زواج متقف

البارت 59

الفـصـــل الثـاني:ما خــلف الأقــعنة🍷👄

[ما تــخـرجــي... مــن قـلبــي ...الا و نــتــي... فـكـفــن]
✍️ By  Sa ri ta

      ⚫ 𝙱𝚊𝚛𝚝 59

فتاح:وا فين أ با دراغون...شفتك ما فرحانش لخروج ولادك اليوم..

دراغون قرن حواجبو مبدل نظرتو و هو مخنزر فيه...خطوة وحدة كانت كفيلة تخليه يشدو من التيشورت للي لابس...مزير عليه بقبضة يدو...جارو لعندو ...و فتاح مخرج عينيه...حابس من مضيغ المسكة مللي حس بباه ماشي على مودو...

دراغون:غانفرح نهار نحفر لز•امل بوك قبر بيدي...

فتاح:[تأفف بملل]الله يحفضك الواليد بلا ديسك على الصباح راني صابح مقطوع وم...

تحبس نص فكلامو بسباب الكروشية للي عطاه باه للوجه حتى دار..تلفت مخنزر فدراغون للي لا أقل عليه...ناطق بصوت بزز باش خرج مقادرش يرفع صوتو فوجه باه...

فتاح:هاد الفعايل معنديش معاهم الواليد...خليني محتارمك...

دراغون:[شدو من ورى عنقو مقرب وجهو لوجه فتاح...عاقد حواجبو]سمع أ ز•بي...مانيش معشوق فملتكم باش كل ساعة نخرجكم من الحبس...بربي و توصلو لهنا حتى نحي زا•مل بوكم بدم بارد...لم..

قاطعو ولدو صلاح للي من جهة خايف على خوه...و من جهة خايف من باه...

صلاح:[وقف حدى باه ناطق بزعامة]الواليد...الله يحن عليك دوزها لي..

قبل ما يكمل هضرتو علا دراغون يدو حتال السما مصرفقو بكل قوتو...حتى طاح صلاح للأرض حاط يدو على حنكو...حاني راسو للتحت...

دراغون:[بياض عيونو بدات تشكل فيهم حمرة من الغضب]المرة الجاية غانقطع ليك لسانك للي كايقاطع هضرتي...[غوت بأعلى صوتو حتى قفز]نوض تهز تحرك من تماك يا  بن السلݣوط لاخور...[ضار لعند فتاح...مزير على سنانو كايطلع و ينزل فيه...و مرة يشوف فصلاح]الناس والدا الرجال و أنا والد الشمايت لي كل مرة نخسر على زا•مل للي حطهم فلوسي فالحباسات...

صلاح:[نطق و هو حاني راسو ممطلعش فيه العين] أ الواليد سمح لينا...غا لحظة غضب خلاتنا نديرو هكاك...غا على وجه الميمة سمح لينا...

دراغون:[نتر نترة كبيرة ناطق بصرامة]دزتو على وجهها و خرجتكم...و المرة الجاية مغاترددش ثانية وحدة ننحركم و نرتاح من طاسيلتكم...

قال كلامو و عطاهم بالظهر خاشي يد فجيبو...و يد باقي رافعها للفوق كايكمي...خاطي خطوات مستقيمية باتجاه اللوطو...كايتنفس بهدوء يبرد راسو من هاد الغضب للي جتاحو...و قريب يعمي ليه العين حتى يدير خطوة يندم عليها...

و من وراه باقيين واقفين ولادو مع عويتق كايشوفو فيه باستغراب من عصبيتو الكبيرة للي أول مرة يبينها ليهم...و تخسار الهضرة للي قليل القليلة كايسمعوها خارجة من فمو...نطق صلاح بحيرة و هو كايشوف فباه...

صلاح:تشا بربي الواليد ما بقيت عارفو الخوادري...نحلف حتى تبدل علينا...تشا موالفو ديما مبرد دمو معانا...

فتاح:[عاقد غوباشتو كايفكر]شي حاجة العشير واقعا للواليد...حالتو مغاتبدلش غا هكاك...

دور فتاح راسو لجيهة عويتق غامزو...راجع كايمضغ المسكة براحتو...

فتاح:الواليد ما عاود ليك والو أ خاي عويتق...

عويتق:[رفع كتافو بمعنى معرفتش]راكم عارفين برو ديما ساكت مكايعاود والو...

صلاح:[نطق معصب محاملش يشوف باه بهاد الحالة]تا راه جنوني شدوني الخوادري إلى عرفت دوك ولاد القح•اب للي شكاو بينا البوليس هما السباب...

فتاح:[ضرب على كتفو]الواليد ما يخليش دوك الشمايت يحرقو دماغو بالأعصاب[قال بتوعد و هو كايأكد على كل حرف]و بحياة مّي و نعرف هادا للي وصل الواليد لهاد الحالة...و خلاه يقول لينا هاد الهضور حتى نحوي•ه من وذنو و من التحت...

قفزهم صوت دراغون من اللوطو كايعيط عليهم..بنفاذ صبر...

دراغون: دوزو قدامي للدار يحر•ق أصل مكم...