الفـصـــل الثـاني:ما خــلف الأقــعنة🩸🫦
___________________
𝑩𝒚 𝑺𝒂 𝒓𝒊 𝒕𝒂
⚫𝑩 𝒂 𝒓 𝒕 180
دراغون شاف فيها شحال و تبسم ببسمتو الصغيرة...عيونو نزلات لكريشتها كايدوز أصابعو عليها بكل راحة بصمت...
و هي متبعاه بعيون كاتلمع بالفرحة...واخا باش يعبر على فرحتو كانت هضرتو قليلة...و لكن ما تقلقاتش و لا قالت راه ما عجبوش الحال....هي شوية بشوية بدات تولف على شخصيتو...
حسات بيدو تحولات لخصرها...و زادت توسعات ابتسامتها ملي جرها لعندو حتى لتاصق صدرها مع صدرو معانقها...بكلتا يديه محاوطها بتملك و عشق دفين مانع يتبين قدامها...
بادلاتو العناق دافنة راسها فعنقو... و هي حاسة براسها فحلم...أنها بين يدو بعد داكشي لي وقع ابتداءا من هروبها شي حاجة لي فعلا كانت حلم...شكون قال غا تكون حاملة من البزناز لي هربات منو ليلة العرس...
أما هو...ما ينكرش بلي فرح بهاد الخبر ..و ولات فرحتين عندو اللولى بالحمل و الثانية من معشوقتو أناكوندتو الصغيرة...لي ماشي أي واحد بالنسبة ليه....
دراغون:[طبع بوسة خفيفة فعنقها...هامس بخفوت]دراغون وفى بكلمتو...و عمر كريشة أناكوندتو بقطعة منو...[سكت للحظة و قال ببسمة مقابل وجهها مع وجهو كايتبادلو أنفاسهم الساخنة]هذا أجمل خبر سمعتو هاد النهار...
ساريتا:[رفعات يدها....و دوزات ابهامها على لحيتو و هو كايشوف فيها]الحبيب ديالي حتى حاجة ما صعيبة عليه...و دبا جا وقت الاحتفال بهاد الخبر...
دراغون:[صغر عيونو فيها بخبث..كايلعب بصبعانو على خصرها ناوي يجننها ما فيهاش]ما تحلميش نخليك تسلتي من تحتي اليوم قبل ما نفدي فيك لي جامعو...
ساريتا:[عضات على شفايفها]تكايس عليا...مازال السهرة طويلة أ حبيبي...[شداتو من دراعو بلطف]و دبا زيد نتعشاو...ما قادراش على الجوع...
ضحكات جاراه من يدو و هو مسايرها محاوطها بدراعو...كايشوف الضحكة من زمان ما شافها من ورى المشاكيل لي وقعو...ها هي حيات بفضل هاد الحمل...
ݣلس على كرسيه و هي واقفة كاتحوم حداه و تحط ليه الماكلة فطبسيلو و هو مراقبها بصمت...حتى طول يدو لعندها خاطفها من بلاصتها...و مݣلسها فوق رجليه تحت تفاجئها...
ساريتا:أرغد...صبر مزال ما حطيت ليك الماكلة كاملة....
دراغون:[شاف فيها بنظراتو النايمين]يا عيون أرغد...[هز الفورشيط و حط أول لقمة ففمها]كولي...راه ما بقيتيش بوحدك...[مرر ابهامو جنب شفايفها ماسح بقايا لي علقات]و من بعد غانتفاهمو على بنتي لي مخلياها بالجوع....
ساريتا:[نزلات حواجبها كاتشوف فيه]و شكون قاليك غاتكون بنت ماشي ولد...
دراغون:بحال الولد بحال البنت...[ميل راسو فيها]و لكن ما نسخاش يشاركك معايا أناكوندتي شي حد...ديريها فبالك...
ساريتا:[كاتوكلو بيدها و تهضر مبتاسمة]كاتغير من ولدك و لا غا جاب ليا الله؟..
دراغون:[جمع شفايفها ببوسة خفيفة]فهمي بلي نتي ملكي و ديالي أنا...ما ملك حد...
ساريتا:[هزات عصير الحامض بين يديها كاتشربو بحال البنيتة الصغيرة]وخا يوقع لي يوقع ما عمرني نفضل الواحد على الثاني...نتا فبلاصة و ولدنا ولا بنتنا فبلاصة مغاتزعزش و لا تبدل...
دراغون:[خدا من عندها الكاس تحت استغرابها..و نطق بصرامة]و هادشي فخبار الطبيبة؟...[ميل راسو فيها بنظرة حادة]ممنوع تاكلي و لا تشربي شي حاجة بلا استشارة الطبيبة...
ساريتا:[بعدم رضى]ما محتاجة حتى طبيبة...أنا ماشي درية صغيرة نتسنى الطبيبة توريني اش غاناكل...
دراغون:راكي هازة روح دبا...و هادشي متعلق حتى بحياتك...الحاجة لي تضر الجنين غاضرك حتى نتي...
ساريتا:[دورات يدها على عنقو]دبا خايف عليا أنا و لا على ولدك؟...
دراغون:[جغم من نفس العصير لي خداه من عندها...بغمزة مرسولة ليها]بجوج أ أناكوندتي...و نتي كثر...
ساريتا:[عقدات حواجبها] و لكن ما تنساش راني ففترة الوحم...و ما تجيكش غريبة الى تشهيت شي حاجة ما هياش...[بحركة جريئة باستو فوق شفايفو]مثلا نتا أ حبيبي...
دراغون:[رجع ليها البوسة مبنن ما شبعانش من هاد البوسات الخفاف]هاد الوحام غاينفعني من هنا للقدام...[هزها بين يدو نايض..مخليها موسعة عينيها ترمش فيه عينيها]وكر ألنيكس توحش يدخل الغار...
ساريتا:[ميلات شفتها السفلية للتحت مغبنة]و لكن مازال ما كملت الماكلة....
دراغون:[حطها فوق السرير متكيها...و وضع يديه من الجناب بجوج محاصرها و هي تحتو]انا لي غاناكلك اليوم و نتنغم بآهاتك لي مغايساليوش...
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...
