زواج متقف

البارت 136

الفـصـــل الثـاني:ما خــلف الأقــعنة🩸🫦
               ___________________
                       𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  136

دراغون:[عيونو الزراقا كتاساتهم حمورية من الغضب] دعي لربك ما نلقا فيها خبشة وحدة...و لا بربي ديك الدار غانريبها فوق ريوسكم...

قطع الخط مزير على الڤولون بقبضتو حتى بياضت يديه...كايلعن الدقيقة لي وافق يخليها تمشي لعند جداتها...من كلام فاتي عرف بلي ساريتا كتاشفات حقيقة نجلاء...و عارفها متهورة غادير شي حاجة لي تندم عليها...كسيرا بسرعة مدوز الخط لساريتا و لكن بدون جدوى...كايصوني و يصوني و حتى حد ما جاوب...حس بالخوف عليها لا تكون دارت فراسها شي حاجة بسباب لي عرفات...

ضبط راسو بزز قالب إبهامو مدوز الخط لنمرة أخرى...لي تشدات دغيا...

•••:سي دراغون نهار كبير هادا ل...

دراغون:[قاطعو بنبرة صارمة]غانصايفط ليك دبا واحد النمرة و حدد ليا بلاصتها دبا...تحررك...[قطع الخط و لاحو لبعيد منيرڤي]غانلقاك واخا تكوني تحت الأرض ...حتى الموت براسها ما غانخليهاش تفرقني عليك أناكوندتي...

___________________

فالجهة الثانية كانت فاتي جمعات التيليفون عندها مخلوعة و تلفتات لعند الجدة رقية لي ݣالسا فوق ناموسيتها...حداها آية كاتعبر ليها الضغط...و محمد برا الدار كايهضر فالتيليفون بخصوص الخدمة...ما مراعيش لحالة ختو...

فاتي:هو براسو معارفش أش وقع اليوم الميمة...خايفا على ساريتا بزاف...

آية:قاصحة أ ختي قاصحة...هي حطاتها فمقام ختها ماشي غا صحبتها...ما يحس بيها غا لي مدوز...يا ربي تحفضها من شر البنادم...

الجدة:[نترات يدها منزلة كم البيجامة.. نايضة من بلاصتها]قلبي محروق على بنيتي و نتوما زيدو حكو على الضبرة...[كاتلبس فجلابتها]ما غانبقا ݣالسا هنا و بنيتي ما عارفة إينا جايحة مشات ليها...

آية:[ناضت كاتجري وقفات حداها]هاويلي تي فين غاتمشي أ خالتي...

الجدة:[جبدات باليزتها...كاتهز و تحط فالحوايج]ما غانبقا مربعة يدي هنا...غانمشي نقلب على بنيتي...

فاتي:وا الميمة يهديك الله راه المشاكيل كاتحل بالهداوة ماشي تهزي باليزتك و تخرجي...

الجدة:[ضرباتها بالعݣاز]تي شتك وليتي تعرفي حسن مني...تي سيري قبل ما نفرشك هنا نشتف عليك بالغدايد لي راكبيني...[وجهات هضرتها لآية]هااه دوزي جري عليا هاد الباليزة لبرا...

خرجات من بيتها كاتبرݣم ما ساخياش تخليه و تمشي و لكن نفسها ما خلاتهاش تبقى فدار لي فالأصل ماشي تاعها...دار لي تهانت فيها حفيدتها قدام عدوتها...و دار لي فملك محمد و باغي يسيطر عليهم...
هاد الأخير لي كان سالا هضرتو و دخل بغا يطلع لبيتو حتى ستاغرب ملي شاف جداتو خارجا لابسة عليها و آية جارا الباليزة...

محمد:شكاين أ جدة...فين غادا و تاعمن هاد الباليزة...

الجدة:هاك هاك باقي عندك الوجه تهضر...أ سمع نقوليك نسا واش كاتعرفني و سحابني ميتة...[خرجات فيها عينيها]و حتى لا مت ما تجيش لقبري...أنا مبرية منك من اليوم حتال أخر نهار فحياتي يا قليل الترابي...

محمد:[رفع صوتو مخنزر]الميييمة أش وصلللنا لهاد الهضررررة تانييي...ما عندك فين تمشييي...

جدة:أ سكت يا بن الكلب لاخور سكت...لعنة الله عليك...ملي وليتي تجمل عليا بدارك هاني غانخليها ليك و ربح بيها و تبخر بيها...

محمد:[ضرب يدو مع الحيط معصب]بسباااابها الميمة ياك...بسبااااب ديك قليلة الحيااااا و الترابي..يااااك كنتتتتتي ما باغااااش تشووووفيهاااا أشنو وقعععع...هااا؟...

جدة:وا تمنيت يتقطع لساني و ما نقول ليها ديك الهضرة...هاديك ماشي غا حفيدتي هاديك بنتي لي ما والداهاش...إلى عايرتها لمصلاحتها هي...تا تسحابني بحالك يا الكافر بالله...