بقات كاتبكي و تمسح دموعها بيديها...و حاطا يد على كرشها لكاتغرغر...من جوعها شداتها السخفة...حتى حقها فالماكلة تحرمات منو و بسبابو هو...فجأة بدا الضو كايطفا و يتشعل بوحدو...و ريح قوي داخل من شرجم صغير لفوق...خلا دقات قلبها يرتافعو و اللون يتخطف من وجهها بالخلعة...بلعات ريقها لنشف بالخلعة و حطات يديها لكايرجفو بقوة فوق الارض...نايضا من بلاصتها بالكاد تمالكات انفاسها و هي كتنهج...كأنها فسباق...كتقلب على شي حاجة تحل بيها الباب و تخرج...و الضبابة على عينيها كتزورها مرة مرة...قلبات شي مجورا تماك و ما لقات للي ينفعها...حتى قفزات و الدموع بداو يتجمعو مع عينيها مللي تطفا الضو بمرة...و صبح الظلام الدامس للي عندها فوبيا منو من الصغر...من الخوف الكبير بث فداخلها و هي كاتشهق شهقات عالية...مقدراتش مزال توقف على رجليها لكايرجفو...الخوف طغى عليها و خلاو رجليها يخويو بيها و طيح...صوتها مقادراش تخرجو ولا دور راسها لشي جهة...كتافات تجمع رجليها لعندها و تحط راسها بيناتهم...فقط دموعها لنازلين كايترجمو خوفها الكبير...اه دموعها لفتاقداتهم من زمان...ها هما كاينزلو و كايشهدو على اصعب ليلة...ليلة عمرها تنسا ليها...غاتبقا محفورة فالبال...و تخلي جوايج يتغيرو فيها...لكن هل واش للأحسن و لا الاسوء فنظركم؟
▪️عند بزنازنا دراغــــون...
على بعد مسافة طويلة ورى السجن...فوسط غابة اشجارها كثيفة ...كان واقف دراغون متكي على اللوطو ديالو...يد خاشيها فجيب تجاكيط و يد هاز فيها ݣارو...كاينتر منو نترات كبار و مرة مرة يرفع حاجبو و يدور لعند الشخص لحداه...لكايشرح ليه و كايرجف من بلاصتو بالخوف... مرة مرة يبلع ريقو... و عويتق واقف مقابل معاهم و عاطيهم بالظهر راد البال لا يجي شي حد...و فيدو هاز جنوية طويلة...لا قولو سيف...بيض و كايلمع كايلعب بيه بخفة و عينين داك الشخص كاتمشي و تجي معاه...بعد صمت قصير تسمع صوت دراغون و هو ناطق بجدية...من نبرتو كايبان متحكم فغضبو بزز...
دراغون:جوج كلمات نخسرهم على زام*ل بوك...غاضمس هادشي لوقع اليوم و تخرج ولادي بجوج براءة من هنا ليوماين...ولا تلقا مرتك و ولادك مذبوحين...و قدام عينيك...و نكمل بيك...
•••:(بتوتر بالغ نطق)و..واخا... و لكن م..مايمكنش بجوج فدقة...غ..غانتفضحو..
دراغون:(دور راسو لعندو بأعين محمرة نطق)شوف ا سي هضرة وحدة قلتها...غاتوافق بزز منك و لا الخبار فراسك...
•••:(بلع ريقو و نطق بترجي)عفاك أ دراغون...هادشي غايخرج ليا على خدمتي...
دراغون حرك راسو بالإيماء بلا ما يدوي...تقدم خطوات للأمام عاطيه بالظهر بهدوء...حتى خدا الجنوية دغيا من عند عويتق...و بدون سابق انذار حطو على عنق ذاك الشخص... لفتح عينيه على وسعهم مصدوم...
دراغون:شوف ا ز*بي...هاد الهضرة ديالك مغادوزهاش على دراغون...(ضغط بالجنوية على عنقو حتى بدا يترعد)مغانضيعش معاك وقتي...
•••:(نطق دغيا)واخا ...واخا ما يكون غير خاطرك...غير ما تأديه عائلتي...
دراغون:(نزل ديك الجنوي مطبطب على حنكو ببرود)دبا دويتي...(قاد ليه قميجتو بغمزة مخاطبو)ما تنساش...من بعد يوماين...يكونو برا الحبس...
•••:احم واخا...القضية صعيبة شويا حينت داخل فيها القتل و التهريب...(شافو دوز صبعو على الجنوية و هو كايشوف فيه و هو ينطق بذعر)و لكن غاندير لفجهدي...كنواعدك...مغانرتاح حتى نخرجهم...
دراغون:كنتمنى تكون قد كلمتك..(رجع تكا على اللوطو)تقدر تمشي لشغلك...
مع سالا هضرتو دغيا مشا داك الشخص كايجري للوطو تاعو...ركب فيها و مشا...
خلا دراغون يزفر بعصبية كيمشي و يجي...
باقي معصب و باقي ما بردات ليه...من جيهة ساريتا لبتصرفاتها الغير العقلانية كايزيد ينفر منها...و هو براسو ما بقا عارف ولا فاهم للي كايجرا...
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...
