زواج متقف

البارت 38

•••:(نطقات معصبة)كانسحاب البزنازة كايخدمو عقلهم...ساع بانلي غا كاطيحو فشي وحدة كاتغفلو على حقيقتها...

خرجات من اللوطو زادحا الباب وراها...و خلات دراغون مخنزر فيها...و هضرتها مزال فبالو...مفاهمش لاياش كاتقصد...

        •• نهاية فلاش باك ••

حك لحيتو فهدوء كايربط الأحداث بيناتهم...و هو ساهي فالسما...غا يكذب الى رفض احساس الخوف لداعبو فالداخل ديالو...من خوفو تطلع ساريتا مرتو و شرفو بحال عيالاتو لكان مزوج بيهم...من خوفو تكون مغلفة بقناع ملاك ووراها وجه شيطان...و طلع لاعبة من وراه...و بنفسو الحارة هاد المرة مغاتخليهاش كتنفس...واخا يكون كايموت على هواها غايقتلها بلا ما يتردد...
فاق من شرودو على يد تحطات على كتفو...و صوت ساريتا من وراه ناطقة بنبرة خافتة...

ساريتا:دراغون...مالك؟...(نطقات بخوف)واش نعيط ليك للطبيب؟...

دراغون ضار لعندها بنظرة باردة خلاتها تشوف فيه باستغراب...من حالتو لتغيرات فجأة...حتى ما حسات براسها الا و مردوخة مع الحيط و دراغون محاصرها بين يديه...ما مخليها فين تزحزح...ناطق بنبرة حادة و هو ضارب يدو مع الحيط لوراها ...حتى قفزات مرعوبة من حالتو لتغيرات 180 درجة...

دراغون:شكون للي قال لملتك نوضي من بلاصتك...(قرب بوجهو لعندها مخنزر)شاطو عليك رجليك!!...

ساريتا:(تشجعات ناطقة بدورها بحدة)قلبي ما طاوعنيش نشوفك بهاد الحالة و نبقا ݣالسة...

دراغون:(نطق مزير على سنانو)على أساس لملتك حالتي كاتهمك!..

ساريتا:(نطقات دغيا مفقصة)حينت نتا راجلي...من حقي نخاف عليك..

خرجات عينيها كاتولول فخاطرها...عاد طلعات معاها اشنو قالت...و من حشمتها حطات يديها على فمها..و دراغون بكلمة وحدة قالتها...بدى يبرد تدريجيا...و بدات بسمة تظهر فثغرو...

دراغون:(بصوت خافت)عاودي الكلمة لقلتي...

ساريتا:(رمشات عينيها فيه عاضا على شفايفها)نخاف عليك...

دراغون:(جرها من خصرها بقوة حتى تزدحات مع صدرو العريض...و عينيه على شفايفها لكاتعض فيهم)الكلمة لقبلها...

ساريتا:(نطقات بجرأة بنبرة هامسة و عينيها فعينيه للي كايشوفو فيها بنظرات كايسلبو)راجلي...

دراغون:و اخيرا تقبلتي الوضع لنتي فيه...(رجع خصلات شعرها ورى وذنيها)انني راجلك لدبا و ديما حتال الموت...و من غيرو مكاينش...

ساريتا:(تنهدات مطولا ناطقة بتباث) ما عندي حل من غير نتقبلك فحياتي...و نفذ بروحي...

دراغون:(نزل بيديه لحنكها كايحرك ابهامو ببطئ خلا ذاتها تبورش)غير البارح كاتقولي كلام و اليوم كلام...متناقضة مع راستك أ اناكوندتي الصغيرة...

ساريتا:(رفعات كتافها بعدم مبالاة)حاولت ما مرة ما جوج نبعد عليك...و لكن القدر لعب لعبتو ...و بين لي بللي نتا مكتابي...

دراغون:(طبطب على حنكها)درتي عقلك فاللخر و رطاب....و هادشي مزيان لمصلاحتك و عائلتك بالخصوص امراتي الزوينة...

ساريتا:(حنحنات قالبا الموضوع)احم فيا الجوع...(رفعات حاجبها ليه)و انا حينت مراتك مجاتش تخليني بالجوع...

شاف فيها دراغون شحال بلا ما يتكلم...مكتافي غا بابتسامة صغيرة بينات اعجابو بجرأتها و طلاقتها معاه فالهضرة...حاوطها من خصرها و توجه بيها نيشان للسرير...و هي بنص عين كاتشوف فيه...حمقاتها شخصيتو لكاتفوح منها الكاريزما و الوقار...جاها مختالف على الرجال لكاتشوف...مبرهشين و خفاف فتصرفاتهم...كايبغيو يسترجلو على البنت و لكن هادا لا...من كلامو معاها كاتحس بيه شارب عقلو...كايتصنت قبل ما يحكم...و ثقيل فكلامو و تصرفاتو...