زواج متقف

البارت 21

            ▪️عند دراغــــــــــــــون...

فالطابق الثاني للديبو...كان ݣالس داير رجل فوق رجل...كايشرب فقهوتو الكحلة ببرود تام  و امامو واقفين جوج دراري...من مظهرهم كايبانو شماكرية من النوع الطراز...كيحكو فلحمهم بهيستيرية و عينيهم حمرين...كايطلبو و يرغبو فالدراغون لما معبرهم...و بقا ليهم شويا يبوسو رجليه...غير باش يعتقهم...

الشمكار 2:الله يتوب عليك ا برو...عتقنا بشيى خنيشة الله يحفضك...

دراغون:(ساط الدخان فالهوا و تكلم و هو قالب عينيه لجيهتهم)حط الفلوس...

الشمكار 1:و الله اخويا دراغون ما عندنا الفلوس كاملة...راك عارف الوقت ناشفة...

دراغون:(طلع معاه بتخنزيرة)بنت لملتك كانحطهم فابور هنا...

الشمكار 1:(كيحك فيديه و الدم دايز)الله يخلي ليك الميمة ا برو...و يطول لينا فعمرك لما عتقنا قبل ما نموتو...

دراغون عوج عنقو يمين و شمال بقلة صبر...ناض من بلاصتو بكل برودة لجيهتهم و هما خايفين لا يدفنهم فبلاصتهم...و فنفس الوقت ما بغاوش يتحركو بلا الحشيش لعند دراغون...
وقف مقابل معاهم بنظرة ثاقبة...حتى غفلهم بجرة قوية بيد وحدة...حاط يدو على عنق واحد فيهم كارز عليه و لاخور كايتركل فبلاصتو...ولا وجهو حمر اما صاحبو مللي شاف القضية حماضت هرب و خلاه...نطق دراغون متمتم بكلمات بزز باش نطقهم و هو منيرڤي...و هو باقي مزير على هاداك...

دراغون:المرة الجاية ...فاش نعاود ...الهضرة...غاتكون تحت التراب...(دفعو حتى جا طايح على الارض)غبر عليا كمارتك...

الشمكار غير طلقو دراغون و طاح...ناض بجرية وحدة مضارش...اما دراغون رجع لبلاصتو ݣلس...و هاد المرة تكا على الفوطوي مسرح يديه على طول...و حال عينيه فالسقف راجع لهدوءو لكان فيه...كأنه مكانش معصب من شوية هادي...ببساطة حينت قادر يتحكم فغضبو و يسيطر عليه...

بقا على داك الوضع قرابة خمس دقائق...حتى تسمعو خطوات طالعين فالدروج...و صوت راجل جاي و كايقرب لعندو...

***:عاش من شافك دراغون...

دراغون دور راسو لجيهتو شاف فيه...و رجع لوضعيتو السابقة ناطق بهدوء...

دراغون:اشدارو دوك الزو*امل فالسلعة؟...

عويتق:(مشا ݣلس قدامو و تنهد بقلة حيلة)مقدروش يجيبو نص السلعة لمشات...و من خوفهم منك هربو...

دراغون:(تقاد فالجلسة دغيا ...بشوفات قاصحة كايرمقها بيه)بربي و ما طلعهم من غارهم... حتى نحيبك فبلاصتهم...(ضرب يدو بجهد مع الطابل لقدامو)فآخر يامي مخدم معايا وليات...

عويتق:(هضر بشوية خايف يدوز عليه)الدراري بداو كايقلبو عليهم...و ما نرتاح حتى نلقاهم و نجيبهم ليك بيدي...

دراغون:هي لا نضتي غبرتي عليا وجهك...و هاد المرة ما تجي عندي لما كانو فيديك...(طلع براسو لجيهتو مركز فيه الشوفة)و ديك بنت القح*بة جبتوها؟...

عويتق:جبناها...و خليناها للتحت مربوطة...

دراغون:شي حد شافكم و نتوما كاتخطفوها؟...

عويتق:لا...خلينا حتى مشات لبلاصة خاوية...

دراغون:(ناطق و هو نايض من بلاصتو)مممم واخا نوض شوف الشغل لقلت ليك...

هز دراغون تيليفونو خشاه فالجيب...و اليد الثانية فيها ݣارو حطو ففمو...تاجه للدروج نازل للطبقة الثانية...فين كاينين بزاف تاع الكراطن مستفين و شي مرمي..
وصل لتحت فين متواجدة ساريتا...و هي طايحة فالارض فوق كارتون...من يديها لمرجعين اللور مربوطة...و رجليها مفلتوش...و سكوتش ساد فمها...كانت ستارجعات وعيها قبل دقائق...و كاتنتر من بلاصتها باغا تفك بأي طريقة...