زواج متقف

البارت 84

الفـصـــل الثـاني:ما خــلف الأقــعنة🍷👄

[ما تــخـرجــي... مــن قـلبــي ...الا و نــتــي... فـكـفــن]

𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  84

شافت فيه ساريتا مشبكة صبعانها قدامها...كاتشوف كلامو على حق...فمها كاياكولها و معتارفة بيها ...و لكن الطريقة باش كايداوي جروحها استافزاتها و ما خلات لسانها تحكم فيه...قفزها تاني ملي ضرب يدو مع الحيط بجهد.. ناطق و هو مزير على سنانو كايرمقها بنظراتو القاسية...

دراغون:الهضرة لي كانحفي معاك كل نهار كاتدخل من وذن و تخرج من وذن...لملتك توحشتي العصا...هااا؟..م

ساريتا بلا ما تحس قاطعاتو  بموجة من الشهقات شويا بشويا كايزيدو يعلاو...و دموع نازلين من عيونها...خلات دراغون يتقاد فالوقفة منزل حواجبو باستغراب و عدم رضى...ماعارفش علاش كاتبكي و مقادرش يشوف دموعها و هي بهاد الحال...حط صبعانو تحت ذقنها رافعو الفوق كايمرر ابهامو على حنكها...ناطق بتساؤل كاينقل نظراتو عليها...

دراغون:دبا علاش كاتبكي..هممم؟..

ساريتا:[نطقات بصوت متقطع بالبكا و جسمها كايتهز معاها..مخلياه يدوز يدو الثانية ورى ظهرها
كايسكتها..عاقدهم]ك..كنتي..غ..غاتقتلني.. الب..بارح...و انا مظلومة...ما درت لا بيدي و لا رجليا..[زادت فوتيرة البكا] و دبا باغي تكمل ما بديتي...و أنا ...بزز ..باش تقبلت زواجي بيك..

دراغون:[بقات فيه و قلبو حس بالعافية شاعلا فيه مقادرش يشوفها كاتبكي]ششش..تهدني أناكوندتي حتى واحد ما غايقيسك...

ساريتا:[لا رد حركات راسها بلا و حطات يديها على وجهها مغطياه مكملا بكاها بحال شي درية صغيرة]

دراغون شاف فيها شحال و للحظة شدو شوية الندم على داك الضرب لي ضربها البارح...فعوض ما يتفهم لي دارت حينت هو لي بدا...عارفها حقانية و نفسها فوق نيفها
..عارفها واخا تكون غادية على خطوات الموت ما تخلي دقتها...و لكن غضبو عما ليه العين و ترجل عليها...

تنهد مطولا قبل ما يجرها لحضنو محاوطها بيد...و يد الثانية كاتمرر على شعرها كايطبطب عليها...و هي زادت تمخششات فيه غاطسة وجهها فصدرو كاتنخصص...و يديها ضارو على ظهرو...و مرة مرة تمسح دموعها فتيشورط ديالو بلا حشمة...خلات بسمة تبان مرغومة عليه و هو عينو كايشوفها بنتو الصغيرة قبل مراتو...فيها حوايج عفويين و طفوليين كغير عيالاتو لي سبقوها...زاد زير عليها فحضنو بعناق تملكي بالكاد غايدخلها للداخل...

            مكـــــــــــــان آخــــــر...

فغرفة صغيرة متواضعة..كانت نجلاء مخسرا سيفتها كاتوجع...و بجنبها فاتي كاتعاونها فاللبس... و من وجهها كاتبان معاجبها حال لصحبتها و هي فهاد الحال...من وجهها حتال رجليها مقموشة و معضوضة تشفي العدو...

فاتي:هاويلي أ صاحبتي واش واكلا شي حاجة من غير الخبز...مالك ما ديكلاريتي بيهم للمخزن تصايفطيهم فين يترباو...

نجلاء:[ناطقة بصوت مهلوك] الله يحفضك أ فاتي بلا ما تفرعي ليا راسي راه ضارني ما تزيدينيش...هادوك الشفارا داو الصاك و هربو كي بغيتي نعقل على وجههم و نديكلاري...

فاتي:[كادير ليها الفاصمة لقمشات لي فوجهها]أنا يا صحايبتي لي عارفاك...انا لي عارفاك غشيمة لي جا يعفطك عليك و يزيد...[شافتها خنزرات فيها و هي تكمل مخرجا فيها العين]هاو مالي كذبت تي شوفي غا فالحمام ما قدرتي دافعي على راسك ملي جات حشاتها ليك ديك المرا...كون ما ساريتا الله يخلف عليها ما تدوز ليك بجغيمة لما...

نجلاء:[قالت فخاطرها]هاد ساريتا لي فاضحين بيها الوقت...طال الزمان ولا قصار غا نخليكم تاكلو عليها كسكسو...و نولي أنا الكل فالكل...

فاتي:[حركات يدها قدام عينيها ]و السبليون...و تي شتك سهيتي...فين مشيتي...

نجلاء:[قلبات ملاميحها للحزن مصطنع]ايييه لقيتيني كانفكر فصحايبتي ساريتا...علم الله فين هيا و اشنو واقع ليها...

فاتي:[قالت عادي ما بينات بلي فراسها شي حاجة]الصبر اخويتي الصبر...حتى يفرجها ربي...