زواج متقف

البارت 76

الفـصـــل الثـاني:ما خــلف الأقــعنة🍷👄

[ما تــخـرجــي... مــن قـلبــي ...الا و نــتــي... فـكـفــن]

𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  76

دراغون:[حس بالعافية شاعلا فيه التحت و مع ذلك نطق بصوت باح رجولي متوعد بكلماتو]هربي...هربي قبل ما نخنقك بيدي...غانذبحك بموس حافي...و نكفنك بيدي...[العرق نازل منو...و مع ذلك كمل الهضرة بصوت جادي مخفف من نبرة صوت العالية]و بروحك غانخرجها من بلاصتها ساريتا...روحك غانخرجها...

ساريتا:و أنا قل..

دراغون:[قاطعها بصوت عالي..مركز فيها بنظراتو القاصحة الخالية... كايتنتر من السمطة لي مربوط بيها]فعلتك مغانغفرهاش ليك أ اللفعة...حتى زعمتي هاد الزعامة مع دراغون...غانربيك بيدي و تمناي الموت لي ما تلقايهاش...

ساريتا:[تزادو دقات قلبها فالخفقان من الخوف]د..دراغون...خ..خديت غير حقي منك...

نزلات عيونها لرجليه لي كايترعدو بطريقة غير عادية...و وجهو ولا حمر مطبوعين فيه نقيطات من العرق... مزير على سنانو...و يشوف فيها بنظرات مختالفين على لي شافت...شوفات خلاو البرودة طالعا معاها...و عاد تعرف اشنو دارت...الندم ستاحوذها من صبع رجلها و شبح الخوف ظهرو فحركاتها الراجفة...بلا ما تشعر نطقات بصوت خافت محاولة تصلح لي دارت بتهورها..بطيشها و زربتها و طيرانها...حينت عارفا الى تفك و ناض غايعوجها من شي قنت...و كولشي فهاد الوقت ناعس و مكاين لي يحامي عليها...

ساريتا:أحم..ملي طلبتيني[شافتو خنزر فيها كثر و هي ترسم ضحكة بلهاء كاتقدم بشويا لعندو] أ كانقصد أمرتيني نفكك...و ملي الزواج هو طاعة المرا لراجلها...الله يسامح..

بغات تزيد تقرب لعندو و قلبها غايخرج من بلاصتو...و فجأة تسمع صوت سميحة و صوت رجولي عرفات غايكون واحد من ولادو...جاي و كايقرب حدى الباب...لي فالأصل قافلاه ساريتا باش حتى واحد ما يقاطع مخططها...و هي بدورها قلبات عيونها بنظرات فشكل  لجيهة دراغون لي بدى كايتنتر كثر من اللول...و بحالا عرف من نظراتها فاش كاتفكر و اشنو ناويا دير...

دراغون:وياك ديريها...وياك..لملتك ما عندك فين  تهربي مني...

ساريتا:[بلعات ريقها ناطقة بصوت راجف و عيونها مرة عليه و مرة تتحول للباب]م..مغا..مغانقدرش...نصبر...[رجعات بخطواتها اللور بشويا و هي كاتشوفو مجنن باغي يطير عليها]غانفذ بروحي منك أ دراغون...

دراغون توسعات عينيه معصب لدرجة كبيرة... ماشي من هروبها منو..عصبية فشكل غيرتو على شرفو... بكثر ما لابسة شوميز ما ساتر والو...بارزا مفاتنها و البلايص المستورين غايتعراو بنظرات ولادو ليها...مجرد تفكير فيها يفضل ينحرها و يقطعها طراف طراف ولا يشوفها فشي حد بهاد اللباس...

غيرتو خلاتو محسش بيديه لي فورصا عليه بالنتير...بحركة مجننة و قوة رجولية بأضعاف حتى بدى يتحل بشويا الرباط...

دراغون:و بروح الغالية و تحلي الباب...و بروحها حتى نحرك و نشرب من دمك...

ساريتا:[حركات راسها بلا كاتشوف فيه بصمت و صدرها كايطلع و ينزل...غاتموت ما فيهاش بالخوف]

نهج بصوت مسموع معلن على عاصفة جايا...مخلي ساريتا يتجمعو الدموع فعيونها...كاترعد بشكل غير طبيعي و واضح...خطات خطواتها دغيا للباب بغات تفتحو حتى لقاتو مقفول...و عاد تفكرات بلي قفلاتو بيدها...ضارت شافت فيه كاتبلع ريقها ... مشات طارت جابت الساروت و خوفها كايزيد يكبر لدرجة دموع محبوسين فعيونها...نزلو فايضين مشكلين طريق...شافتو كايزيد يتنتر من بلاصتو...ما هضر بكلمة فوق كلامو اللخر ليها و عروقاتو بارزين... كايشوف بيها بنظرات خايبة خلعاتها كثر ما هي مخلوعة...