زواج متقف

bart 125

الفـصـــل الثـاني:ما خــلف الأقــعنة🩸🫦
               ___________________
                       𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  125

•••:اييه عارفو الحاجة...و شكون ما يعرف البزناز لي حاكم درب مولاي رشيد..

رقية:[كاضور فراسها و تهضر]إييييه قول طلع نسيبها معروف فالمدينة...و زرب فالسوقان أ وليدي...

شافت فاتي فآية لي غا كاتشوف مسكينة...و ضربو الطم يشوفو أخيرتها مع الجدة رقية لي حالفة بحلوفها تجيب حفيدتها و ما تخليه يمسها...

                  •••••••••••••••••••

بلا ما تشعر نطقات بصوت عالي مخنزرة فديك البنت لي مكاتبانش و دراغون مغطيها بحجمو...

كلثوم:أش هاااااد قللللة الأدب دااااايرين فدااااري...

دراغون بعد على ساريتا بهدوء قاتل...و بالعرض البطيء ضار بكامل جسمو لجيهة كلثوم... مرمقها بنظرات قاتلة بردوها و خلاوها تبلع ريقها بخوف...و ساريتا ظهرات من وراه كاطلع و تنزل بنظرات حاقدة غيرانة...بلا ما تحس لوات يدها على دراع دراغون ناطقة بنبرة هادئة محاولة تخبي شعورها الحقيقي تجاه كلثوم.... لي حولات أنظارها عليها كاتسكانيها بعينيها بنفس النظرة باش مقابلا بيها ساريتا....

ساريتا:شكون نتي لي معليا صوتك هنا؟...

كلثوم:نتي لي شكون يا قليلة الأصل لي مخر

دراغون قاطعها بيدو لي تحطات على فكها غارس فيها ظفارو...كايدي و يجيب فراسها ناطق بنبرة حادة...

دراغون:نسيتي ياماتك أ بنت الهار•بة...برب العالي و تقربي ليها بكلمة ماشي تال لهيه حتى نقلب عليك هاد الدار بلي فيها...

حركات راسها بأه مغمضة عينيها و الخوف طاغي عليها منو...و ساريتا واقفا بعيد راسمة ابتسامة استهزائية ...مكلفاتش راسها تفكها من قبضتو ببساطة حينت بغاتها فيها...نقلات عينيها لدراغون كاتشوف فيه بنظرة مليئة بالفخر و الحب...كاتحس بيه هو دراعها حاميها من الضربات لي و الكلام الناقص ليها...كاتحس بيه ظهرها لي كاتوسد بيه و يبعث ليها الأمان بوجودو معاها...و شحال بأفعالو كاتزيد تغرق فيه كثر و كثر...

دراغون:عتاذري منها دبا...[غوت حتى قفزها]تحررررركي...

كلثوم:[من فوق نفسها نطقات]س..سمحي ليا...

ساريتا:[بنظرة خبيثة نطقات]عاودي ما سمعتكش أ خالتي...[دراغون ضار لعندها بتخنزيرة حتى تقادات فالوقفة ناطقة بعدم مبالاة]أحم ولا عرفتي بلاش...قلبي كبير و مكايحقدش الحمد لله...

دراغون:[طلق من كلثوم و قال كايعيط على بنتو]حسناااء...

جات كاتجري حسناء و تمسح يديها من الماء...

حسناء:نعام أ بابا...

دراغون:[قرب لعندها خاشي يد فجيبو معلي حاجب]فين كنتي غابرا؟..

حسناء:فالكوزينة أ بابا علاش؟...[بابتسامة بريئة]ياكما خاصاك شي حاجة؟..

دراغون:الكوزينة؟؟..[تلفت لعند كلثوم لي مخرجا عينيها بريبة]بنتي مكتوبة على جبينها خدامة تحت رجليك الخانز•ة...

كلثوم:[كادمع بلعاني]حشومة تقول هاد الهضرة...كون كانو عندي اليدين لي يقضيو شغل الدار ما نقول لبنتي تعاونني...

دراغون:حمدي ربك على وجه بنتي دزتي...[ضرب بيدو على الطبلة حتى تزعزعات من بلاصتها مخنزر فيها]و لايني من اليوم ما غاتشوفي حتى نقرر أنا....

شد بنتو من يدها جارها تحت صمت طاغي حتى حد ما نطق بكلمة...لا بنتو لي من خوفها منو ما قدرات تزيد كلمة فوق كلمتو...و لا كلثوم لي مرضاتش خصوصا قدام ساريتا لي تحكمات فلسانها و ما تدخلاتش...خدمات عقلها فالوقت لي خاص تفكر فيه كلثوم لمصلاحتها و لكن غضبها خرج عليها...