زواج متقف

البارت 24

آية:الله يهديك الميمة...ما ديريش لراسك هاد الحالة...دبا تلقايها داخلا من الباب بعجاجتها كيف ديما...

الجدة:(كاضرب جيهت قلبها بغصة)انا لعارفا حفيدتي...انا لعارفاها ما تمشي تغبر  لا ما قالتها ليا...

بغات تهضر آية و هو يقاطعها صوت الدقان فالباب...مشات كاتجري فتحات الباب سحبات غايكون راجلها...و لكن كانو غا فاتي و نجلاء وجههم صفر ساقط منو الدم...

ٱية:(تنهدات معاجبها حال)اممم دخلو دخلو...

فاتي:(شداها البكية)لا اختي غير خلينا هنا...و قولي لينا واش عندكم شي خبار على ساريتا...

آية:هانتي كاتشوفي...البكا تاع الميمة عاطيك الخبار...

نجلاء:(كتمسح دموعها بيديها)ربي اختي آية لما صوني على راجلك سوليه فين وصل...

فاتي:(نطقات بلهفة)عفاك اختي صوني عليه....  حالتنا ما عالم بيها حد من غير ربي...

آية:واخا غانصوني عليه دبا...(جبدات تيليفونها من جيب بيجامتها ...و دوزات الخط نيشان لراجلها..)ألو محمد...لا مجاتش كاع... امدرا لقيتو شي خبار؟...(خرجات عينيها)هاويليييي...لا الميمة بخير...صافي صافي واخا الى عرفتي شي حاجة علمنا...الله يعاونك...

قطعات الخط و سكتات كاتستاوعب اش قال ليها...البنات غير شافوها بديك الحالة تزاد معاهم الزايد...نطقات نجلاء و هي مخلوعة...

نجلاء:أشنو قاليك...لقاو شي خبار عليها؟...

فاتي:(شافتو ساهية و ساكتة و هي تدوي بصوو مخنوق بالبكا )آية...ختي طمنينا...قولي لينا اش قاليك..

آية:(نطقات بزز و هي كاتشوف فيهم )قاليا بللي ٪80 غاتكون مخطوفة...

فاتي:(حطات يديها على حناكها كاتولول)هااااويلي على البنت مخطوفة...شكون غايكون خاطفها؟..

نجلاء:ما يمكنش...ساريتا معندها عداوة مع حتى حد...شكون لغايبغي يخطفها و علاش!!...

آية:بلا ما تندموني حينت قلت ليكم...الميمة كاينا غير الداخل و الى سمعات هادشي...غاتمشي فيها...

فاتي:بصاح اختي...يحسن عوانها و هي مريضة...دخلي لعندها و حنا غانمشيو نقلبو فالبلايص لموالفين نمشيو ليهم...

نجلاء:و متنسايش تعلمينا بأي جديد...

آية:ان شاء الله...

مشاو البنات كل وحدة فاتجاه يقلبو على صاحبتهم و ختهم...بأمل يلقاوها...

▪️عــــنــــد بــــطـــلــــنــــا

كان ݣالس فالكافي كايرشف القهوة بهدوء...و عينيه مصوبة لتيليفونو...كايراقب ساريتا من خلال كاميرات المراقبة لتماك...متبعها بعينيه و هي جامدة فبلاصتها ...مرة مرة كاتقلب على جنبها الليمن ولا الليسر...متعجب من انها ما حاولاتش تهرب مع ان طريق غايكون خاوي بالنسبة ليها...و لكن واخا مكتحركش بزاف...لسانها ما عياش من سبان عليه... و هي ݣاع ألفاظ الدنيا قالتهم عليه...
دوز ابهامو على شفتو السفلية مبسم نص تبسيمة...بارز ثقبة الزين...

دراغون:بزناز خمسيني...و لكن بفعايلك غاتخليه ينزل لمستوى ديالك باش يقادك...أناكوندتي الصغيرة...

***:ديزولي...تعطلت عليك...

دراغون:(شار ليها بيديه تݣلس بلا ما يدوي و لا يدور لعندها)

***:(بكل أنوثة متصنعة ݣلسات ممركزة نظراتها ليه بإعجاب)خمسيني و باين فعمر الشباب...تبارك الله الفلوس مهليين فيك...