زواج متقف

البارت 92

الفـصـــل الثـاني:ما خــلف الأقــعنة🍷👄

[ما تــخـرجــي... مــن قـلبــي ...الا و نــتــي... فـكـفــن]
𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  92

و هو لاح الݣارو عافط عليه...ناطق بنبرة باردة لاوي ليها يدها حتى تأوهات مخنزرا فيه...

دراغون:سخات عليك هاد اليد حتى تطاول على سيادها..

ساريتا:[بلعات الصدمة أنها عرفاتو شكون و بلا ما تشعر نطقات بزربة]حق مولانا أ ولد سميحة ما درتها بلعاني...حق الطعام لي تشاركنا الله يرزيني فيدي ما قصدت غا جات فيك بالغلط...

دراغون:[طلع فيها و نزل بنظراتو الحادة و طلقها]الغلط كايوقع...و بنت داوود ما عندهاش الجرأة تتطاول يدها عليا الا و بغات تحفر قبرها...

ساريتا:[عضات على شفايفها و خدودها حمرين محمقها عيونو الزرقا و لا ما تحس نطقات]القبر أخيرتنا يا اليوم يا غدا...و ربي لي كاياخود روحنا ماشي العبد...

دراغون:[ركز فيها الشوفة ناطق بنبرتو الرجولية]لسانك سليط أ بنت داوود...داكشي لي ناقصك فالعقل تزاد ليك فاللسان...

ساريتا بغات تهضر و لكن عنكشها شعرها مع الصهد و الشمس لي حارقاها...شداتو بغات تجمعو حتى وقفها يد دراغون كايشوف فيها...

دراغون:حبسي...

ساريتا:[باستغراب و هي مراعاتش لهضرتو]أشن

سكتات ملي حسات بشي حاجة تقطعات...خرجات عينيها و حطات دغيا يدها على عنقها كاتحسس سنسلة العقيق لي جاتها كادو تقطعات...رمشات عيونها فدراغون لي مرفوع حاجبو ليها باستهزاء...و حناتهم للأرض شاداها البكية..ما رضات تنزل دموعها قدام دراغون لي قلب نظراتو للإستغراب...و مشات فوق حجرة ݣالسة عليها...حاطا يديها على حناكها تبكي و تقول ما بكات و شهيقها واصل لدراغون...

ساريتا:[حادرا عويناتها للأرض]الكادو الوحيد لي جاني فحياتي مشا...ما عند بويا زعر معاهم...

دراغون:[مقرب ليها ..محني لمستواها ناطق بنبرتو الثقيلة]بلا ما ديري حالة على سنسلة عادية...

ساريتا:[مسحات دموعها كاتشهق]عادية عندك نتا...أما انا عمر كادو جاني من غير هادا و مشا...

دراغون:[شاف فيها شحال و نطق بجدية]دموع بنت داوود مكايتنزلوش على قبل سنسلة عادية...[حيد السنسلة لي فعنقو كايلبسها ليها و هي حالا فمها فيه]عتابريها كادو و أمانة فبلاصتها ذكريني بيها...حافضي عليها حتى يوصل نهار ناخدها من عندك...

ساريتا سكتات من البكا متفاجئة كاتبحلق بعويناتها و شويا بشويا بدات تضحك فرحانة...كاتلمس بصبعانها السنسلة و هو متبعها بنظراتو ليها...و بلا ما تحس عنقاتو من خصرو مخلياه راسم بسمة على شفايفو مدور يديه عليها...

🔙🔙الرجـــــوع إلى الحاضر..

رجع للواقع اثر الغوات المرتافع لي واصلو حتال هنا...لا و المشكيلة لي خلات دراغون يتعصب فبلاصتو هو صوت ساريتا الباكي...خشا دغيا السنسلة فجيب السروال...و نزل للتحت دغيا كايجري...

         نرجعو للتــــحت...

كان واقف محمد معصب و صوت غواتو خارج حتال برا...و ساريتا طايحة للأرض شادا فعنقها  كاتنفس بزز و عينيها بالكاد كايتحلو...مكاليا عليها غا جداتها حامياها كاتزاوك فحفيدها يبعد منها و آية كاتحاول تهدن راجلها ووالو...غا ما زايد و يطغى معاقلش على راسو...

محمد:أنااا يااا الكلبببة تشوووهيني قدااام لي يسوااا و لي مااا يسواااش...نسحااابك واااقعااا ليييك شييي حاجة و نتيييي رجعتتتتتي ليييييه الخااانزة...[باغي يطير عليها غير جداتو حابساه]يا الكلببببة حنا مخلوعين عليك و جددظدة غاتمووووت بالخوف و نتي و على باااالك...

الجدة:[واقفا قدامو تطلب فيه]أ محمد يرضي عليك سير بدل ساعة بختها الله يهديك...ما تقولش شي هضرة لي تندم عليها...

محمد:جدةةة متدخليييييش خلييييني نربي الكلببببة لي شوهاااتنا فالدوار و عاودااات شوهاااتنا هنا....خلييييني نقتلهااا و نرتاااح...

ساريتا:علاش غانشوهك علاش...واش دايرا شي حاجة حرام هااا...[نطقات بالغوات و هي كاتكحب...كاتحاول تنوض من بلاصتها و آية معاوناها]هادااااا جهددددك ...و إلى سميييييتك رااااجل أجي الشماتة...كوووون كاااانت فييييك حس الررررجلة كوووون جييييت لعنننندك و مغانهربش من لييييلة عرررررسي...