زواج متقف

البارت السادس

[ما تــخـرجــي... مــن قـلبــي ...الا و نــتــي... فـكـفــن]

◾البارت السادس

خدوج:(خرجات فيه عينها كاتمتم بخوف عارفاه غايريدها)لا لا بغيت ليا الل

تحبس كلامها فنص مللي لمحات موس ذهبي خرجو من ورى ضهرو على غفلة كايلعب بيه...و نظراتو ليها مناويينش على خير...تخلعات و خافت و هي شايفا الموت قبالة عينيها...رجعات خطوة اللور و طالقات رجليها الريح مدارتش وراها...ناجية بروحها...خلاتو نظراتو مصوبة فالفراغ و يدو مزال كاتلعب بالموس...زفر نفس عميق و حبس الحركة مللي سمع شي حد كاينادي عليه...دور نص وجهو لواحد جوج دراري مضروبين فيديهم ووجههم...من الشوفة تعرفهم شمكارية تاع الدرب...و لكن فالشدة تلقاهم ...وقفو حداه كايتسالمو معاه باليد سلام رجولي...

الشمكار 1:شحال و حنا كنتسناوك انا و العشير...الحمد لله على سلامة الميمة...

دراݣون:(نطق بثبات و عيونو متمركزة عليهم)امدرا لقيتوها؟!...

الشمكار 2:اه برو...عاد وصلاتنا خبار من معارفنا لفالبوليس...لقاو البنت تحولات من ورزازات لهنا...و حتى السمية بدلاتها

دراݣون:(صغر عينيه لكايلمعو هامس بتفكير )الدنيا صغيرة...اذن الأناكوندا الصغيرة طلعات مخبية حدايا(دوز يديه على لحيتو لمتخللها شيب بيض ناطق مخاطبهم)سميتها الجديدة؟..

الشمكار 2:(شاف فصاحبو متعجب فملاميحو لتغيرو و نطق)نانسي بن داوود...

دراݣون:(قال بنبرة خافتة كيتوعد و بسمة بدات تظهر على ثغرو)نانسي...قريب ترجعي لحضني...للبلاصة لكاتنتامي ليها...

••••••

بقات ساهية فبلاصتها حتى نغزاتها نجلاء برجلها...أو بالأحرى ركلاتها حتى طاحت على جنبها شادا فط*رمتها...كتحك فيها...

نجلاء:و تي هادي هي الأفير لعولنا عليك ديريها...و حطي لينا رزقنا...

نانسي:(ناضت كتسوس فراسها و كتنهد باغا معامن)هاويلي يا ختي على اينا رزق داويا عليه...انا بالله و بالشرع معاك...(كتهضر و ماشية باغا تخرج)و الظلم هادا بعينيه...

قبل ما تخرج جراتها نجلاء من قب جلابتها...حتى رجعاتها فين كانت واقفا...

نجلاء:واااا رزقي يتحططط هنااااو...ولا اليوم يضرب لبوك الطر...

نانسي:(شارت ليها لجيهة الخلطة)و هااا رزقك فاش تحط ا الساطة ...(حطات يديها على خصرها مطرطقة عينيها فيها)و عليا بالليمن و باش مزغرتة عليك طاسيلتك و تزيدي كلمة وحدة سنانك تحسبيهم....

فاتي:(وقفات بيناتهم كاتبرد الطرح)و نعلو الشيطان البنات لطرا طرا...و الفلوس ضاعت...

نانسي:(خرجات فيها عينيها)و شكون قاليك ضاعت..ممكتاباش فداك الحمام نشوفو واحد اخور...

نجلاء:واااا ختي...واااا العمالة...و تي فين غاتلقاي حمام اخور هنا...

نانسي:(طلعات راسها كتفكر فهادشي للي غادير)غاندوزو للحمام لحدى حي مولاي رشيد...

نجلاء لخرجات عينيها تال لحد...قربو يطيحو ليها من قوة ما تصدمات من هضرتها...

نجلاء:هاااا ميمتي حي...ياو تي محلفاها فينا اليوم تقتلينا...

نانسي:(طلعات النفس باغا تبرد فيهم الغدايد لشدوها)و مال بوكم غاتموتو ليا بالخوف...مال داك الدرب كايعض...غانديرو الأفير دغيا و نرجعو...

فاتي:(تكات على الحيط محركا راسها بلا)لا لا اخويتي...انا بالله و بالشرع معاك و مع مصايبك...الا داك الدرب منعتبها عندو...

نجلاء:(بدات كتغبن)دبا باغيا نترزاو فريوسها و باقي ما شفنا ولا تشوفنا...

نانسي:و دبا غا دوروها فدماغكم...الى هاد الخلطة الزينة عجبات العيالات...غانتطورو يا الصكعات و يوليو الطلبات يجيونا من برا الموغريب...و الفلوس ياخويتي يتشايرو...(شافتهم ساهيين كايخممو و حطات يدها الوسط بيناتهم)اشنو شعارنا؟...

نجلاء:(شافت ففاتي و عاودات شافت فنانسي مترددة شحال حتى حطات يديها)يا نبقاو كاملين...