الفـصـــل الثـاني:ما خــلف الأقــعنة🩸🫦
___________________
𝑩𝒚 𝑺𝒂 𝒓𝒊 𝒕𝒂⚫𝑩 𝒂 𝒓 𝒕 189
تاجه بيهم نيشان لطبلة معزولة و مقابلة مع البحر...و كان فانتظارهم جوج سرباية محضرين ليهم أشهى الأطباق من كل نوع...هادشي بأمر من دراغون لي علمهم عبر ميساج يحطو ݣاع لي تشهي و تحل النفس على الماكلة...على قبل ساريتا لعلى و عسى تاكل...
ݣلسو فبلايصهم...و باشرات حسناء هي اللولى فالأكل و دراغون عينو على مراتو ما تزعزعاتش حتى شافت فيه باستغراب...
ساريتا:مالك!!...علاش ما كاتاكولش؟!..
دراغون:[دوز يدو على لحيتو متكلم]وصيتهم يحطو داكشي كامل لعندهم على قبلك...و نتي ما حطيتي يدك فيه...أش كايعني هادشي...[سكت للحظة و كمل بنبرة حادة]يعني الفشوش ..و هادشي ما عنديش معاه..
ساريتا:[دورات عينيها]و لكن أنا..أنا مافياش الجوع دبا...[شافت غا ضيع الهضرة على والو و هي تنهد بضجر هازة الفورشيط]واخا...واخا غاناكل دبا أ راجلي العزيز...غا حينت كاينة البنت معانا و ما بغيت يطرا شي مشكيل...
حسناء:كانت ماما ملي حاملة بختي و يتبدل ليها المزاج تمشي للبحر[كاتاكل و تهضر معاها بعفوية..فرحانة لي خارجة مع باها...و البحر شهاها تلمسو]ملي تسالي أش بان ليك نزلو ليه...[شافت فباها]أ..هادشي طبعا بموافقة بابا إلى بغا...
دراغون:[طبطب على راسها بحنان...منعاجب بشخصية بنتو لي ما تحقد على حد و كاتفكر فيه]واخا أ روح بابا...كولي حتى تعرݣيها و سيرو...
ضحكات حسناء بحماس طفولي و شافت فساريتا لي شدات فيدها مبتاسمة ليها...كلات من داكشي لي حاطين شي عجبها مذاقو بحكم أول مرة ذوق بعض الأطباق...طبعا حينت هما غاليين...
سالاو و ناضو من الطبلة و قبل ما تمشي شدها دراغون بنظرة جادة بتحذير ليها...
دراغون:يا ويل تخليو شي دري يدوي معاكم...خصوصا نتي...
ساريتا:[تحنات لعندو ..و باستو فحنكو بجرأة..هامسة بخفوت]و علاه شي حد يقد يهضر مع مرات دراغون...
غمزاتو و عطاتو بالظهر مشادة هي و حسناء كايهضرو...و هو متبعهم بعيونو و إبهامو كايمررو على ذقنو عاجبو المنظر...و الأكثر جرأة ساريتا لي تخليه نهار فنهار يزيد يغرق فيها...تنهد و حنا راسو مكمل ماكلتو بهدوء و مرة مرة يهز عينيه يشوف فيهم...
و هما كانو وصلو للبحر مقابلين معاه...و برد زوين كايداعبهم...ربعات ساريتا يديها و سهات مع مواج البحر..بحال قلبها الهايج...متراكم فيه بزاف ديال الأحاسيس...الخوف...الشر...و الحب...و هما فالأخير شاكة غا يخرجو عليها...غا يعطوها صفعة عمرها تنساها...
و هي حداها كاتمتع بالجو الجميل لي محمقها...طبعا و هي مرة ف ثلت شهور كاتشوف البحر...لاحظات بلي صوت ساريتا ما تسمعش ملي جاو وقفو...و تلفتات لعندها باستغراب...هي ما نساتش لي دارت ليها و لكن ماشي هي لي تحقد و تفرح للناس و هما فأسوء حالتهم...
حسناء:ساريتا...مالك؟...ملي خرجنا من الكلينيك و نتي ماشي هي هاديك؟...
ساريتا:[الصمت]
حسناء:[بلعات ريقها بإحراج]أ..سمحي ليا...يمكن تجاوزت حدودي...
ساريتا:لا عادي حبيبة...[تلفتات لعندها]ما طلبيش السماحة...أنا لي خاصني نطلبها منك...[تنهدات بحزن]ملي شفت ديك البنت لي قدك مذبوحة و الدم سايل منها...تفكرت لي درت ليك...[نزلو دموعها بلا ارادتها لي كانت حابساهم]أنا ماشي خايبة...قسما بالله ما خايبة...ما حملتش راسي فديك اللحظة...
حسناء:[بقات فيها و هي بهاد الحالة كاتبكي و ترجف]كلنا كانغلطو أ ساريتا...يمكن فديك اللحظة كنتي معصبة و أنا غلطت واخا بغير قصد ملي كبيت الزيت...[شدات فيديها]كون كنتي فعلا خايبة ما كنتيش البارح غاتدافعي عليا بديك الطريقة بحالا أنا بنتك...ما كنتيش غا تهتمي بيا بديك الحنية و أنا مريضة و بفضلك تشافيت بلا طبيب..لو كنتي خايبة كان هادشي غايعرف بيه بابا و نقولها ليه...
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...