الفـصـــل الثـاني:ما خــلف الأقــعنة🍷👄
[ما تــخـرجــي... مــن قـلبــي ...الا و نــتــي... فـكـفــن]
𝑩𝒚 𝑺𝒂 𝒓𝒊 𝒕𝒂
⚫𝑩 𝒂 𝒓 𝒕 79
و لكن قلبو لي كايتقطع على حالها...و نظراتها ليه و الدم نازل من راسها اثر الضربة لي كلاتها عاد دبا فيه..عارفا الغلط منها و هي سباب حالتها...و لكن غلط حتى هو ملي استقوى عليها بالعصا و فرض عليها رجولتو بدون ارادتها...
شاف فيها شحال ناطق بصوت رجولي خافت و هادئ...
دراغون:ماشي من سماتي نفرض رجولتي عليك...[رفع راسو للفوق مغمض عيونو بتعب]لو كان نويت نترجل عليك كون درتها من زمان ملي لقيتك...[زفر نفس سخون و ساريتا متبعاه بعينيها كاتبكي]صبري نفذ ملي وصلات بيك تهيني رجولتي للمرة التانية..[نزل راسو لجيهتها] اللولى حاولت نسامحك عليها و لكن التانية غاتخلصي عليها بروحك...
ساريتا:[رمشات عيونها فيه كاتشهق بصوت عالي و تسمع لكلامو بعدم فهم ووجهها صفر]ك..كانعتارف...اه كانعتارف ...بلي درت غ..غلط..و هربت منك أ دراغون...كانعتارف أنني حطيت بوجهك للأرض...متنساش أنا بنت و خوفي غلبني...و
دراغون:[رسم بسمة استهزائية على ثغرو ناطق ببرود كايشوف فيها]و كانظن هاد الخوف تاعك مكانش ملي مشيتي لعند الشوافات يتقفوك...[لمح صدمتها و كمل ناطق مزير على سنانو]ما عْلمكش عقلك تخافي من ورى هاد التقاف غاتكفني نيشان للقبر...
ساريتا حسات بالأرض مشات و جات بيها...و البرودة طالعا معاها...حسات بموتها اليوم غايتحتم...و كاع لي دارت مشا غا هكاك...
مفيقها من صدمتها وقوفو و هو حامل فيدو الجنوية و جاي لعندها...و فكل خطوة كاتحس بقلبها غايخرج من بلاصتو...قبل ما تستاوعب لي طرا على غفلة شدها دراغون من شعرها مزير عليها...خلاها تغمض عيونها بخيبة أمل و دموع نشفو بقوة البكا...كاتحس بالموس تحط على عنقها بارد كبرودة قلب دراغون...ما لاحظاتش يديه لي كايترعدو و قلبو مزير عليه...ما قدرش يديرها...ما قدرش يأدي أناكوندتو...يخلعها بالموس أه و لكن باش ينحرها مغايقدرش...و روحو غاتخرج معاها..
شافت حتى عيات فالنحير الحولي و تضحك على شكلهم ملي يموتو مذبوحين..و عمرها ظنات غاتكون بحالهم و يتكتاب موتها بهاد الشكل...بنبرة متملكها الخوف خاطباتو...و ألم جسدي غالب عليها...
ساريتا:د...دراغون لا...[دموعها نزلو حارين على حناكهاو حالتها حالة]الله يخليك لا و سمع ليا...دراغون و بمعزة ماماك عندك سمع ليا و ما ديرهاش...
دراغون:غاتنكري...غاتقولي ما درتيهاش...[دوز لسانو على شفايفو حاس بقلبو كايضرو على حالها و هي كاتوجع...و لكن كرامتو و كبريائو غالبو فهاد اللحظة]...و ديك الحالة لي كاطرا لي ملي كانقرب ليك ما عندهاش علاقة بيه...سحابتي دمدومة غاضحكي عليا[نزل يدو لورى عنقها غارس فيه صباعو محني لمستواها]حلي عينيك فعينيا و هضري...
حلات عينيها الحمرين فيه...هامسة ليه بصوت ضعيف و متعب...
ساريتا:عييت ما نخبي عليك باش نفذ بروحي..[تنهدات بابتسامة مريرة]و لكن بان ليا مكتابي نتفضح بسباب التيليفون و نموت هاد الموتة تحت يديك...[كملات كلامها بحزن كبير بينها و بين راسها بعد ما تأكدات من مشاعرها اتجاهو]وجودي فهاد الدنيا ما باغيينو لا واليديا ولا نتا...موتي حسن من حياتي...
دراغون:[قرن حواجبو بعدم فهم و خنزر فيها مدور وجهها حتى تقابل مع وجهو]أش كاتخوري نتي...على إينا تيليفون لملتك كاتهضري عليه؟!!...
ساريتا شافت فيه باستغراب...حينت باقا متفكرا بلي ذكرات التقاف فتيليفونو ملي هضرات مع فاتي..و من غيرو ما خلات دليل من وراها...و لكن شوفتو و عدم فهمو و هو كايشوف فيها...تيقنات بلي الخبار ما جاتوش من التيليفون..و ربما يكون عرف بسيرة التقاف من الحوايج لي كايطراو ليه بقربو ليها...
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...