زواج متقف

البارت 71

الفـصـــل الثـاني:ما خــلف الأقــعنة🍷👄

[ما تــخـرجــي... مــن قـلبــي ...الا و نــتــي... فـكـفــن]

𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  71

فتاح:[خرج عينو فيه غايتفرݣع] مِّي الواليد..مِّي و ما عطيتيها هاد القيمة الواليد...[كايشير بيدو للفوق]و ديك بنت القح..

قاطعو دراغون بدفعة خايبة حتى تخبط مع الحيط شاد فظهرو...عاقد غوباشتو فباه...جا خوه صلاح بغا يجرو يخرجو برا...مللي شاف القضية غا ما كاتزيد تحماض...لكن كان سابقو دراغون مطول يدو حتى تحطات على عنق فتاح...غارس ظفارو فيه و ملصقو على الحيط  خانقو...كايطلع النفس و ينزلها بصوت مسموع ...و فتاح ما نطق بكلمة خايف شويا من عصبية باه...لي خوفات سميحة و خلاتها توقف بيناتهم كاتحاول تفك يد دراغون من عنق حفيدها...و تزاوك ولدها يطلقو...حينت عارفا ولدها و عصبيتو الزايدة كي دايرا...و شحال كاتعمي ليه العينين...

صلاح:[وقف حدى باه كايطلب فيه و هو خايف على خوه لي شافو بدا يتخنق]عفاك الواليد سمح ليه...الله يحفض ليك الميمة الواليد طلق منو...

سميحة:[وجهها صفار بالخلعة]هالعار يا وليدي طلقو منو...هالعار غا على وجهي...راه غا شمكار و ما عارف يهضر ما ديش عليه...

دراغون:[رافع صوتو الجوهري مخنزر]اليوم دوزتها ليك على وجه الواليدا يا قليل الترابي..[طلق منو و ضرب يدو مع الحيط مغدد]هاديك لي الفوق أشرف منك الكلب...المرة الجاية كانقسم ليك غاندفن أصل جد لي حطك فبلاصتك..[عاود ضرب يدو حتى تقاد فتاح فالوقفة]كاتسمع ..غاندفنك بيدي...

بغا يحل فتاح فمو يهضر حتى شداتو سميحة  دغيا من دراعو جاراه لبيتو تخاصم و تعاود...و تبعو صلاح..بقا دراغون لوحدو حاط يد على خصرو كايزفر نفس سخون...و يد حاطها على الحيط مطلع راسو الفوق...يبرد راسو لي كايحس بيه غايطرطق بقوة التفكير فشلا حوايج...
حتى قاطعو صوت الدقان فالباب...قلب نظراتو لجيهتو مخنزر و تاجه لجيهتو حلو...رافع حاجبو لعويتق لي كايقفقف و باين عليه الحيرة...سد الباب من وراه و جر عويتق من دراعو حتى بعدو على الدار شويا...ناطق بنبرة رجولية باحة...

دراغون:قول ما عندك ..قبل ما تموت ليا هنا بالخلعة...

عويتق:[ممطلعش فيه العين]الدراري قلبو الدار شبر بشبر...و[سكت كايبلع فريقو]

دراغون:[حط يدو على كتفو مزير عليه شويا..قالب نظراتو للقدام]و ما قدروش الكلاب يلقاوها..[قلب نظراتو لجيهتو]نص ورقة يا ولاد الط•يط غلباتكم...مخدم معايا العيالات هنا...

عويتق:أ و الله أ برو بالرب العظيم تا درنا جهدنا ...و الدار كبيرة خدات وقت فالتقلاب...[شافو حيد يدو عليه و هو يكمل بزز]كايبان ليا ما غاتكونش ديك نص الرسالة لي كاتقلب عليها...كاينا فديك الدار...

دراغون:[حنا راسو لجيهتو مركز فيه نظراتو الحادين]هي دبا يا لزام•ل بوك  كانتفلا عليكم أنا هنا؟!...

عويتق:لا لا أ برو حاشا...غا كون كانت نص الورقة تماك كون لقيناها...

دراغون دوز أصابعو فلحيتو كايشوف كلامو فمحلها..برد و سكت شويا ناطق بجدية...

دراغون:قول للدراري يحبسو...و يركزو مع السلعة لي غاتجي غدا...

تقدم خطوات للقدام خاشي يديه فجيابو كايفكر و يحلل...و لي داز من حداه يلقي عليه السلام...و لكن دراغون كان مرفوع ما حاسش فين كايقودوه رجليه...