زواج متقف

bart 200

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  200

ما تقدرش العين تكمل فيهم الشوفة...و التقيء أقل حاجة توقع بمجرد ما يظهر ففيديو شي واحد كايشرب الدم من بعد قتل وحشي...

لكن كانت ساريتا العكس...مستمتعة و شهوتها فالمزيد من فيديوهات فيهم هاد الذبيحة و القتل بلا رحمة...غايتها تشوف الدم...

نعم...وحمها طاح أيضا على الدم...أربع أيام كافية تخليها تولف كل نهار و بالتخبية تهز التيليفون و تفرج...فأبشع طريقة القتل و من حبها ليه و الغير الايجابي عندها بدات تعلم مهاراتو....و يشكل خطر كبير عليها...

                فاللــــــــيل..

فالسبيطار...كانت نجلاء متكية على الحيط ساهية قدامها...و دموعها دايزين يتسرسبو نازلين مغمضاهم...حاسة بقلبها يوجعها وجع قاصح ما يبراش...و مها بين الحياة و الموت و كولشي بسبابها هي...

حسات بيد كبيرة باردة توضعات على خدها ماسحة دمعتها النازلة...حلات عينيها مقابلاهم مع عينيه و هو متفحصها بعينيه بصمت...

نجلاء:غاتكون بخير ياك أ صلاح؟...هي ما غايوقع ليها والو؟...

صلاح:[حط يدو على كفوفها]شششش...ما تخافيش...كولشي غايدوز مزيان و هي غاتكون بخير...ما تعمريش راسك بهاد الأفكار الخايبة...

نجلاء:ما نقدرش...ما نقدرش نصبر أ صلاح...[شدات فتيشورتو كاتبكي بقهرة]حاسة بنفسي غاتقطع...حاسة بالخنقة...غانموت ما فيهاش الى وقعات ليها شي حاجة....غانموت...

صلاح:[جرها لعندو معنقها]تهدني...تهدني كولشي غايدوز مزيان...مسألة وقت و يخرجو و يقولو لينا أش كاين...

نجلاء:خايفة...خايفة نسمع شي خبار ما هياش...

بقاو معانقين و هو كايدوز يدو على شعرها مقلق لحالها...

دقيقة و جوج و ثلاتة و كان الطبيب خرج من الغرفة...غا شافتو بعدات على صلاح و تاجهات  لعندو ناطقة بزربة...

نجلاء:هي لاباس ياك؟...ما وقع ليها والو؟...

الطبيب:[شاف فيها و نطق بأسف]ماماك هاد الساعة بخير و ساعة اخرى ما ضامنينش اش غايوقع...

نجلاء:[ثقال عليها لسانها]ع..عل..علاش...م..ماما هي غاتكون بخير ياك...[شداتو من كول طابليتو كاتجر فيه بجهالة]ماما غاتفيق ياااااك...غاتنوض و ترجع حسن من اللول ياك...هي ما غاتخلينيش ياك ما غاتخلينيش...

شدها صلاح من خصرها جارها لعندو مفكو منها...حتى تخبطات معاه كاتنتر و تغوت..

صلاح:تبثي لمك خليه يكمل هضرتو...

الطبيب:قلبها لأول مرة توقف ليها اليوم و بصعوبة باش رجعنا ليها النبض...و ماشي بعيد يطرا نفس الحاجة فالأيام الجاية...لذا وجدو ريوسكم....

صلاح:دير مجهودك كامل أ سي الطبيب و لا بربي هاد السبيطار غانريبو عليكم...فحالة وقعات ليها شي حاجة تحملو النتائج...

قال هضرتو لي زرعات الخوف فالطبيب و خلاه يمشي دغيا...و هو خرج تيليفونو لي كايصوني من جيب التجاكيط...لقا سمية باه قلب عينيه و خلاه هكاك يصوني...

و الظاهر باقي واخد موقف من البارح فاش طلبو و ما بغاش و ماشي بعيد ما يكونش واقف تاني حتى من بعد ما هضرات معاه ساريتا... شاف فنجلاء غامزها...

صلاح:نوضي نوصلك معايا...

نجلاء:[كاتهضر و شاردة فالفراغ]لا غا سير...أنا بغيت نبقا اليوم مع ماما...

صلاح:زيدي لمك...خلي تال غدا و بقاي معاها النهار كامل تا واحد ما يحبسك...

نجلاء:[تنهدات محركة راسها بواخا نايضة]واخا أ صلاح واخا...أنا غانسبقك للطموبيل نتا جاوب...من صباح تيليفونك و هو يصوني...

سايفط ليها بوسة فالهواء و جاوب باه...