زواج متقف

البارت 130

الفـصـــل الثـاني:ما خــلف الأقــعنة🩸🫦
               ___________________
                       𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  130

دراغون:[كايهضر و يدو كاتلعب فوق حمالات صدرها مخليها كاتأوه بلا إرادتها من حر النشوة مستاغل نقطة ضعفها]همم تعلمتي لملتك تستاغلي الفرص معايا ...

ساريتا:[نطقات بصعوبة و حنيكاتها تحقنو بالدم]أ..أر..أرغد...ح..حبس...عف..عفاك...

دراغون:[باقي على نفس حركتو]لسانك دارها ليك...

ساريتا:[حاسة بالردة رجعات ليها للمرة الثالتة من ريحتو لي جاتها مجهدة على غير العادة...بزز باش نطقات]أ..أرغد ب..باراكا...

دراغون:[حبس من حركتو منزل حواجبو بقلق من حالتها لي تقلبات و وجهها لي ولا صفر]مالكي؟..كي كاتحسي براسك أناكوندتي؟...

ساريتا بعدات عليه بغات تهضر حتى خرجات عينيها حاطا يدها فوق فمها...قبل ما يزيد معاها كلمة مشات طارت للحمام كاترد و تعاود و مسارنها كاتحس بيهم غايخرجو...و هو تبعها بالخف كايجري دخل لعندها و ملاميحو متغيرين للخوف...كايدوز يدو على ظهرها و يد فوق كرشها...تسناها حتى سالات على خاطرها و حدر ليها وجهها غسلو ليها...
و هي كاترد النفس بزز حاسا برجليها غا يخويو بيها فأي لحظة و لكن قوات راسها ما بغات تبين ضعفها ليه...تسندات على صدرو مغمضة عينيها حاطا يدها فوق يدو لي على كرشها و هو معنقها...

دراغون:شويا دبا؟...

ساريتا:[حركات راسها بأه بلا ما تهضر]

دراغون:جوج مرات و نتي تردي و هادشي زاد على حدو...[نطق بجدية كايمرر ظهر أصابعو على حنكها غادي بيها لبرا الحمام]غاتزيدي قدامي دبا تشوفك الطبيبة...

ساريتا:[حركات راسها بلا كاتمتم بصوت منخفض]لا بلاش منها عفاك... أنا دبا بخير و الله...و هادشي عادي كايوقع ليا ملي كاتقرب ليغيݣل...

دراغون:[طول فيها الشوفة مزير على فكو]أخيرتك غايرطاب ليك داك الراس على قصوحيتو...[كمل بنبرة حادة]و لكن يا ويل نشوفك تردي ليا هنا مرة خرى برب حتى نجرك من شعرك لعندها تفحصك...

ساريتا:[بتاسمات ليه..كاتحس براسها بدات ترجع لحالتها الطبيعية]فهمت فهمت...ما نظنش واش غا تعاود غا رتاح...[ضورات عينيها]أحم و الشرط لي قلت ليك؟...

دراغون:[دوز إبهامو على شفايفها]ما حدك بديتي ديري عقلك و تسمعي الهضرة...غانخليك تشوفيهم فالوقت لي بغيت أنا و ننسا داك النهار المزفت[كمل بنبرة تملكية]و كانصحك مطوليش لعندهم و تخليني نبدل رأيي..

ساريتا:[رمشات عويناتها ببراءة فيه]كانشكرك بزاف...

دراغون:[بنظرة ماكرة متربص بيها]هاكا كايشكرو الناس؟!!...

ساريتا:هادا جهدي عليك[عبسات مغوبشا بيه]هاكا علمونا واليدينا نديرو...

دراغون:[قابل وجهو مع وجهو حتى بلعات ريقها غاطسة فبحر عيون الزرقا]و مقالوش ليك بلي دراغون ما عندوش مع الشكر الناشف...[جمع شفايفها بين صباعو بايسها بوسة جنونية و بعد راسو شوية]هاكا الشكر كايكون معايا أناكوندتي...

ساريتا:ااااه [حطات يدها على فمها كادمع]قصحتيني..

[جرات رجليها كاتلمس شفايفها حتى ضارت عندو مخنزرة ملي حسات بشحطة فتري•متها كاتحك فيها...و هو كايشوف فيها مميل راسو]

دراغون:غا زيدي و•حوحي عليا باش نتكيك هنا و نكملو لي بدينا البارح...

ساريتا:[حطات يديها على جنابها مطلعا راسها ليه]تغالطت ليك مع روبو ولا؟...[شافتو بلا عݣز تم جاي لجيهتها ببطئ خلاها تهضر بصوت مغنغن بلهلا يطريه ليها]حݣار...حݣرتي أنوثتي من حقي ندافع عليها و تحتي ما بقيت حاسا بيه...

قالت هضرتها و مع شافتو شوفاتو مناويين على خير... تحنات دغيا هزات الشبكة لي فيها الحوايج و طارت حلات الباب و خرجات ما تلفاتش وراها...

خلاتو كايدوز لسانو على باطن حنكو كايضرب بسبرديلتو فوق الأرضية...متحكم فراسو حابس الضحكة لي جابتها ليه...بعفويتها و هضوراتها كا بنية صغيرة مرة مرة...و مرة بعقل ناضج...عارفها عندها وجوه كثيرة و كل مرة كاتبين واحد...