فاللـــــــيل
كيف أي ليلة لي كاتسالي فيها الخدمة كانت نزلات أم نجلاء(كريمة) من طرونسبور كاتمشى بشوية كاتعرج...مقادراش تمشى و رجليها منفوخين عليها من التمارة الكخلة لي ضاربة فحق بنتها...شافت عيالات ݣالسين مزال كايجمعو...بتاسمات ببشاشة كاتسلم عليهم من بعيد...
كريمة:سلام عليكم العيالات...كي دايرين لاباس...
كاين لي ضار لعندها مبتاسم ليها راد السلام عليها...و كاين لي ناضت من بلاصتها مخنزرين فيها و مشاو...خلاو تعجب علاش تصرفو هاكا موجهة سؤالها لواحد الجارة ...
كريمة:ختي سعاد...ياك شي باس ما كان...شفت غا جيت و هما يمشيو واش درت ليهم شي حاجة...
الجارة:لواه أ ختي كريمة نعلي الشيطان ما تقوليش هاكا...و أري نشد عليك داك الشاكوش ما شفتيش رجليك كي منفوخين...
كريمة:[برفض]لا لا ختي سعاد ها الدار قدامي منعذبكش معايا...
الجارة:هاويلي مالنا حنا برانيين أري لهنا[شدات منها الشاكوش بزز]زيدي بشوية عليك...[تنهدات بقات فيها و الرجلين كاتشوفهم مقيحين ليها و مع ذلك صابرة]اييه يا ختي ماشي لي قدك نواضرهم شايبين شادين الركنة فديورهم...و ولادهم كايخدمو عليهم بالليل و بالنهار...
كريمة:[حركات راسها بالرفض]لا لا يا ختي سعاد بنتي نجلاء ما نخليها ضرب التمارة لي ضربت...بنتي نجلاء نبغيها تكون حسن مني و تخدم خدمة تليق بيها...
الجارة سكتات ما باغا تقول ليها اش كا دير بنتها لي تايقة فيها...بنتها لي فضلات طريق الساهلة لهي طريق الحرام...عاوناتها حتى وصلات للدار و سلمات عليها ماشية لدارها...مخلية كريمة كاتحل الباب بالساروت ...داخلا و كاتعيط على نجلاء...طلعات لبيتها ما لقاتهاش و هي تخلع عليها كاتقلب فالكوزينة و الطواليط و تعيط...
كريمة:هاويلي نجلاء فين كاينة...
هزات تيليفونها كاتصوني عليها شحال تا يقطع...من الخلعة ݣلسات فوق السداري كاتنش على راسها و تعاود تصوني حتى تشد الخط و باشرات بسؤالها...
كريمة:نجلاء يا بنيتي جيت للدار و ما لقيتكش فينك؟...
نجلاء:[كاتهضر بزز و راجل فعمر باها خاشي وجهو فعنقها يبوس]أ ماما أحم راني بايتة عند صاحبتي نوال...[حسات براسها سخنات و هي تكمل كلامها دغيا باش تسالي المكالمة]ماما نخليك فيا النعاس تال غدا و نجي...
كريمة:واخا بنيتي تهلاي فراسك و ردي البال...الله يبعد عليك ولاد الحرام...
قطعات نجلاء الخط حابسة البكية فداخل عيونها...و قلبها مزير عليها ما باغاش هاد الوضع...كل لي بغاتو هو تولي لاباس عليها كثر من ساريتا و تعيش ماماها أحسن عيشة بعيدا على الفقر...بعدات داك الراجل من فوقها شوية ناطقة بتحلوين...
نجلاء:أش بان ليك نطولو سهرتنا...[باستو بعنف ففمو و هو حال فمو فيها هيجاتو]و تكثر الفلوس معاها...
•••:تستاهلي كثر من مليون أ حبيبة غا بعيني ....
ضحكات بغنج و كملتو سهرتهم المحرمة...ناسية ماماها لي تسحابها مع صحبتها و تدعي معاها...
_____________
فـــــــدار دراغــــــــــــون
كانو عاد سالاو من الماكلة بلا دراغون لي كان غابر...و هي واقفة كاتمسح فالطبلة و بنص عين كاتشوف ففتاح...لي نظراتها ختارقوه من البارح لليوم و حس بيهم لا هو لا سميحة...لي ما نقذاتو غا هي جارا ساريتا من دراعها حتى وقفو فالكوزينة و رخات منها مخنزرة فيها...
سميحة:أش دوك الشوفات كاديري هاا؟...باغا تاكلي الدري بعينيك ما حشمتيش...
ساريتا:[قلبات عينيها بملل]الله يهديك أ خالتي سميحة الله يهديك...أش باغاه أنا...[شافت فيها بعيون كاتبري]أنا كانشوف غا فعينيه الزرقا البحرية بحال أرغد...
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...