الفـصـــل الثـاني:ما خــلف الأقــعنة🩸🫦
___________________
𝑩𝒚 𝑺𝒂 𝒓𝒊 𝒕𝒂
⚫𝑩 𝒂 𝒓 𝒕 193
خرجات من وضعها على اثر صوتو و هو كايهضر معاها...كايحك ورى وذنو بتوتر...ما هو قليل فين يطلب من شي حد شي طلب...خصوصا و أنها ما زاعمش عليها و ما كاتبانش سويهلة...
صلاح:أحم الله يفك وحايلك على خير...
ساريتا:[بتاسمات بلباقة على الأقل هذا مصواب على فتاح]أمين يا ربي...شكرا ليك...
صلاح:[بتوتر ما عارف لا واش غاتقبل ولا لا]الى كنتي مسالية دبا...ممكن نهضر معاك فواحد الحاجة...
ساريتا:[حركات راسها]معلوم...تفضل هضر...الله يسمعنا خبار الخير...
صلاح:هادي شوية كنت هضرت مع الواليد على قبل واحد صاحبي غابر يوماين هادي باش يعاونني لقاه دغيا...و لكن ما بغاش...ما كرهتش تهضري معاه نتي بطريقتك و تقنعيه...
ساريتا:[ربعات يديها بقلة حيلة]مرحبا...و لكن ما نظنش غايسمع مني و يقبل...[هزات كتافها]ما بغيتش نعطيك أمل على والو...
صلاح:[فرح]لا لا أنا متأكد غايقبل...نخليك دبا تفكري فشي طريقة تقنعيه بيها...نعول عليك...
ساريتا:[صغرات عينيها فيه]ياك بعدا هادا بصح دري ماشي بنت؟...
صلاح:[بتاسم حتى بانو سنانو مستفين]من حقك ما تيقيش و لكن هاضر من نيتي ما عنديش مع الكذوب...يالاه نخليك دبا...
ساريتا كتافات بتاسمات ليه و تبعاتو بعينيها حتى خرج...تأففات بحيرة كي غا دير...كانت ناوية فحاجة حتى ولات فحاجة أخرى...هي عارفة دراغون راسو قصح من الحجرة و الكلمة لا خرجات من فمو ما غايتراجعش عليها...
حارت فهادشي و كون ما بان ليها صلاح مقلق و حزين لديك الدرجة على صاحبو...و جاي يطلب فيها واخا العلاقة بيناتهم ما مقاداش مزيان...ما كانت تقبل...
بانت ليها فكرة وحدة تدور فراسها ... و هي رافضة فاللول ديرها و لكن بلا ارادتها ها هي غاديرها بزز منها...
خرجات من الكوزينة و طلعات الفوق لبيتها هي و دراغون...حلات الباب مسبقة راسها هو اللول و ما مشات عينيها غا نيشان لعندو و هو خدام فالبيسي و مركز معاه...حاطو فوق فخادو معري صدرو...
دخلات و سدات الباب بجهد زعما باش يجبد معاها الهضرة هو اللول و يفهم بلي معصبة منو...ساع خاب ظنها ملي بقا على نفس الوضع ما مطلعش عينو فيها...خلا الدم جمد فعروقها من درجة العصبية لمحتالاها...
مشات حلات الماريو و هزات شوميز دو نوي خفيف بالأزرق غامق...مع دوبياس مشبكين...و مشات نيشان للحمام خابطة الباب وراها على جهدو... حتى سمعات صوتو الخشن و هو مخنزر...
دراغون:طيريه حسن و دييه معااك...
ساريتا ميقاتو من ورى الباب متكية عليه...كاتبرݣم بوحدها...
ساريتا:حجر أ عباد حجر...حتى و هو عارفني حاملة باقي زايدة فهاد القسوة...كيف ما درت معاه وحلة...[حطات يدها فوق كريشتها]و لكن أ حبيبي أش تعرف على ماماك همم؟...ما غانرتاح تا نلين قلبو عليا و ما يشوف فغيري و هانتا غاتشوف...
لبسات دوك الدوبياس و فوقهم الشوميز الشفاف مبيناهم...عجبها راسها و هي مقابلة مع المراية بهاد اللباس الجريء...طلقات شعرها على طولو مخللة خصلاتو مخربقاهم بطريقة كيوت...باست راسها و خرجات تعيوج باتجاه السرير و فيدها مرطب الجسم برائحة الفراولة...
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...
