الفـصـــل الثـاني:ما خــلف الأقــعنة🫦🪔
____________
𝑩𝒚 𝑺𝒂 𝒓𝒊 𝒕𝒂🚬 𝑩 𝒂 𝒓 𝒕 201
جاوب باه...و قبل ما يهضر كان سابقو ناطق بصوتو الجوهري البارد...
دراغون:[حيد الݣارو من فمو و نطق بنبرة حادة]...من إيمتا يا الكلب تخلي الأبيل معلق!؟...
صلاح:الواليد راه كنت محيد للتيليفون الصوت يالاه هزيتو...
دراغون:[ببرودة]فخبارك الكذوب هي الحاجة لي مكانرحمش فيها أ ولدي صلاح؟...
صلاح:[حنحن بتوتر]أحم..الواليد واقعة شي حاجة؟...
دراغون:[شار بعيونو لواحد من رجالو يحط البيسي]صايفط ليا صورة داك صاحبك و سميتو و ݣاع التفاصيل الصغيرة و الكبيرة...
صلاح:[فرح]واخا الواليد دبا نصايفطهم ليكم...الله يحفضك لينا...و
قطع فوجهو خلاه غا كايشوف و لكن رويدا روايدا بدى يبتاسم و هو غادي باتجاه اللوطو...حاني راسو لتيليفونو مصايفط ليك كاع داكشي لي يحتاج و رجعو للجيب...راكب فبلاصتو...
لقا نجلاء باقة تسنا فيه...غا شافتو استغربات من حالو لي تقلب و الفرحة لي ظاهرة على وجهو...
نجلاء:صلاح شفتك فرحان...فرحنا معاك حتى حنا...
صلاح:[غمزها]غا شي حاجة متعلقة بالعشير...
نجلاء:[فهمات بلي شي حاجة خاصة]الله يدومها فرحة ليك...[قوصات حواجبها...و هي كاتحاول طول عنقها تشوف لمن كايصايفط ميساج]معامن كاتكونيكطا؟...هادي شي بنت جديدة تاني ياك؟..
صلاح:[شافها مخنزرة فيه و هو يشد فيدها بايسها]هاد الساعة كاينة غا نتي العمر...و الليام الجايين غاتكوني فيهم غا نتي لمك...[شاف فاتي كاتصوني ليه و هو يضحك]و هاد الساعة خاصني نجاوبها...[جاوبها و عينو على نجلاء المخنزرة و تجبد فوذنيها تعرف علاياش غايهضرو و شكون هادي]غا رتاحي الساطة الواليد دبا غايتكلف و قبل ما طلع الشمس نعرفوه فين كاين...تشي راك عارفاني ما عنديش الصبر الكبير نبقا نطلب فالواليد...واييه و شكون من غيرها مرات الواليد لي تأثر عليه و تقنعو...يالاه تهلاي...
قطع الخط و دار لعند نجلاء لي مربعة يدها عاقداهم ما عارفاش علاش...يمكن حينت ولفات معاه الاهتمام يكون غا ليها...أو لا حينت طول فالهضرة مع هاد البنت و من هضرتو باين شحال عزيزة عليه...
حنحنات متمالكة راسها كاتشوف فيه بقنت عينها...
نجلاء:شكون هادي أ صلاح لي هضرات معاك؟...
صلاح:[علا حاجب]موالفا ليك تسوليني ولا غا اليوم؟...
نجلاء:[تأففات بسخط]صافي صافي دير راسك ما سولتكش و حطني هنا راه وصلنا...
صلاح:[وقف الطموبيل...داير لعندها]و مالك تقوليها بالنفخة لمك...تسحابيني شيفور لعند سيادتك؟...
نجلاء زيرات على سنانها معصبة و حلات باب اللوطو خابطة الباب وراها...خلاتو يخرج مخنزر لعندها و قبل ما تزرب فالمشية كان خابطها مع اللوطو...محاصرها و عيونو بيها مدققها...
صلاح:شكاين...مالك على غفلة جهلتي...
نجلاء:[ضحكات بفقصة]دبا أنا جهلت...لا زوينة هادي تاني...أه و لا بقات فيك طموبيلتك...
صلاح:[خنزر فيها]تسحابي لمك شاريها باك لي خابطاها هاد الخبطة...
نجلاء:أواه سمح لينا أ سي صلاح كنا غانطيرو باب طموبيلتك...[دوزات يدها فوق صدرو بطنز ناطقة]دوماج الفلوس لي كاتعطيني فكل ليلة مغاتشريش ليا لوطو ليك...[بغات تحيد يدو لي محاصرها بيه و لكن كان سبقها مرجعها لبلاصتها]
صلاح:ما غاتمشيش بهاد البساطة المشيشة قبل ما تخلصي على فعلتك...
قال كلامو و قبل ما تحل فمها...كان أسرع منها بقبلة طويلة قبيحة عتانقو بيها شفايفهم...غاطسين فبحر قبلة مليئة بأحاسيس الشهوة و التملك...
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...