الفـصـــل الثـاني:ما خــلف الأقــعنة🩸🫦
___________________
𝑩𝒚 𝑺𝒂 𝒓𝒊 𝒕𝒂⚫𝑩 𝒂 𝒓 𝒕 123
دراغون:[ناض من بلاصتو باتجاه الباب و التيليفون شادو بجوج صباع مكمل كلامو]سير نتا دبا...خدمتك سالات...
قطع الخط و فتح الباب لي كانت ساريتا غاتدق فيه...و لكن تفاجئات ملي حل عليها الباب مفيكسي عينيه فيها ...و هي مكوانسية فبلاصتها و يدها باقا معلقة بالعة ريقها...و هو مقابل معاها رافع حاجبو حاط يدو على خصرو و يد على الباب كايسكانيها بنظراتو الحادة...
•••••
و فالجهة الثانية كانت كلثوم جارا بنتها حسناء لبيتها...سادا الباب من وراها و ضارت مخنزرة فيها كاطلع و تنزل فيها...
كلثوم:ضسرتك البرهوشة حتى ولات هضرتي زايدة ناقصة عندك...
حسناء:م..ماشي لخاطري أ ماما...[بعيون دامعة]موحشاك بزاف...باغا غانشم ريحتك و ترضاي عليا...
كلثوم:[طلعاتها معاها بقرصة حارة]توحشك جهنم الكحلة ان شاء الله تهنيني من وجهك...يخخخ تفو الناس والدين البنات و أنا والدا خطية ما تنفع ما ضر...
حسناء:[بدات تبكي و تشهق بصوت كايحرق فالقلب..كاتحك فالقرصة]مالي أ ماما أش درت ها أش درت...علاش كاتعامليني ديما هاكا بحالا ماشي بنتك...علاش وليتي تعامليني بحال مرات بابا...
كلثوم:[طلقات وذنيها ملي سمعات حس مرات دراغون]أ هااا مال ديك اللفعة أ ش دارت ثاني...[شداتها من شعرها كاتدي و تجيب فيها]أ دوي يا الكلبة وليتي تخبي على مك... لي كايوقع تماك ما بقيتيش تقوليه ليا...
حسناء:هالعار أ ماما هالعار طلقي راكي ضريتيني فشعري [كاتمسح فدموعها و كاترجف كلها]ه..هي هدداتني بالموس و كانت غاتقتلني أ ماما...[تحنات حدى رجليها كاتبكي و طلب فيها تعاونها]أنا مزاوكة فيك أ ماما خليني نعيش معاكم...أنا مزاوكة فيك خايفاها تقتلني شي نهار...أنا مزاوكة واخا نعس غا فالسطح حسن ليا ما نعيش معاها...
كلثوم:[ركلاتها بلا رحمة مخنزرة فيها]سرك أ النعجة سرك نيت...كون غاقتلاتك و ريحاتني منك...لي جا يحݣر عليك الممسوخة و جي تخنني عليا...سيري تخنني على بوك لمدخلها عليكم...
حسناء:[قصحاتها هضرتها كثر من اللول و لكن حينت هي نية سحباتها كاتخاصم عليها لمصلاحتها]عفاك أ ماما ما تقوليهاش لبابا...قالت لي الى قلتها لشي حد غاتقتلني...
كلثوم:ايهاي باغاني نسكت بحالك الخوافة...باك كيف دخلها عليكم غا يخرجها بيدو و الصلاة على النبي...[دفعاتها بغات دوز حتى وقفاتها هضرتها]
حسناء:[بغصة]خويا فتاح حينت ما متقبلهاش وسطنا كان بابا غايقتلو مخنوق تحت يدو..و بغيتي يتيقني أنا أ ماما؟...[وقفات قدامها و دموعها دايزين]لا أ ماما ديك السيدة متحكمة فبابا و حنا ما ولينا ساويين والو قدامها...
كلثوم ضورات الهضرة لي قالت فدماغها و لقات أحسن حاجة تسكت...لأنه فحالة فتحات فمها ماشي فصالحها و احتمال ديك الساعة بنتها تجي تسكن معاها...و هي على قبل حياتها الزوجية رافضة...
كلثوم:جمعي خناينك و زيد قدامي الحمارة يالاه...
حركات حسناء راسها بواخا كاترعد من يديها...كاتمسح دموعها بكمايمها تابعا ماماها... حتى وقفاتها تاني بهضرتها...و هي كاتفكر تصدر بنتها للكوزينة منها تغسل الماعن لي كاينين و منها تنفارد بدراغون...
كلثوم:[ضوراتها فراسها مستاغلا الوضع]سيري نتي للكوزينة غسلي شي ماعن تماك محطوطين...و تبعيني...
حسناء:واخا أ ماما...
__________
نرجعو لعند دراغون و أناكوندتو ساريتا...باقيين واقفين حدى الباب كايشوفو فبعضياتهم حتى رحمها بسؤالو ناطق ببحة رجولية خشنة حاني بوجهو لعندها...دراغون:علاياش كاتقلبي هممم؟...
ساريتا:[كاترمش فيه ببرائة]أحم ديتي الورقة لي كاتبا ليا فيها الطبيبة الدوايات...و أنا بغيتهم دبا ضروري على حساب الحريق لفيا...
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...