زواج متقف

bart 196

الفـصـــل الثـاني:ما خــلف الأقــعنة🩸🫦
               ___________________
                       𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  196

ساريتا:[حركات راسها بتفهم لهضرتو المعقولة]من حقك...نتا فاللخر باباهم و تبغي مصلاحتهم...و لكن كون ما كانش بأمس الحاجة يلقا غير لي يعاونو يلقا هاد صاحبو ما غاينزلش الدموع...[ربتات على كتفو]و الدموع عند الراجل تا تنزل تا تكون واصلة بيه للعظم..

دراغون:[بجدية تامة بنبرتو الخشنة]أناكوندتي الصغيرة نتي مزال ما تحكيتي مع الذياب لي فالزنقة...و ما عرفتيش شنو تحت راسهم...إلى عاونتو غايولفها و شخصيتو غا ضعاف و هو معول على بوه لي مدايمش ليه طول الدنيا...

مباشرة مع انتهاء كلامو حطات صبعانها على فمو ناطقة بنبرة خافتة مخنزرة فيه...

ساريتا:كلامك صحيح و لكن عمرك تقول الجملة اللخرانية قدامي واخا غا بالضحك...[قلبات ملاميحها للخوف]ما غانقدرش نتقبل توقع ليك شي حاجة...ما غانصبرش أ أرغد ما غانصبرش...

دراغون:قلت الحقيقة[بتاسم بايسها فصبعانها]حقيقة وحدة ما غاتغيرش...الموت علينا حق أ أناكوندتي...

ساريتا:[حركات راسها بلا منزلة حواجبها بذعر]م..موالفاليكش تهضر بهاد الطريقة...نتا...نتا مخبي عليا شي حاجة؟...[تقادات فالجلسة ضامة وجهو بكفوفها]هضر و ما تخبيش عليا...

دراغون:[بملاميح ممحية]واخا أنا بزناز أ ساريتا و لكن كانبقا إنسان واقعي...و الحقيقة لي قلت هي لي كاينة...

ساريتا:[بلعات ريقها حاسة بشي حاجة فكلامو ماشي تا لهيه]و..واخا...أحم دبا غاتوافق تعاونو ولدك ولا لا؟...[شافتو غايحل فمو يهضر و غاتكون عارفة جوابو بلا و لكن سبقاتو بكلامها]واخا غانعطيك مثال..مثلا يدك اليمنى كاتعيط ليه واقيلة عويتق...[خنزر فيها] أ زعما هنا غا كانشرح ليك نظريتي و ضطريت نجبدو فالموضوع...

دراغون:[صغر عينيه]ردي لبال المرة الجاية ذكري ليا حس الرجال قدامي و على لسانك أ مراتي العزيزة...

ساريتا:[جبدات عينيها فيه مربعة يديها]و هاد الكلام ليك حتى نتا أ راجلي العزيز...ما علينا نكمل هضرتي...تخيل الى لقيتي هاداك يدك الليمنة غابر نهار كامل و حتى تيليفونو طافي ..ما غاتشوش عليه...ما غايطيحوش فبالك شي حوايج مثلا يكون فالسبيطار و لا الكوميسارية...و لا يكون حتى مقتول...

دراغون:[ضغط على عينيه بصباعو كايحكهم بعياء من هاد الموضوع]واخا أ لالة لي بغيتيها غاتكون...رتاحيتي؟...

ساريتا:[فرحات حسات بحالا دارت شي انجاز ملي قدرات تأثر عليه]كنت حاسة بيك غاتقبل بهضرتي...ماشي حينت أنا مراتك..عرفتي علاش؟...[حطات يدها فوق قلبو]حينت هادا ليه الفضل واخا تعيا تقصح قلبك فبرا الدار و لكن غايبقا ديما حنين مع عائلتو و ولادو...

دراغون:[رسم بسمة على ثغرو على اثر كلامها الحلو]كاين تناقض فهضرتك بين دبا و قبل هادي سنوات ملي هربتي مني ليلة العرس ...

ساريتا:[ببسمة حزينة]...خدمة البزناز خطيرة و مولاها كايكون غادي خارج من الحبس..هاد الهضرة بقوة ما سمعتها قبل ما نتزوج بيك كانت متأثرة عليا بشكل كبير...كان الخوف فديك الوقيتة غالبني...[بتاسمات و هو سامع ليها]و لكن دبا لا..

دراغون:[تكا و جرها تكات فوق صدرو مغطيها بليزار على البرد]ما دام مدايراش شي حاجة تخلي وجهي الثاني الخايب يبان...و مدام درتي عقلك و مكاتلعبيش من ورى ظهري...عمرني نمسك و لا نأذيك...

ساريتا:[تفكرات سيرة التقاف..حاولات تتبث نبرة صوتها من التوتر و تسولو] داك النهار ملي فهمتيني غلط بلي متقفة راسي على قبلك قبل العرس ...كنتي تزربتي و حطيتي الموس فوق عنقي...كنتي فعلا غاذبحني؟...بهاد البساطة!..

دراغون:[سكت لثواني قبل ما يتكلم بنبرة جدية]...كنت غانديرها بلا ما نتردد...واخا تكوني عزيزة و غالية...نفسي حارة ما كاترحمش..و لي لعب معايا عقابو الموت...