دراغون:(قرب بوجهو لجيهتها هامس ليها بهدوء)و نسيتي مذكرتيش حتى القتيلة و الاجرام...
***:(بتاسمات ليه بتوتر مخلط بخوف)احم...من الاحسن ندخلو فصلب الموضوع...قبل ما يحسو بغيابي...
دراغون:(طلع و نزل فيها ناطق ببرودة)كنحذرك تلعبي معايا...ولا تقيصي مراتي بنبشة وحدة...غانقطع ليك هاد اللسان و نعلقو فقبرك...
***:(ضحكات ليه ضحكة صفرة و هي غايرانا من ديك كلمة مراتي)لا حاشا...ساريتا عزيزة عليا و مقطرة من هاد العوينات...و الحاجة لنديرو معاها غير لمصلاحتها...
دراغون:ممم اذن على هادشي جايا تعاودي ليا على الفوبيا ديالها؟....
***:باغ سوكو باغاك تربيها و تعلمها بزاف تاع الحوايج...
دراغون:(نطق بنبرة هادئة و هو مشبك يديه قدامو)نربيها!!على أساس هي للي عضات اليد لتمدات ليها...
***:(بلعات ريقها بصعوبة)أاا مقصدتش هاد الهضرة ...قصدي
دراغون:بربي و تزيدي كلمة وحدة..(عبر بصباعو)غير كلمة وحدة عليها و قدامي...غانخليك تكرهي حياتك و ما فيها...
****:احم...من الاحسن نمشي دبا...و اي حاجة عرفتها غانخبرك بيها...
رجع دراغون بظهرو اللور متكي...و كايرشف من قهوتو...شاف فيها لثواني قبل ما يدور وجهة للجهة الاخرى...متجاهلها تماما...
هي محملاتش راسها و هزات صاكها خارجة من تماك...و فداخلها حقدها و حسدها من ساريتا كايزيد يكبر...خصوصا و انها كاتشوفو كايدافع على مراتو...واخا محاضراش معاهم و لكن باينة فغيابها ما خلا حد يقول كلمة ناقصة عليها...فالليل....
كانت ناعسة فالارض بعدما تهلكات بالجوع و قضا عليها...و بالسيف و هي من الصباح ما كلات والو...
بدات كاتحرك من بلاصتها و هي كاتحس بدغدغة فوجهها...و شي حاجة كادوز عليه...و جسدها بالكامل كاتحس بالهران كايطلع معاه...خلاها تفتح عينيها بشوية و ما جاو غير فطوبة كبيرة لاصقة فوجهها...غوتات ربي للي خلقها و هي كتحرك راسها دغيا بهيستيرية...
غوتة خلات دراغون لݣالس فوق كرسي مقابل معاه يرسم نصف ابتسامة ماكرة...و هو كايشوف الفيران دايرين بيها و دايرين خدمتهم...ناض لجيهتها بخطوات ثقيلة و هو متبعها بعينيه غايخرج ليها العقل...باغا تهرب من الفوبيا لعندها و مقادراش حينت مكتفة...فوبيا كان ستاغلها دراغون لصالحو باش يعطيها درس...
نزل لعندها فك ليها يديها و رجليها...بحالا عطاها اشارة تهرب دغيا لقنت بعيد على الفيران...و تخليه راسم نفس الابتسامة الماكرة لمخبي وراها وجه اخور...هز بصباعو فار من ذيلو و تاجه لعند ساريتا...لكاتحرك راسها بلا و اللون ماشي من وجهها بحالا شافت شبح...ساريتا:(بصوت متقطع)لا...ع..عف...عفاك...ب..بعدو...ما تجيبوش لعندي....
دراغون:(ݣلس جلسة القرفصاء امامها مقابل معاها الفار)متخافيش...واخا فيه البسالة شوية...و لكن من بعد غاتولفيه...
ساريتا:(بداو دموعها ينزلو من الخوف و يديها كايترعدو)لا.. لا... الله يخليك هئ بعدو عليا ...هئ ما بغيتوش...
دراغون:عاجلا ام اجلا غاتولفيهم...و تلقايهم اول وحدين يستاقبلوك...(دوز يدو على شعرها مرجعو اطرافو اللور)
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...