الفـصـــل الثـاني:ما خــلف الأقــعنة🩸🫦
___________________
𝑩𝒚 𝑺𝒂 𝒓𝒊 𝒕𝒂
⚫𝑩 𝒂 𝒓 𝒕 179
سميحة:[صفارت..و جمعات الوقفة]ك..كيفاش مغاتجيش...أ ..أ زعما بغيت نقول ما موالفاش الخدمة تشدك علينا النهار كامل...
دراغون:[تنهد مطولا...كايحك بسبابتو على حاجبو]الواليدة سيري تنعسي و رتاحي...
سميحة:[بلا ما تحس نطقات]و مراتك؟!!...
دراغون:[استغرب]مال مراتي؟...
سميحة:[دورات عينيها تفكر اش تقول ليه..حتى غمضات عينيها و هضرات و لي ليها ليها]مراتك أ ولدي زلقات و طاحت و تهرسات...و دبا غاندوها للكلينيك...[غا طلعات معاها اش قالت بالخلعة قطعات الخط فوجهو]هاويلي يا ويلي اش درت...هاويلي كذبت عليه...اليوم يعلقني انا و ياها...
عند دراغون ...ملي قطعات فوجهو جمع النوضة هاز تيليفونو بزربة...و الخوف باين واضح على ثنايا وجهو من خوفو عليها...
تخطى الملفات مزروب فخطواتو... و مشا ركب فاللوطو مكسيري بأقصى سرعة...فنفس الوقت كايصوني لماماه سميحة و لكن لقا التيليفون طافي...
ما دازش بزاف د الوقت و كان دخل الدرب...ما حبس اللوطو تال حتال الباب و نزل بسرعة مسرع خطواتو...لقا الباب مردود...
حلو بلا ما يتسوق و دخل خاطي خطواتو فوسط ديك العتمة نيشان الفوق...
فكل خطوة للغرفة كايسمع صوت دري صغير كايعيط بكلمة "بابا"...
استغرب و دخل للداخل و مع أول رجل حطها تشعل الضو فالغرفة لي كانت مظلمة...و نظراتو تبدلو للتفاجأ ملي لمح الزينة المعبية الغرفة...
ابتداءا من الورد المحيط بيها تال السرير...و الطبلة فالقنت فيها عشاء رومانسي منورة بالشموع...و الحاجة لي زادت استغراب لعندو هو الصوت الدري الصغير المنباعث من واحد البواطة مغلفة...
دور عيونو كايقلب عليها و لكن ما بانتش ليه...قرب لديك البواطة الكبيرة هازها بين يدو كايقلب فيها بتفكير قبل ما يحلها...و يلقا فداخلها صبيبيط و حوايج الدراري الصغار...
تحولو نظراتو لشبح من الصدمة بحالا بحال يفهم لي طاري...و يوضاح ليه شكوكو من زمان...صوت الدري الصغير و هاد الحوايج هي رسالة واضحة عرف من خلالها أنه قريب غايصبح أب...
حس بأحاسيس فشكل داخلو و شعور زوين حياه من جديد و رجع....إحساس و هو غايكون أب كان بالنسبة ليه بحالا أول مرة ليه....
خارجو من بحر صدمتو يدين صغار حاوطوه من كرشو ببطئ...و قبلة طويلة ترسمات على عنقو...و من شكون من غيرها و هو بلا ما يدور لعندها عارفها غا من ريحتو بلي أناكوندتو الصغيرة....
ساريتا:و أخيرا جيتي لعندنا[بنبرة هامسة...مبتاسمة بحب]أنا و ولدنا شحال و حنا كانتسناوك أ حبيبي...
رسم بسمة صغيرة على ثغرو...و جرها من يدها بسلالة حتى جات قدامو بعيون لامعة...لامحة بسمتو لي ما تظهر الا مرات و مرات...هي و نظراتو فشكل كانت و هي نظرات الفرحة لي كانو كافيين تعرف بيهم ردة فعلو....
و هو كايشوف فيها كايحفض تفاصيلها الطبيعية المهبلاه...غاطس فبحر جمالها بالكسوة لي مواتياها و تسريحة الشعر...
دراغون:[حط يدو فوق كريشتها..سائلها بنظراتو بعدم تصديق]
ساريتا:[حركات راسها بأه بعيون دامعة...واضعة يدها فوق يدو المحطوطة على كريشتها]أه أ حبيبي...فهاد الكريشة كاينة ثمرة زواجنا...[بشوق لعينيه الزرقا]أنا حاملة...
كي جاتكم ردة فعل دراغون؟
و هاد الفرحة فنظركم غاتستامر و ما يوقع شي حاجة تقلب الأحداث كاملة؟
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...
