماك...طول فيها الشوفة شحال بشفقة على حالها و نظرة كره ملي عرفها كانت غاتخرج على حياة صحبتها...
صلاح:عاونتك البارح حينت نسحابك بريئة و نية...و لكن بربي و طيحي فيدي ما نرحمكش الق•حبة...
جمع الصاك لعندو و ركب فالموطور مكسيري ...مخلي كريم جار فاتي و هي كاتنتر فيدها مفقصة..
كريم: شوفي الحب خليني ترونكيل و زيدي قدامي بلا صداع...
فاتي:[كاتحاول تحيد يدو على كتفها معصبة]طلق مني...طلق ا كريمو واش حماقيتو نتوما ولا شنو...هي جايباها من العهر ديالها و نتوما كثر منها...
كريم:[غرس ظفارو فكتفها حتى قفزات]سكتينا صوتك ضرني فوذني...[شار بيدو على واحد طاكسي حتى وقف ليه..حل الباب و دخلها بزز]عندك الزهر ما عنديش مع سوق العيالات بزاف...ما غانمشي براسي نفرݣع الرمانة لساريتا...
شافت فيه فاتي جامعا فمها بغيض و سدات الباب خاطباه...عطات اشارة لمول الطاكسي يمشي و هي من وراه كاتبرݣم معصبة ما حيلتها ليه و لا لساريتا....
مكـــان آخر
نازلا من الدروج بخطى بطيئة كاتعرج...حاطا يدها على الحديدات معاونينها تنزل...لابسة كسوة طويلة مستورة بالكمام مفضفضين فاللون الزيتي...مع شال فالأسود كايزلق ليها و هي كاترجعو معارفاش كي تصايبو مزيان غا لاوياه عليها...مكتافيا بكحلة بارزا شكل عيونها و عكر خفيف مباينش بزاف...
ما نزلات من الدروج حتى كانت روحها غاتخرج بقوة الحريق لي جاها للتحت...لدرجة عينيها دمعو عليها و فداخلها تدعي على دراغون و تعاود...تفكرات ملي عاملها بطريقة عنيفة على أول مرة و هادشي بسباب فعايلها لي دارت و منها شعرها لي نازلا بيه معرياه البارح و ولادو شافوه...ستافزو و غضبو فداه فيها كامل...
نزلات من الدروج كاتقاد فالكسوة لي كاتعثرها بقد ما هي طويلة...حتى طلعات راسها ملي ستانشقات رائحة عطر ما غريباش عليها...رمشات بتثاقل كاتشوف فيه و هو جاي و كايقرب لعندها بنظراتو المتفحصة ليها فكل إنش فجسدها...كايشوف الكسوة قد ما هي واسعة شويا جات معاها و اللون وتاها...صغر عينيه موقف نظراتو على الݣصة لي باينا...و نزلها بالعرض البطيء لجيهة عنقها لي نصو باين ما مخبياهش بالشال...خلات نظراتو ليها تتوتر كاتعاود تقاد الشال و هو عاد مكايزلق ليها...حتى حسات بيدو تحطات فوق يدها مزير عليها بقبضتو حتى غمضات عيونها متوجعة حاسا بصبعانها غايطيرو من بلاصتهم...
دراغون:[قرصها فجنب عنقها حتى ميلاتو بانزعاج]كايعجبك لملتك نعاود الهضرة معاك...
ساريتا:[رمشات بعدم فهم]مالي أش درت تاني...
دراغون:درتي بزاف...
جرها من خصرها حتى قربات لعندو شويا كاتشوف فيه...و هو بلا ما يزيح أنظارو عليها حيد الشال معاودو ليها من أ زيرو...بطريقة بطيئة و هي كل مرة كاتغمض عينيها من لمستو ليها الحنينة...حتى سالا و بعد مخليها مدورا وجهها لجيهة المراية لي تماك موسعا عينيها...كاطلع و تنزل فراسها بالشال لي بطريقة الصحيحة طيح عليها السر و خلا جمالها يبان...تصدمات فالطريقة الاحترافية باش صايبو ليها...تلفتات لعندو و فأعينها حيرة باغا تسولو و تطرد الأفكار السلبية و الوساويس لي جاوها...و لكن عطاها بالظهر خارج...
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...
