زواج متقف

bart 104

الفـصـــل الثـاني:ما خــلف الأقــعنة🩸🫦
               ___________________
                       𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  104

شافت ساريتا القضية غادا و تحماض...و نيتها تخلي فتاح يحتارمها بزز منو ماشي يتحول للقتل...و هي كاتشوف دراغون مناويش على خير و هو كايخنق ففتاح لي كايتنتر...و لكن قوة باه طلعات أضعاف قوتو...اندافعات دغيا لعند دراغون حاطا يديها على دراعو كاتحاول تبعدو على فتاح...و كاتهضر فنفس الوقت بصوتها الراجف...

ساريتا:طلق منو أ دراغون غا تقتلو...كانترجاك طلق منو...

دراغون:ما تدخلييييش...

ساريتا:لا غانتدخل...[غمضات عينيها و حلاتهم ناطقة بجدية]غانتدخل حينت أنا السباب...

بدا يرخف يدو تدريجيا من عنق فتاح...خلاه كايلتاقط أنفاسو و ضار بالعرض البطيئ لعند ساريتا لي تخلعات من شوفاتو ليها...قبل ما تفطن بالأمر شدها من يدها مزير عليها...و طلع جارها الفوق و هي كاتنتر من وراه...
حتى دخلو للبيت ديالهم و دفعها حتى طاحت على الأرض مصدومة...ياك غير البارح و الصباح كان كايتعامل معاها كي الما القليل...علاش تغير معاها و تقلب 180 درجة...حتى قالت شداتو و ضمناتو لعندها و دبا كاتفاجئ بوجه اخور...رفعات راسها من دون خاطرها على يدو لي شاد بيها شعرها بقوة...نازل لمستواها راسم تخنزيرات ناطق بحدة...

دراغون:حذرتك مرة و جوج ديري عقلك و توزني كلامك...حذرتك و لا محذرتكش؟...

ساريتا:[صدرها كايطلع و ينزل]و لكن راه ه..

دراغون:[قاطعها بصوتو العالي حتى نتافضات من بلاصتها]شكووووون قال لمك نزلي للتحت بلا شواري هاااا...

ساريتا:راني بنادم ماشي حيوان نبقا مشخية فالبيت هنا محبوسة...راعي ليا و لو شويا...

دراغون:من لسانك السليط حابسك حتى تقاديه قبل ما نقطعو ليك....

ساريتا:[نطقات كاتنهج]لساني بحال السيف مرة حلو و مرة كي سم...و الطبع لي فيا مغايتحيدش...

دراغون:طال الزمان و لا قصار غانقطعو و نوكلو ليك[زير على فكها]ولادي و مّي خط حمر عندي و عليك بالإحترام إلى بغيتي تلقايه من عندهم...

ساريتا:كيف ما ظنيت...غاتجي لجيهة ولادك واخا نكون غالطة...حينت  كايبقاو ولادك حاملين اسمك...و أنا ما عندي بلاصة وسطكم...دايريني كي الجفاف تمسحو بيا رجليكم...

دراغون:ولادي ما جايينش من الزنقة...[ضرب صبعو مع راسها]و نتي دخلي فبالك حاجة وحدة...نتي بلاصتك معايا و حدايا كافية و غاتبقاي ݣالسة هنا بقيمتك معززرة مكرمة...

               ___________________

___ للتحت كان فتاح من كثرة أعصابو خرج...و سميحة من وراه تدعي فساريتا و تعاود حاقدة عليها...من الجو المشحون لي ولا بين ولدها و حفايدها من ورى وجودها معاهم...هزات راسها ملي سمعات صوت حسناء و هي خارجة من البيت كاتمسح فعينيها المعمشين...

حسناء:جدة...سمعت شي غوات جاني بحال غوات بابا... اش واقع؟...

سميحة:[ضربات يد مع يد كاتبرݣم]كون ها بينيتي رجعتي تنعسي ...ليلياتك خبزو و دارو الغدا ريحتو تعطعط...و نتي خامرة لي تماك حتى حماضت فيك البولة...

حسناء: و ديك ختنا لي الفوق أشنو كادير لي ما دوز للكوزينة...

سميحة:هاديك ما توصلني ما نوصلها هنا..زيدي لقدامي للكوزينة...

زادت و حسناء تابعاها حتى صونا ليها التيليفون فجيبها...جبداتو دغيا و ما ان شافت شكون بتاسمات فرحانة...قايلة لجداتها لي كاطلع و تنزل فيها...

حسناء:جدة سبقيني أنا نهضر مع ماما و نتبعك...

سميحة:وا شدي ليا فالجماعة تا تنساي راسك[غادية و تنݣر]اللفعة لاخرى مستاغلة البنت باش توصل ليها خبار دراغون...

من وراها كانت حسناء شدات الخط كاتهضر مع ماماها...

حسناء:لاباس عليك أ ماما..توحشتك و توحشت خويا بغيت غير ايمتا نشوفكم...

الأم:هاويلي على بغات تشوفنا...باغا تجبدي ليا الصداع تاني المسخوطة...حجارك يشدوك سيري تركْني حدى باك...