زواج متقف

bart 112

الفـصـــل الثـاني:ما خــلف الأقــعنة🩸🫦
               ___________________
                       𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  112.

                   

دراغون:[حط يدو على الكرسي لي ݣالسا عليه محاصرها بيد]أشنو باغا توصلي بهضرتك على الواليدة؟..

سميحة:[تدخلات تنقذ الوضع]أ ما ديش عليها أ وليدي غا فهماتني غلط...[شفات فساريتا كاتميق فيها]أرغد راه سمية راجلك الحقيقية ماشي راجل أخور...

ساريتا:[خرجات فيها عينيها مصدومة و ضارت لجيهة دراغون ناطقة بعدم استيعاب]و..و دراغون؟...

دراغون:[خنزر فيها]كولي...مغانعاودش هضرتي...

ساريتا:[مارضاتش تعرف هي اللخرة بسميتو و متشاركين الفراش]لا مبغيتش...[ناضت من بلاصتها]نخليكم دبا...بصحتكم...

شافت فدراغون لي مغيرش شوفتو فيها...قلبات عينيها بنفاذ صبر.. بل كانت دازت من حداه طلع للفوق...حتى حسات بيدو الكبيرة  تحطات على خصرها و قبل ما تستوعب كان جرها لعندو حتى ݣلسات فوق رجليه مخرجا عينيها...حاطا يد ورى عنقو شادا فيه و عيونها مثبتين وسط عيونو كاترمشهم...و هو زاد قربها لعندو حتى لصقات مع صدرو ناطق بنبرة باحة خافتة كايشوف فيها...

دراغون:بقية هضرتنا غاتكون الفوق أناكوندتي...و نتفاهم معاك مزيان...

ساريتا:و..و لكن أنا أش درت؟...

دراغون:[حط الدغمة ففمها على غفلة حتى كانت غاتخنق]درتي بزاف و الفوق غاتخلصي...

سميحة حداهم كاتاكل و بنص عين كاتشوف فيهم...و ولدها ما يحشم ما يستحيا من ولادو  و ما مسوق ليهم...لي شافو ما جرا و حناو ريوسهم للماكلة ...

دراغون:[حط ليها دمغة أخرى ففمها تاكلها ناطق بأمر]مضغيها..

ساريتا:[دورات وجهها للجيهة الأخرى]لا ما بغيتش شبعت...

دراغون:[غرس صبعانو فخصرها حتى ضارت عندو مغوبشة]قلت لمك مضغيها دبا...

ساريتا:[بقات كاتشوف فيه شحال حتى بدات تمضغ..و نطقات بنبرة فضولية]و نتا مغاتاكلش؟...

دراغون:[رفع حاجب قايل]أنا لي كانسول هنا ماشي العكس...

نوضها من فوق رجليه بلطف و ناض من بلاصتو طالع كايتمختر برجولية...عقدات حواجبها بعدم رضى..كاتحاول تصلح الوضع لي بيناتهم لي عاد ماكايزيد و يتكفس و هو ببرودو معاها كايخليها تندم بالأساس علاش عاطية فرصة لزواجهم...تفكرات سميتو الحقيقية لي مقالش ليها و هي مرتو يا حسرة...زيرات على يدها و ضارت لجيهة سميحة ناطقة بنبرة هادئة مصطنعة...

ساريتا:خالتي سميحة...غير سيري ترتاحي أنا غانتكلف بجميع الكوزينة...

سميحة:[شافت فيها شوفات فشكل و هي عارفاها نيتها فجيهة اخرى..و الكوزينة غا سبة]لا لا يا بنيتي غير طلعي عند راجلك وجدي ليه الحمام...

ساريتا:لا هاويلي عيب نخليك و نتي بهاد العمر واقفة فالكوزينة...[شافت فحسناء بشوفات خلعوها]حسناء غا طلع توجد الحمام لباباها ياك أ حبيبتي؟..

حسناء ناضت من بلاصتها حادرة الراس...و ساريتا متبعاها بعينيها حتى غبرات...و ضارت بتاسمات لسميحة كاتجمع فالطبلة...

فالجيهة الأخرى كانت طلعات حسناء الفوق مطلعا عينيها للفوق حابسة بكيتها...كاتحس براسها محݣورة و حتى حد ما حاس بيها و لا عاطيها الحنان و لا الاهتمام...و زادتها بشوفات ساريتا ليها خافت حينت ما تنكرش هي شخصيتها ضعيفة...حسات بعيونها بردو و دقات فالباب حتى سمعات إذن الدخول...حلاتو و دخلات كاتشوف باها عاد خارج من الحمام كاينشف شعرو بالفوطة...حتى طلع راسو لجيهة حسناء كايشوف فيها باستغراب و هي واقفة حدى الباب...

دراغون:حسناء..مالك واقفا تماك دخلي...

حركات راسها و تقدمات لعندو كاتلعب بصباعها كاتحشم من باها...

حسناء:بابا...لقيتيني عاد غانوجد ليك الحمام...

دراغون:[دوز يدو على شعرها مبتاسمة ليه]من هنا للقدام كاين لي غايتكلف بيه أ حبيبة باباها...[رفع حاجبو]فين هي ساريتا؟...