زواج متقف

بارت 177(رقم الاجزاء ما مأثرش على ترتيب القصة )

الفـصـــل الثـاني:ما خــلف الأقــعنة🩸🫦
               ___________________
                       𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  177

نجلاء:[بلعات ريقها لي نشف...ناطقة و هي كاتضحك بزز]ت..تكالماي أ الحبيبة...ما تنساي...كحكح راك..راك ح..حاملة...

سميحة وسعات عينيها مصدومة...دورات راسها شافت فساريتا لي لا تقل عنها...معارفاش هي كيف عرفات بالرغم من ان الموضوع كان غا بينها و رين سميحة...و لكن لي عرفات بلي نجلاء طلعات ما ساهلاش كيف يحساب ليها....

حسناء:[تصدمات]د..دبا ن..نتي بصح حاملة؟...

ساريتا:[ناطقة ببرود و عينيها على نجلاء...رخات منها طالقاها تنفس على راحتها]حسناء...حبيبة...سيري ديري داكشي لي قالت ليك عليه جداتك...

حسناء بغات تهضر حتى شافت سميحة غمزاتها و هي تبلع الهضرة فحلقها...خرجات دير السخرة لي قالت ليها جداها...

ساريتا:[تمالكات راسها باش ما تبينش صدمتها...و بتاسمات حاطة يدها فوق كريشتها]ما تحتاجيش توصيني على ثمرة حبي أنا و راجلي أ حبيبة...

نجلاء:[شارت ليها بصبعها ترجف من عصبيتها]نتي...نتي لفعة...درتيها بلعاني و حملتي منو باش ما يقتلكش ملي يعرف حقيقتك يا اللفعة...

ساريتا:[ضحكات كاتلعب بخاتمها د الزواج]كاتقنعي راسك بهاد الهضرة و نتي عارفة مزيان بلي زواجي حقيقي و ناجح...[طلعات فيها و نزلات]و نتي يا حسرة شحال نفختي و تعريتي باش تعجبي الرجال و فاللخر
حليتي ليهم رجليك و

قاطعاتها نجلاء صارخة بأعلى صوتها:صاااافي...سكككككتي....براااااكا...سكتيي...نتييي ما عارفة والو والووووو...

ساريتا:[هضرات بمكر كبير]قصحاتك الحقيقة...إذن أشنو غايوقع نهار تسيق ماماك الخبار ها؟؟؟...ما فكرتيش فيها؟...كوني متأكدة آخيرتك غاتصايفطيها للقبر....

نجلاء:[رمشات عينيها بزربة]ما نصحكش دخلي الأم ديالي فهادشي...كاتسمعي...

ساريتا بعدات على نجلاء متراجعة بخطواتها  للور طالعة للفوق...و فنفس الوقت كاتهضر...

ساريتا:هادشي كان عليك تفكري فيه قبل ما تلعبي معايا...و تنوي تسحري ليا الزوينة...

نجلاء:[تابعاها و تهضر]ما تستاهنيش بيا و فأشنو ممكن ندير ليك أ ساريتا...

ساريتا:[وقفات فمنتصف الدروج ..و دارت لعندها نطقات بصوت جامد]بقدر ما تصدمت فخبثك...بقدر ما شفقت عليك كثر...[قربات حتال عند وجهها و نطقات باستهزاء]أ صاحبتي العزيزة...

نجلاء:[رسمات ابستامة خبيثة]انا للي خاصني نشفق عليك...من ورى ما يطلقك دراغون و ترجعي مطلقة  حدى جداتك...

ساريتا:[رفعات حاجب استفزازي ليها..و نظرة شر مستحوذاها]فأحلامك أ حبيبة...من هاد الدار و من حدى راجلي...مغانتحرك...

نجلاء تصدمات فطريقة الهضرة معاها....و حتى تصرفات ديالها بكل برودة معاه...

هادشي خلاها تخاف شوية...خصوصا نظراتها للي مرتاحاتش ليهم...دورات وجهها للور مباشرة للدروج للي وراها...و عاودات ضارت لعند ساريتا ناطقة بشماتة...

نجلاء:و تايقة فراسك بزاف ا الزين...و نسيتي قصة التقاف للي دايرا...تء تء منضمنش ليك ردة فعل دراغون مللي يعرف...

ساريتا:[شداتها من دراعها كادي و تجيب فيها]منين عرفتي الخبار الكلبة...تسحابي غاندوز ليك كيفاش ستاغليتي هاد الموضوع باش تقربي من راجلي راك غالطة...[خنزرات فيها]كاتجسسي علياااا؟!..

نجلاء:[شافت فيها بنظرة كره]هادي نجلاء و أجرك عالله...و قسما بالله فهاد الدار لا بقيتي...و هاد المرة غانوري ليه الدليل و نحطو فيدو...

ساريتا:[بلعات ريقها]مغانخليكش تعاودي ليه و لو حرف واحد...كاتسمعي...