زواج متقف

البارت 73

الفـصـــل الثـاني:ما خــلف الأقــعنة🍷👄

[ما تــخـرجــي... مــن قـلبــي ...الا و نــتــي... فـكـفــن]

𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  73

قالت كلامها و سكتات ما سمعات حتى رد من عندو...تنهدات بخيبة أمل ملي ما تسوقش ليها ولا حتى جاوبها... و فشلات خطتها...حتى دورات راسها دغيا لجيهة يدها مللي حسات بيه شد العصير...عضات شفايفها بفرحة و ضارت بغات تمشي حتى تشدات من نفس اليد...و قبل ما تستوعب كانت تجرات للداخل  ملاصقا مع الباب حتى تسد...و نتافضات فبلاصتها مخرجا عيونها فالأرض حانياهم لتحت...ما قادراش طلع عينها تشوف شي حاجة ماشي تا لهيه...و هو مصغر عينيه كايشوف فيها و الحشمة ظاهرا عليها...بكثر ما تلونات فوجهها...كحزات شويا اللور تخلي مسافة أمان بيناتهم حتى حسات بيديه تحطو على الباب محاصرها..و صدرو  تلاصق مع صدرها لي دقاتو بالكاد يكونو وصلوه...بلا ما تشعر طلعات بنظراتها شويا بشويا...من صدرو العريض لي نقيطات من الما نازلين منو...انتقالا لوجهو المبلل عاطيه جاذبية...حتى توقفو عينيها وسط عينيه كاتشوف فيه بصمت...و هو مقابلها بنظرات متفحصة حاني راسو لعندها ...حتى لصقات راسها مع الباب كاترمش عيونها دغيا...خلاتو يدوز لسانو على شفتو السفلية...ناطق بهمس شديد...

دراغون:أش كايدور ليك فداك الراس..

ساريتا:[بلعات ريقها]ك..كيفاش...[خرجات فيها العين دافعا السنطيحة]الغلط مني أنا لي نايضة من بلاصتي و مريضة...

دراغون:[تسناها حتى سكتات و نطق ببرود]مضروبة فراسك ماشي فرجليك...[ستاقر عينو وسط عينيها و هي غير كاتشوف]فشوشك خليهم فداركم...

ساريتا:[شافت فيه بنظرات حادة ناطقة بنفس النبرة]حينت سيادتك من نهار جيت لهاد الدار و أنا شادا الفراش...

حطات يدها فوق يدو تحيدها باش تخرج..حتى حسات بيه حاوط خصرها و جرها بجهد حتى لصقات معاه مخبوطة...وجهها مطلعاه مقابل مع وجهو...و أنفاسهم الساخنة متبادلة...كاتشوف فيه متعمقة نظرتها فثنايا وجهو...لي باين منو الوقار و الهيبة طاغية منو...و هو متمعن فنظرتها المختالفة لي كاترمقها بيه...عارفها لفعة و ماشي تاع الثقة...تضحك ليك و من ورى ظهر تحفر ليك حفرة تغرقك فيها...
من بين شفايفو نطق بصوت هامس خلا البرودة طالعا معاها...و هما على نفس الوضع أنفاسهم متضاربة...

دراغون:دخول الحمام ماشي بحال خروجو أناكوندتي الصغيرة...

ساريتا:[حسات بشعور غريب و هي بين يديه و بهاد القرب و لكن لسانها حلف لا يݣلس]نطابقات عليا هاد الهضرة ملي تزوجت بيك أ راجلي[كملات بنظرات تحدي و هو متبع مرة معاها و مرة مع شفايفها كي كاتحركهم]غايوصل نهار لي غايسالي فيه هاد الزواج على الوراق و نصبح حرة...

دراغون رسم نصف بسمة استهزائية على ثغرو...خلاها حتى سالات و قلب نظراتو لي ما مفسرينش.. و هي عاد طلعات معاها الهضرة لي قالت و الاستفزاز فيها...قبل ما تحرك من بلاصتها...كان نقض عليها بقبلة دافية و هادئة...غير متوقعة ليها و صدماتها و خلاتها يابسة فبلاصتها..قبلة فصح فيها على أحاسيسو المدفونة فقلبو...قبلة رقيقة و رومانسية خلات أحاسيس فداخلها تزيد تكبر و تبان...و الطريقة  باش كايقبلها و يدوز اطراف يدو على ظهرها طلوعا و نزولا...خلاتها تجاوب معاه بجوارحها مغمضة عيونها...و هو ملي حس بتجاوبها معاه تكون شعور زوين داخلو...و حط يد تحت راسها جارها لعندو كثر متعمق فالقبلة الملهوفة ليهم بجوج...كايتحسسو رحيق ثغرهم عايشين اللحظة...
و فالأخير ختم دراغون القبلة بعضة جنونية... خلاتها توعى و تقفز حاطا صباعها على شفايفها كاترمش فيه ...و هي مصدومة من راسها...كيفاش حتى ستاسلمات ليه بسهولة و كان عاجبها الحال..و هو رجع راسو شويا ناطق بنبرة باردة...كايشوف فيها كي ولات حمرة ما راضياش بالموقف لي تحطات فيه...

دراغون:كاتقولي هضرة...و تصرفك ثبت حاجة أخرى...[قرب لوذنها هامس بنبرة كفحيح أفعى]نتي ملكي و ديالي...ريحة الفراق عمرك تشميها مني...يا دراغون يا الكفن كايتسناك...