زواج متقف

البارت 16

▪️عند بطلتنا...

كانت غاديا فالدرب مربعة يديها...و كتبرد عصبيتها فشفايفها لطابو بقوة العضان...مراضياش بالموقف لتحطات فيه و تمنات كون فديك اللحظة...تقطعو يديها و معنقاتوش...و لكن فرحتها من كابوسها و خوفها هو لدارها ليها...كانت فكل مرة تبغي تنعس فيها عقلها كاياكلها بالتفكير و الوسواس...و تزاد دابا مللي يعرف انها دايرا التقاف...صرخات متألمة و هي شادا فجبهتها مللي شافت راسها خرجات فبوطو تاع الضو...غمضات عينيها و هي مدابزة غير مع راسها...

ساريتا:و بكيد النسا ما غا نسا هاد النهار...و الى ما ندمتك عليه ...راني ماشي بنت الحاج داوود...(بالغدايد صرفقات راسها)مخاصنيش نخاف منو...توݣدي الحمارة...كون بغا يقتلني كون راني تحت الارض...

•••:(نطق صوت من وراها)و ما سولتيش راسك علاش ابنتي؟!..

ساريتا وقفات على الحركة و ضارت بكامل جسدها لمصدر الصوت...لمرا كبيرة ݣالسة قدام عتبة الباب...و للي مكانتش ساريتا شافتها ولا ردات ليها البال..

ساريتا:(قربات لعندها محنية لعندها)احم...دويتي معايا ا خالتي؟...

•••:اييه ابنتي...نتي لعاد خرجتي من عند دراغون...راني شفتك بهاد العوينات لغاياكلهم الدود...

ساريتا:(من كلامها عرفاتها برݣاݣة فهاد السيكتور فنطقات بفضول)اذن معروف هنا؟..

•••:و شكون لما غايعرفو ابنتي...هادا نص فكازا عارفينو...و عارفين بللي هو حاكم هاد الدرب...و للي من وراه...

ساريتا:(بلعات ريقها)احم..و مزوج ؟

•••:(كتاكل فالشريحة و مكمشة عينيها فيها)و تي قولي ابنتي مطلق و بربعة و الخامسة تحت التراب..

ساريتا:(خرجات عينيها للحد)هاااويلي مطلق بربعععععة!!!...

•••:(كتحك وذنيها لضروها بصوتها)الصمك ابنتي...

ساريتا:(متخوفا من الجواب)اه و عندو شي ولاد؟..

•••:(بحالا عطاتها الضو الخضر باش تسرسب ليها)ايييه عندو جوج ولاد سبوعا ...مشدودين دبا فالحبس يمكن شي ربعيام هادي...و ولد عايشو بوحدو على ما سمعت...و بنت وحدة مكاتعتب الدار...

ساريتا:(ولات غا حالا فمها مع الصدمات لكتلقاهم وحدة تابعا الاخرى)تبارك الله..اخر سؤال ا خالتي الله يجازيك بالخير...علاش طرحتي عليا داك السؤال قبيلة؟...

•••:(كمشات فمها كاتفكر)لهلا يحوجك اشنو تحت راس داك دراغون...ما يطلقو سمو غير على غفلة...كيف دار مع مراتو اللولى للي مدفونة دبا تحت اللرض...

ساريتا:(خواو بيها رجليها حتى جات ݣالسة مصدومة)قتلها؟!!!...

•••:و تي غير قتلها و سكتي...و السيد غتاصبها و ذبحها و قطعها طراف طراف...(طولات عنقها كاتشوف الناس بداو يدخلو لديورهم...دغيا و هي تنوض هازا كرسيها)و دوزي بخير...و ردي البال لراسك قبل ما يتلاحو عليك الشماكريا...

ساريتا حركات راسها و شي سمعاتو و شي ما سمعاتو... رجعات بأدراجها تكمل طريقها و وسواس لفيها ما هناها...ولات غير كاتزرب فالمشية و كاتحس بروحها غاتخرج من بلاصتها...
نسات لافير و نسات صحاباتها...و العيالات لدات ليهم رزقهم...كل همها تبعد من هاد لبلاصة و هاد الدرب...للي ما خرجات منو غير بالكشايف...و تنفسات براحة...جمعات شعرها دغيا و كتمشطو بصباعها...باش ما يبانش مشعكك و مشات لجيهت الطاكسيات...ركبات فواحد و كتلفت وراها خايفة يخرج ليها من شي قنت...ما رتاحت حتى بعدات من داك الدرب...للي حالفة ما تحط رجليها فيه مرة خرى واخا يوقع للي يوقع...