زواج متقف

البارت 88

الفـصـــل الثـاني:ما خــلف الأقــعنة🍷👄

[ما تــخـرجــي... مــن قـلبــي ...الا و نــتــي... فـكـفــن]

𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  85

سميحة:[حاطا يدها على حنكها كاتشوفها قريب تكمل بالطبسيل]الله يا بنيتي الله و الطبسيل قريب تقبيه...[شافت دراغون حبس ماكلتو كايشوف فيها و هي تكمل دغيا كاتضحك بالغدايد]غا كولي يا بنيتي و إلى كملتي فطورك نزيدك...

ساريتا:[بتاسمات ليها ابتسامة كبيرة مصطنعة]عارفاك أ خالتي نتي مول الجود و الكرم...و لكن خيرك بعوضي أنا ديريه مع حفايدك[ضارت كاتشوف ففتاح بتحدي لي زاد خنزر فيها]لي عاد جاو البارح...

دراغون:[رافع فيها حاجبو عارف مو و مراتو لاش مطويين..نطق مناطبهم بجوج]سبق و قلت ليكم بجوج كل وحدة فيكم فكفة... خاطيني سوق العيالات...مغانعاودش الهضرة...و ما نبغيش نشوف وحدة تقلل الاحترام على الاخرى...

ساريتا:[ضارت بالعرض البطيئ لجيهة سميحة محافضة على نفس الابتسامة]ماماك فمقام ماما أ راجلي العزيز...و الحاجة لي تضرها تضرني...و الحاجة لي تفرحها تفرحني...

دراغون حرك راسو بواخا و هو عارف أناكوندتو أش كاتسوا...و فنفس الوقت عارفها ماشي ممربياش باش ما تحتارم لي كبر منها...و سميحة حداها مخرجا عينيها من اللفعة لي تحلف بكلامها كاتهضر من نيتها...و هي عارفا غادير عكس الهضرة لي قالت...و مقابل معاهم فتاح ناطق باستهزاء...

فتاح:راك بسبعة رواح ...ملي مزال عندك لسان تهضري بيه...و انا نسحاب من ورى ديك السلخة تكوني متي أ مرات پا...

ساريتا حمارت و ما رضاتش قدامهم و ماشي بعيد يكونو عارفين كيف عارف...ضارت شافت فدراغون لي ناض بكل هدوء من بلاصتو...و وقف مباشرة وراه ضارب يديه مع كتافو حتى قفز فتاح كايبلع ريقو...حاني حدى وذنيه ناطق بنبرة حادة و صارمة...

دراغون:مغانضربك و لا نجري عليك من الدار...لا حينت غانحرمك نيشان من الكوكايين...

فتاح:[تصدم]لا الواليد الله يتوب عليك إلا هو...

دراغون:بربي أ ولدي الغالي و ما تسحب هضرتك دبا و تعتاذر منها...غانديرها على قد فمي...

فتاح:[تعصب]باغيني نطلب السماحة من وحدة مكاتسواش...

دراغون:[طبطب عليه]واخا تعيا دور و تنبش...مغاتلقاش سلعة دراغون كاضور حداك...[بغا يمشي حتى وقفو صوت ولدو ناطق بزربة]

فتاح:[من فوق خاطرو بنفاذ صبر نطق]سمحي ليا أ مرات الواليد[ختمها بتخنزيرة حارة ليها و هي مبتاسمة باستفزاز ليه]

دراغون:[موجه كلامو لساريتا]تهزي يالاه...

سميحة:[باستغراب]لفين أ ولدي...واش مغاتݣلسش حتى تغدا...

ساريتا:[ناطقة بفرحة ظاهرا فعيونها]لعند جدة أ خالتي...

دراغون:[نطق و هو عاجبو الحال.. كايشوفها فرحانة]الواليدة غير تغداو...[كمل كلامو موجهو لولادو]و نتوما تنزو قدامي قلبو على خدمة...

صلاح:وا الواليد...راه عيينا نقلبو فهاد البلاد حتى تحفاو الرجلين ووالو خدمة لقيناها...

دراغون:شغلكم هداك...ما رانيش والدكم تݣلسو ليا فالدار كي العيالات...

هز تيليفونو و سوارت اللوطو...و بلا ما يهضر حاوط ساريتا من خصرها تحت نظرات فتاح القاتلة...و توجهو لبرا للوطو المركونة حدى الباب...حل ليها باب اللوطو و قبل ما دخل همس ليها بنبرة حادة...

دراغون:التصرف لي درتي قبيلة...من بعد و نتحاسبو عليه أ أناكوندتي...

ضارت شافت فيه كاتعض على شفايفها بريبة...و ركبات مخلياه سد الباب من جيهتها و ركب من الجهة الثانية مكسيري بسرعتو...