دخلات فدوامة حرب بين عقلها و قلبها...عقل كايقوليها تبثي و متنسايش داكشي لدوزو عليك...و قلب كايقوليها تفكري خوفو عليك مللي لقاك ساخفة فالحمام...حتى قررات تنوض تسول عليه و للي ليها ليها...مادام راجلها عندها الحق تسولو فين كاين...
تاجهات للباب بخطى بطيئة مسندة على الحيط...حتى وصلاتو و غا مع حطات يديها على البواني بغات تفتحو...حتى تحل بجهد على غفلة و تخبط الباب مع جبهتها نيشان..حتى رجعات خطوة اللور خاويين بيها رجليها...كانت غاطيح على ظهرها كون ما لتاقطاتها يد قوية فآخر اللحظة...يد دراغون و ملاميحو مغيرين...ظاهر عليه خوف عليها لا طيح...و هي كاترمش عيونها دغيا كاترجف وسط يدو..عينيها تدريجيا طلعاتهم لجيهتو حتى ستاقرو فعيونو المصوبة ليها...ساهيين فبعضياتهم...هي قابطة فدراعو لا طيح و هو يدو الكبيرة حاطها فخصرها محاوطها...قلبها متسارعين دقاتو من قربها ليه...منتاعشة من الرائحة للي مبعوثة منو...رائحتو مخلطة مع ريحة الݣارو...و هو كايطلع و ينزل فيها و هي بالبيجامة الملبوسة عليها زادت زيانت...و لقات رضاه بها و هي مستورة كيف بغا...فجأة قطب حواجبو مللي تدارك الوقفة لواقف هي و ياها...و هي بالخصوص لكانت باغا تحل الباب...عاونها حتى تقادات فالوقفة..ناطق باستفسار و الخوف بادي فعيونو...دراغون:نتي بخير؟...(حط صباعو على حنكها كايتفقد حرارتها)باقا كاضرك شي حاجة؟..
ساريتا:(بلا ما تحس بتاسمات منعاجبة باهتمامو ليها)للمرة الثانية غانقوليك انا بخير...متخافش عليا...
دراغون:(قرب بوجهو لعندها حتى غمضات عينيها من انفاسو الحارة)على أساس ميت فيك... باش نخاف على ملتك...
ساريتا:(وسعات فيه عينيها ما مصروطة القمعة لعطاها..ناطقة بنبرة باردة)ليك الشرف اراجلي العزيز...تعيا تقلب ما تلقا بحالي...
دراغون:(رافع حاجبو ليها)فالزين كاين للي بنات فايتك بأضعاف أ اناكوندتي الصغيرة...
ساريتا:(نطقات بتباث ببسمة فثغرها)لو كان الزين ينفع فحاجة...مكانت الروح تطلع عند مولاها و الكسدة تردم تحت التراب...
دراغون:(مرر ابهامو على شفتو السفلية منعاجب بكلامها)الزين عندك على هاد الحساب نسميها قناعة و لا هضرة خاوية؟..
ساريتا:(رويدا رويدا بدات تزعم..و تجرئات رافعة اناملها كاتمررهم على ملاميح دراغون لمتبث شوفتو فيها)قانعة بزيني و عيوبي..الزين مع الوقت كايذبال و يمشي ا راجلي العزيز...(وضعات يديها على قلبو)و كايبقا غير القلب و للي معبي فيه...
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...